Morgunblaðið - 02.03.2018, Page 14

14 FRÉTTIRInnlent
MORGUNBLAÐIÐ FÖSTUDAGUR 2. MARS 2018
flísar fyrir vandláta
PORCELANOSA
Skútuvogi 6 - Sími 568 6755
Eftirlitsmaður Umhverfisstofnunar
gekk fjörur í Tálknafirði þann 27.
febrúar sl. til að kanna hvort dauð-
fiski hefði skolað á land, sem rekja
mætti til óhapps þegar kví laskaðist
hjá fiskeldi Arnarlax. Ekki fannst
dauðfiskur frá fiskeldinu í fjörum á
því svæði sem farið var um og ekki
merki um óvenju mikinn fjölda
fugla, en frá þessu er greint á vef
Umhverfisstofnunar.
Ekki komu göt á kvína en hand-
rið og flotrör löskuðust og færa
þurfti fiskinn yfir í aðra kví vegna
viðgerða. Magn dauðfisks frá eld-
inu verður staðfest með skrán-
ingum úr innra eftirliti og kvitt-
unum frá móttökuaðila úrgangsins.
Því verður sinnt í næsta reglu-
bundna eftirliti, segir á vef Ust.
Fram hefur komið í Morgunblað-
inu að í kvínni hafi verið 194.259
laxar. Hún var tæmd og drápust
53.110 laxar. Matvælastofnun fékk
fyrstu tilkynningu frá Arnarlaxi 12.
febrúar um að tjón hefði orðið dag-
inn áður.
Leitað að dauðum
fiski á fjörum
Baldur Arnarson
baldura@mbl.is
Miklu munar á áætlaðri rekstrarniður-
stöðu 20 stærstu sveitarfélaga lands-
ins í ár. Hornafjörður áætlar að skila
tæplega 200 þúsund króna afgangi á
íbúa en gert er ráð fyrir mínustölum á
Seltjarnarnesi og Vestmannaeyjum.
Miðað er við A-hluta bæjarsjóða.
Tölur um íbúafjölda sveitarfélaga í
byrjun þessa árs liggja ekki fyrir á vef
Hagstofunnar. Gera má ráð fyrir að
íbúum flestra, ef ekki allra, 20 stærstu
sveitarfélaga landsins hafi fjölgað í ár.
Því eru skatttekjur á hvern íbúa hér
eitthvað ofmetnar. Sama á við um
rekstrarniðurstöðu fyrir fjármagns-
liði.
Skatttekjur allra sveitarfélaga eru
áætlaðar samtals um 236 milljarðar.
Þar af eru þær 90,8 milljarðar í
Reykjavík, eða um 38,5% af heildinni.
Áætlaðar skatttekjur á íbúa í borg-
inni eru þær hæstu á höfuðborgar-
svæðinu, eða um 737 þús. Þær eru
lægstar á Nesinu, eða um 669 þús.
Sú önnur lakasta í Reykjavík
Rekstrarniðurstaða fyrir fjár-
magnsliði á hvern íbúa í borginni er sú
önnur lakasta á höfuðborgarsvæðinu,
eða rúm 22 þúsund. Áætlað er að af-
koman á þennan mælikvarða verði lök-
ust á Seltjarnarnesi. Þar er því spáð að
hún verði neikvæð um rúmar 26 þús-
und krónur. Mosfellsbær er í efsta
sæti en þar er áætlað að afkoman verði
jákvæð um 76 þúsund á íbúa. Sem áð-
ur segir lækka þessa tölur eitthvað
þegar íbúatalan verður uppfærð milli
ára.
Sé litið til Suðurnesja er rekstrar-
niðurstaðan í Reykjanesbæ jákvæð
um tæplega 76 þús. á íbúa fyrir fjár-
magnsliði.
Á Suðurlandi vekur athygli að
rekstrarniðurstaðan á hvern íbúa í
Hveragerði er jákvæðari en á Sel-
tjarnarnesi, Garðabæ, Hafnarfirði og í
Reykjavík. Má í þessu efni rifja upp að
Aldís Hafsteinsdóttir, bæjarstjóri
Hveragerðis, sagði í samtali við Morg-
unblaðið í janúar að aðflutningur íbúa
með hærri tekjur hefði aukið útsvars-
tekjur bæjarins. Margir þeirra hefðu
flutt frá höfuðborgarsvæðinu.
