Morgunblaðið - 23.06.2018, Blaðsíða 12
12 DAGLEGT LÍF
MORGUNBLAÐIÐ LAUGARDAGUR 23. JÚNÍ 2018
Morgunblaði/Arnþór Birkisson
Kristín Heiða Kristinsdóttir
khk@mbl.is
Fræðsluátakið Reykjavík –iðandi af lífi, snýst umnáttúru borgarinnar ensérstaklega lífríkið. Við er-
um að beina sjónum meira að dýrum
og plöntum sem lifa í borginni, en
stundum víkkum við þetta út og dag-
skráin í sumar er einmitt svolítið op-
in,“ segir Snorri Sigurðsson líffræð-
ingur og umsjónarmaður
fræðsluátaksins.
„Dagskráin hjá okkur í sumar
hefur yfirskriftina Njótum náttúru
borgarinnar, þar sem boðið er upp á
fjölbreytta og skemmtilega fræðslu-
dagskrá. Við erum að vekja athygli á
því að í borginni er heilmikil náttúra
sem er bæði merkileg og falleg og
áhugaverð út frá ýmsum sjónar-
hornum. Til dæmis eru á stóru grænu
svæðum borgarinnar fjölbreytt bú-
svæði fyrir bæði dýr og plöntur sem
og aðrar lífverur. Í borginni er bæði
náttúra sem er nokkuð upprunaleg
og svo náttúra sem er meira mótuð af
manninum, til dæmis þar sem er sér-
staklega ræktaður gróður, sem víða
er orðinn mjög gróskumikill og jafn-
vel farinn að mynda heilu skógana.
Einnig eru í borginni mólendi og vot-
lendi, vötn, ár, strendur og fjörur.
Þetta er mjög mikil fjölbreytni bú-
svæða og fyrir vikið er lífríkið líka
fjölbreytt. Allt er þetta mjög aðgengi-
legt og nálægt borgarbúum, það þarf
ekki að fara langt til að sjá og upp-
lifa,“ segir Snorri og nefnir sem dæmi
svæði eins og Elliðaárdal, Elliðavatn,
Viðey, Öskjuhlíð, Fossvoginn,
Grafarvoginn, Heiðmörk, Rauðavatn
og fleiri.
Nálægðin skiptir miklu máli
Snorri er stundum í hlutverki
fræðarans í fræðsluferðunum, enda
líffræðingur, en stundum eru aðrir
sérfræðingar fengnir til liðs í viðburð-
unum.
„Til dæmis verður á morgun
sunnudag boðið upp á viðburð þar
sem Gunnar Hersveinn heimspek-
ingur og rithöfundur ætlar að leiða
náttúrustund í Elliðaárdal, það verð-
ur ekki hefðbundin náttúrufræðsla
heldur samverustund þar sem Gunn-
ar verður með ýmsar pælingar og
spjall við gesti um náttúruna og mik-
ilvægi hennar fyrir okkur mann-
fólkið, hvernig við getum lært að
elska og virða náttúruna.“
Þegar Snorri er spurður að því
hvort honum finnist borgarbúar ekki
nýta sín náttúrusvæði nægilega mik-
ið, segir hann að fólk sé mjög duglegt
að heimsækja og njóta slíkra svæða í
borginni.
„Fólk nýtir þessi svæði fyrir
hverskonar útivist, og einnig bjóða
ýmsir aðilar upp á fræðsluviðburði á
þeim á höfuðborgarsvæðinu, Háskóli
Íslands, Ferðafélagið og fleiri aðilar.
Skólarnir nota þessi svæði mjög mik-
ið, ekki síst leikskólarnir. Þetta skipt-
ir miklu máli fyrir alla borgarbúa, að
hafa návígi ekki aðeins við græn og
opin svæði, heldur líka villta náttúru
þar sem er dýralíf. Þar sem svo stór
hluti þjóðarinnar býr í borginni þá
skiptir máli að borgin sé rík af nátt-
úrusvæðum sem eru íbúunum að-
gengileg.“
Búsvæði dýra og plantna í borginni
Í höfuðborginni er mó-
lendi og votlendi, vötn,
ár, strendur og fjörur.
Fyrir vikið er fjölbreytni
mikil í lífríkinu. Allt er
þetta mjög aðgengilegt og
nálægt borgarbúum, það
þarf ekki að fara langt til
að sjá og upplifa.
Líffræðingur Snorri
Sigurðsson úti í gró-
andanum í borginni
við sundin blá.
Morgunblaðið/Ómar
Gaman Lífríki skoðað í fjöruferð fyrir nokkrum árum á vegum átaksins.
