Úr þjóðarbúskapnum : framvindan ... og horfur .. - 08.11.1979, Síða 12
12
um 1—2%. Kaupmáttur ráðstöfunartekna verður minni en áður var gert ráð fyrir
og tiltækar upplýsingar um útgjöld heimilanna benda einnig til lítillar aukningar.
Fyrstu níu mánuði ársins var innflutningur neyzluvöru svipaður og á sama
tímabili í fyrra, ef reiknað er á sama gengi bæði árin, þannig að um samdrátt er að
ræða, ef einnig er tekið tillit til verðbreytinga í erlendri mynt. Bílainnflutningur
hefur minnkað úr rúmlega 7 þúsund fólksbílum í fyrra í 6.150 bíla í ár og
innflutningur heimihstækja hefur einnig minnkað. Til dæmis er innflutningur
litsjónvarpstækja þriðjungi minni í ár en í fyrra. Á móti samdrætti innflutnings
vegur aukning í sölu innlendrar framleiðslu. Á það til dæmis við um matvæli og
fatnað samkvæmt upplýsingum úr hagsveifluvog iðnaðarins. Einnig hefur sala á
landbúnaðarafurðum aukizt, einkum á kindakjöti, en sala á því var mun meiri á
fyrri hluta ársins en á sama tíma í fyrra. Gætir þar áhrifa niðurfellingar söluskatts
af matvælum og aukinna niðurgreiðslna á síðastliðnu hausti. Fyrirliggjandi upp-
lýsingar um önnur einkaneyzluútgjöld benda til, að í heild muni einkaneyzla
aðeins vaxa lítilsháttar á þessu ári, ef til vill um 1—2%, eins og áður sagði.
Áætlunin um vöxt samneyzlu á árinu 1979 er einkum reist á þróun ríkisfjár-
mála, en af henni að dæma verður samneyzluaukningin vart undir 2%. Þessi
áætlaða aukning er talsvert minni en í fyrra (4 % ) og raunar minni en yfirleitt hefur
verið á þessum áratug. Hins vegar hefur samneyzlan oft aukizt meira í reynd en
spáð hefur verið.
Fjármunamyndun.
í fjárfestingar- og lánsfjáráætlun ríkisstjórnarinnar fyrir árið 1979 var gert ráð
fyrir að heildarútgjöld til fjármunamyndunar yrðu 182,2 milljarðar króna á þessu
ári. í þessari spá fólst, að fjármunamyndunin drægist saman um tæplega 7% að
raungildi. Nú er ljóst, að útgjöld til fjármunamyndunar verða töluvért meiri en
áður var spáð og veldur hvort tveggja, að verðlag hefur hækkað mun meira en
reiknað var með í fjárfestingaráætlun og að minni samdráttur verður í fjármuna-
mynduninni en áður var spáð. Auk þess má benda á, að endanlegu uppgjöri
fjármunamyndunarfyrir árin 1977 og 1978 ernúlokið,en þaðhafði dregiztvegna
tafa við innheimtu byggingarskýrslna. Samkvæmt endanlegum tölum verða út-
gjöld til fjármunamyndunar 1977 tæplega 5% meiri í krónutölu en reiknað var
með í áætlun og um 3 % meiri 1978, en þessar breytingar hafa að sama skapi áhrif
á áætlanir um fjárhæð fjármunamyndunarútgjalda á árinu 1979.
Samkvæmt núgildandi spá verða heildarútgjöld til fjármunamyndunar nær 211
milljarðar króna, eða um 4% minni að raungildi en á árinu 1978. Fjármuna-
myndunarskýrslur sýna hins vegar 206,6 milljarða króna, en mismunurinn stafar
af því, að andvirði tryggingabóta fyrir þotu Flugleiða, sem fórst haustið 1978, er
dregið frá fjármunamynduninni á þessu ári, en bótafjárhæðin nemur 4,2 mill-
jörðum króna. Tryggingabætumar verða hins vegar færðar sem tekjur í þjónustu-
viðskiptum við útlönd og hafa þessar færslur því ekki áhrif á tölur um þjóð-
arframleiðslu.