Hornafjörður sker sig úr á Suður-
landi. Þar er áætluð rekstrarniður-
staða fyrir fjármagnsliði 429 milljón-
ir, eða rúmlega 196 þúsund á hvern
íbúa. Skatttekjurnar eru rúm 721
þúsund á íbúa. Það skilar Hornafirði í
4. sæti af 20 fjölmennustu sveitar-
félögunum. Skatttekjurnar eru að-
eins hærri í Fjarðabyggð, Reykjavík
og Garðabæ.
Mestar skatttekjur í Norðurþingi
Á Norðurlandi er áætlað að Norður-
þing verði með hæstar skatttekjur og
bestu rekstrarniðurstöðu fyrir fjár-
magnsliði á hvern íbúa. Áætlað er að
niðurstaðan verði jákvæð um tæplega
82 þúsund í Norðurþingi og skatttekj-
urnar um 689 þúsund á hvern íbúa.
Á Vestfjörðum er áætlað að
rekstrarniðurstaðan á Ísafirði verði já-
kvæð um tæplega 12 þúsund á íbúa.
Það er minnsti afgangur þeirra
sveitarfélaga úti á landi sem eru í hópi
þeirra 20 fjölmennustu á landinu.
Á Austurlandi eru skatttekjur á
íbúa í Fjarðabyggð tæplega 768 þús-
und. Á Fljótsdalshéraði er áætlað að
rekstrarniðurstaðan fyrir fjármagns-
liði verði jákvæð um tæplega 117 þús-
und á íbúa. Það er önnur besta afkoma
20. stærstu sveitarfélaganna, á eftir
Hornafirði.
Rekstrarniðurstaða fyrir fjár-
magnsliði er aðeins einn mælikvarði á
rekstur. Hér er t.d. hvorki tekið tillit til
niðurgreiðslu skulda né fjárfestinga
hjá umræddum sveitarfélögum.
Fjárhagsáætlanir sveitarfélaga 2018* (A-hluti)
Höfuðborgarsvæðið Suðurnes Suðurland Vesturland Norðurland Vestf. Austurland
Reykja-
vík
Kópa-
vogur
Hafnar-
fjörður
Garða-
bær
Mos-
fellsbær
Seltjarn-
arnes
Reykja-
nesbær
Grinda-
vík Árborg
Hvera-
gerði
Vestm.
eyjar
Horna-
fjörður Akranes
Borgar-
byggð Akureyri
Skaga-
fjörður
Norður-
þing
Ísa-
fjörður
Fjarða-
byggð
Fljótsd.
hérað
Skatttekjur, milljónir kr. 90.815 24.605 19.642 11.118 6.781 2.979 10.205 1.968 5.350 1.514 2.689 1.578 4.399 2.217 11.977 2.465 2.042 2.426 3.602 2.213
Tekjur samtals, milljónir kr. 116.106 29.189 23.756 13.620 9.875 3.766 13.905 2.808 7.671 2.660 3.964 2.499 6.128 3.532 18.476 4.551 3.267 4.121 5.247 3.936
Rekstrarniðurst. f. fjármagnsliði, m.kr. 2.753 2.110 1.470 730 745 -117 1.238 136 278 133 -84 429 129 185 1.010 217 242 43 421 408
Fjöldi íbúa 1. janúar 2017** 123.246 35.246 28.703 15.230 9.783 4.450 16.350 3.218 8.471 2.483 4.292 2.187 7.051 3.677 18.488 3.932 2.963 3.608 4.691 3.493
Rekstrarniðurstaða fyrir fjármagnsliði
á hvern íbúa, þús. kr. 22.337 59.865 51.214 47.932 76.153 -26.292 75.719 42.262 32.818 53.564 -19.571 196.159 18.295 50.313 54.630 55.188 81.674 11.918 89.746 116.805
Skatttekjur af hverjum íbúa, þús. kr. 737 698 684 730 693 669 624 612 632 610 627 722 624 603 648 627 689 672 768 634
*Samgöngu- og sveitarstjórnarráðuneytið, 27. febrúar 2018
**Tölur fyrir 1. janúar 2018 eru óbirtar á vef Hagstofunnar
Meðaltal:
698 þús. kr.