AÐ ELSKA NÁTTÚRUNA:
Á morgun, sunnudaginn 24.
júní, kl. 20. Gunnar Hersveinn
heimspekingur leiðir náttúru-
stund í Elliðaárdal og flytur
hugvekju og gestir eru hvattir
til að vera með. Hvernig lærum
við að elska náttúruna? Verk-
efnið okkar er að rækta sam-
bandið við náttúruna og lífið á
jörðinni í heild. Gildi náttúrunn-
ar mótast ekki aðeins af sjónar-
horni mannverunnar heldur alls
sem lifir og hrærist á landi, hafi,
sjó og lofti.
Hist við Rafveituheimilið í
Elliðaárdal.
FUGLAPARADÍS
VIÐ ELLIÐAVATN:
Laugardag 30. júní kl. 13.
Við Elliðavatn dvelja margar
tegundir fugla, m.a flórgoði og
himbrimi. Snorri Sigurðsson líf-
fræðingur stýrir. Hist við Elliða-
vatnsbæinn.
HIN VILLTA VIÐEY:
Sunnudagur 8. júlí kl. 13:30. Í
Viðey er auðugt lífríki. Snorri
Sigurðsson líffræðingur leiðir
göngu um eyjuna og fræðir
gesti. Ferjuferðir frá Skarfa-
bakka eru t.d. kl. 12:15 og 13:15.
Gangan hefst við Viðeyjarstofu.
Í samstarfi við Borgarsögusafn.
FRÆÐSLUVIÐBURÐIR
Móðurást Tjaldur með unga.
Morgunblaðið/Ómar
Náttúruást,
fuglarnir
og Viðey
Íslenskt einangrunargler
í nýbygginguna, sumarbústaðinn
eða stofugluggann.
Fagleg ráðgjöf og öruggur afhendingartími.
Smiðjuvegi 2, Kópavogi – sími 4889000– samverk.is
Við erum fjögur úr fjölskyld-unni í Rússlandi þegar þessipistill er skrifaður. Ísland og
Nígería spila í kvöld. Við fórum í
gær frá Moskvu til Volgograd og er-
um á gististað nokkuð vel fyrir utan
borgina. Ferðin á gististaðinn var
ævintýraleg. Við keyrðum út úr
upplýstri borginni yfir Volgu, hina
mögnuðu á, yfir á hinn bakkann og
fikruðum okkur í leigubílnum eftir
óupplýstum moldarvegum í mis-
jöfnu ástandi að Baka Otdykha Ba-
kalda, giststaðnum okkar.
Leigubílstjórinn villtist tvisvar á
leiðinni, við erum augljóslega ekki í
alfaraleið. Við hlustuðum á lætin á
stuðningsmannasvæði FIFA sem er
Volgograd-megin við ána stóru.
Menn greinilega kátir með frammi-
stöðu Króatana sem fóru illa með
Messi og hans menn.
Það er tilhlökkun fyrir deginum.
Verður gaman að sjá Ísland kljást
við öflugt lið Nígeríu. Ég er frekar
afslappaður með leikinn, allavega
núna í morgunsárið. Trúi því að okk-
ar menn muni gera sitt allra besta
og það er ekki hægt að biðja um
meira. Annað hvort dugar það eða
ekki. Þeir eru eins vel undirbúnir og
þeir geta verið og við sem verðum á
vellinum munum styðja þá alla leið.
Við erum búin að vera rúma viku í
Rússlandi. Upplifunin hefur verið
mjög jákvæð.
Stemmingin í kringum HM er
mögnuð. Mikil jákvæðni og gleði í
stuðningsmönnum allra liða, allir
brosandi og kátir. Heimamenn eru
mjög gestrisnir. Tilbúnir að hjálpa
og leiðbeina okkur sem erum í heim-
sókn. Upplifunin er í algerri mót-
sögn við þá ímynd sem við á vest-
urlöndum höfum af Rússlandi í
gegnum fjölmiðla. Við fáum sjaldan
að heyra um jákvæðu hlutina, en
fáum reglulega að heyra af þeim
neikvæðu. HM á eftir að breyta áliti
margra á Rússum og Rússlandi.
Fólk er nefnilega bara fólk og
flestir vilja öðrum vel. Sama hvaðan
þeir koma. Eitt það besta við stóra
íþróttaviðburði á við M er akkúrat
þetta, að opna augu og huga fólks
fyrir öðrum löndum, þjóðum og
fólki. Íþróttir tengja heiminn saman
á jákvæðan hátt. Um leið og þær
stuðla að heilbrigðu líferni og lífs-
stíl.
Njótum ferðalagsins!
Íþróttir gera
heiminn betri
Njóttu ferðalagsins
Guðjón Svansson
guðjon@njottuferðalagsins.is