Morgunblaðið - 26.05.2018, Page 15

ferðamenn séu að hætta að koma
hingað. Alls ekki. Þetta var viðbúið
en gerist kannski aðeins hraðar en
menn gerðu ráð fyrir. Það er fyrst og
fremst út af gengi krónunnar. Ísland
er orðið dýrt miðað við önnur lönd.
Við höfum ekki hækkað verð á gist-
ingu, veitingum eða öðru undanfarin
ár og teljum okkur ekki geta það. Og
ekki heldur til ferðaheildsala.“
Samdráttur í hópferðum
Linda segir hækkandi verðlag
draga úr eftirspurn eftir hópferðum.
„Mesta breytingin er að bókunum
hópa er að fækka. Það er eins og þeir
nái ekki að selja ferðir til þessara
dæmigerðu, stóru hópa. Það á sér-
staklega við um ferðaskrifstofur frá
Evrópu. Þannig að við erum mun
meira með einstaklingsbókanir, eða
minni hópa sem eru á eigin vegum,“
segir Linda og bætir við að verðlag
hafi mikil áhrif á eftirspurn hópa.
Ferðaheildsalarnir bendi á að Ísland
sé í samkeppni við allan heiminn um
ferðamenn. Sumir hætti við Íslands-
ferð vegna hás verðlags. „Þeir velja
ekki endilega sambærileg lönd í
staðinn, á borð við Noreg. Þeir fara
bara eitthvað allt annað.“
Linda segir aðspurð að svo lengi
sem gengið er svona sterkt muni
margir stórir hópar ekki koma hing-
að heldur leita til annarra svæða sem
er ódýrara að ferðast til.
„Þetta segja ferðaheildsalarnir
okkur. Við erum að vinna með fólki
sem er búið að selja Ísland kannski í
yfir 30 ár sem áfangastað. Ég held að
krónan geti ekki verið svona sterk í
mörg ár,“ segir Linda og bendir á að
stóraukin flugumferð sé meginskýr-
ingin á mikilli fjölgun ferðamanna.
Linda óttast ekki að eftirspurn
verði minni en vænst var. „Við sem
höfum verið lengi í þessum geira
þekkjum sveiflur og erum undirbúin
undir þær. Guldsmeden-hótelin eru
öðruvísi valkostur á markaðnum og
vel staðsett svo við horfum bjartsýn
fram á veginn,“ sagði Linda.
Morgunblaðið/Arnþór
Hönnun Eitt af herbergjunum á Guldsmeden-hótelinu í Brautarholti.
FRÉTTIR 15Innlent
MORGUNBLAÐIÐ LAUGARDAGUR 26. MAÍ 2018
Ragnhildur Þrastardóttir
ragnhildur@mbl.is
Ungar mæður fá ekki sérhæfða að-
stoð hérlendis þrátt fyrir að mikil þörf
sé á því enda tíðni þungana hjá ung-
lingum á Íslandi sú hæsta á Norður-
löndum. Þetta kemur fram í lokaverk-
efni Kristínar Gretu Bjarnadóttur í
ljósmóðurfræði, sem ber heitið „Ung-
ar mæður og barneignarferlið“.
Kristín ákvað að kanna þetta til-
tekna efni þar sem hún hefur sjálf
upplifað það að vera unglingsmóðir.
„Ég varð móðir þegar ég var átján ára
og ég upplifði gat í þjónustunni. Mig
langaði til að kanna betur á hverju
unglingsmæður þurfa að halda.“
Niðurstöður rannsóknarinnar voru
þær að það er engin sérstaða í þjón-
ustu fyrir unglingsmæður hér á landi.
Þær eru í raun bara undir sama eft-
irliti og aðrar mæður. Í Bretlandi og
Kanada er aftur á móti búið að þróa
sérhæfðari þjónustu fyrir þennan hóp
þannig að Ísland er í raun eftir á í
þessum málefnum unglingsmæðra,“
segir Kristín.
Meiri eftirfylgd mikilvæg
Sérhæfð aðstoð við unglingsmæður
felst í þéttari mæðravernd og meiri
eftirfylgd í kjölfar fæðingar.
„Með sérhæfðri aðstoð er hugað að
aldurstengdum vandamálum stúlkna.
Unglingsstúlkur eru til dæmis mun
líklegri til að fá meðgöngueitrun en
eldri konur og tvöfalt líklegri til að
upplifa einkenni þunglyndis á með-
göngunni. Svo er auðvitað ótrúlega
stór pakki að takast á við það að verða
móðir ofan á öll önnur vandamál ung-
lingsaldursins.“
Auk meira eftirlits segir Kristín
fyrst og fremst að þörf sé á klínískum
leiðbeiningum fyrir þennan hóp
mæðra. „Leiðbeiningarnar eru til
þess gerðar að svara spurningum
heilbrigðisþjónustunnar um það
hvernig eigi að þjónusta unglings-
mæður.“ Sérsniðin námskeið á vegum
heilbrigðisþjónustunnar væru einnig
hluti af sérhæfðri aðstoð sem þessari.
Þau myndu snúa að því hvernig ætti
að hugsa um barnið og hvernig ætti að
lesa í merki nýbura.
Það kom henni í opna skjöldu
hversu lítið barneignarferli ungra
mæðra hefur verið rannsakað hér á
landi. „Það hafa bara verið gerðar
fjórar rannsóknir hér á landi svo þetta
er alveg óplægður akur.“
Þörf á sérhæfðri aðstoð
fyrir unglingsmæður
 Ísland á langt í land í málefnum ungra mæðra
Morgunblaðið/Ásdís
Barn Það tekur á að koma barni í heiminn, ekki síst fyrir unglingsmæður.
Vandkvæði ungra mæðra
» Ungar mæður eru líklegri til
að fá meðgöngueitrun.
» Tvöfalt meiri líkur eru á að
ungar mæður upplifi einkenni
þunglyndis.
» Margar stúlkur eiga erfitt á
unglingsárunum, þungun getur
aukið á þá erfiðleika.
www.skoda.is
Allir velkomnir á ŠKODA daginn í HEKLU Laugavegi og hjá HÖLDI Akureyri
í dag milli kl. 12 og 16. Nýr KAROQ verður á svæðinu, Superb, Octavia og Fabia í boði
á sérstöku Sumarverði ŠKODA, andlitsmálun fyrir krakkana, grillaðar pylsur og svalandi
drykkir fyrir alla fjölskylduna. Komdu og fagnaðu deginum með okkur.
Hlökkum til að sjá þig!
Láttu sjá þig milli kl. 12 og 16!
ER
Í DAG
AGURINN