20 fjölmennustu
sveitarfélög landsins
Mikill munur er á afkomu sveitarfélaga
 Áætlað að Hornafjörður skili bestri rekstrarniðurstöðu sveitarfélaga  Mestir skattar í Reykjavík
Höskuldur Daði Magnússon
hdm@mbl.is
„Nú er flokkur manna á fullu að rann-
saka þetta og púsla saman,“ segir
Skúli Jónsson, aðstoðaryfirlögreglu-
þjónn á lögreglustöðinni í Hafnarfirði.
Fjórir menn sitja í gæsluvarðhaldi
grunaðir um innbrot. Tveir þeirra
voru handteknir fyrir innbrot í heima-
hús í Hafnarfirði á þriðjudag en áður
höfðu tveir menn verið handteknir fyr-
ir innbrot í Garðabæ. Allir voru þeir
úrskurðaðir í vikulangt varðhald.
Mennirnir sem teknir voru í Garðabæ
eru erlendir ríkisborgarar sem eru
ekki með íslenska kennitölu og talið er
að þeir hafi komið hingað gagngert til
að stunda innbrot. Annar þeirra sem
tekinn var í Hafnarfirði er Íslendingur
en hinn erlendur ríkisborgari sem búið
hefur hér um nokkurt skeið. Lagt var
hald á þýfi hjá báðum þessum hópum.
„Við erum komnir með mikið af
gögnum, verksummerki og annað í
þeim dúr. Nú fer fram mikil greining-
arvinna við að skoða aðferðir og fleira
slíkt. Við sjáum að yfir þetta tímabil
hefur misjöfnum aðferðum verið beitt
og verksummerkin eru misjöfn. Það
hefur sagt okkur að það séu fleiri en
einn hópur brotamanna og það fékkst
staðfest með þessum handtökum í vik-
unni,“ segir Skúli.
Líklegt er að talið að fleiri hópar séu
enn á sveimi því í fyrrakvöld var gerð
tilraun til innbrots í Garðabæ. Þar var
spennt upp rúða en styggð virðist hafa
komið að þjófunum þegar þjófavarn-
arkerfi fór í gang. Engu var stolið.
Um það bil sextíu innbrot hafa verið
framin á höfuðborgarsvæðinu síðan
um miðjan desember. Öll eru þau
óupplýst. Báðar þessar handtökur
komu til vegna ábendinga frá ná-
grönnum og vill Skúli hvetja fólk til að
vera óhrætt að koma slíkum ábend-
ingum á framfæri.
Sem stendur er ekki talin tenging á
milli þessara tveggja hópa en það er
þó til skoðunar. Samkvæmt upplýs-
ingum Morgunblaðsins er verið að
kortleggja ferðir mannanna og sjá
hvort þeir tengjast. Meðal þess sem
stuðst er við eru gögn úr símum
mannanna, hverjir hafi talað saman og
hvenær. Skúli vill ekki tjá sig um
þetta.
Grunur leikur á að innbrotin tengist
skipulagðri glæpastarfsemi.
„Já, þetta er alveg skipulagt. Maður
sér það á gögnum sem tekin voru af
þessum mönnum. Menn fara og skoða
húsin með einhverjum hætti og láta
svo til skarar skríða. Þeir koma og
fara frá landinu. Við erum að kort-
leggja það líka.“
Er talið að mennirnir hafi verið
sendir hingað gagngert til þessa?
„Það er hluti af rannsókinni að
kanna skipulagið. Hvort það er ein-
hver sem stýrir þessu, einhver sem er
að græða á þessu. Það bendir allt til
þess.“
Hvað með þýfið, hefur það verið
sent úr landi?
„Okkur grunar það. Það þýðir að
mest af þessu verður ekki endurheimt.
Við erum að skoða hvort menn hafa
verið að taka þýfið með sér í flugi eða
að senda það út. Við höfum verið í
samstarfi við tollinn frá fyrsta degi
með að skoða sendingar frá landinu.
En það er auðvitað ekki flókið að setja
skartgripi í ferðatösku og kaupa sér
flugmiða fyrir tíu þúsund kall. Fóru
ekki 2,2 milljónir ferðamanna um
Keflavík í fyrra?“
Grunur um að fleiri þjófahópar gangi enn lausir
 Innbrotstilraun í Garðabæ  Lögregla skoðar símanotkun þjófahópa  Þýfið líklega sent úr landi
Morgunblaðið/Kristinn Magnússon
Lögregla Fjórir sitja í gæslu-
varðhaldi vegna innbrota.