Morgunblaðið - 23.06.2018, Síða 14

14 FRÉTTIRInnlent
MORGUNBLAÐIÐ LAUGARDAGUR 23. JÚNÍ 2018
Vorum að fá fullt nýjum hjólhýsum
í mörgum litum og stærðum,
á staðnum.
562 1717
Kletthálsi 2 - bilalif@bilalif.is
bilalif.is
Verð frá aðeins 1.990.000 • 100% lán mögulegt
NÝ
TT
Hjólhýsi
Sigurður Ægisson
sigurdur.aegisson@gmail.com
Hnúfubakur sem merktur var með
gervitunglasendi við Hrísey í Eyja-
firði þann 10. nóvember 2014 og
var 110 dögum síðar staddur í Kar-
íbahafi, er nú aftur kominn á sum-
arstöðvarnar hér við land, var í
fyrradag í miklu æti suður af
Hauganesi ásamt nokkrum öðrum.
Þetta rúmlega 7.500 km ferðalag
frá vetrarstöðvunum hingað norður
tekur 5-6 vikur hvora leið. Norður
af Dóminíska lýðveldinu og Puerto
Rico sem og við Grænhöfðaeyjar
eru þekktar æxlunarstöðvar hnúfu-
baks og menn höfðu lengi grunað
íslensku dýrin um að fara á annan
hvorn staðinn, en ekki hafði tekist
að sanna þá tilgátu fyrr en þarna.
Umræddur hnúfubakur mun ekki
hafa sést í Eyjafirði í fyrra.
Þrír hnúfubakar sem merktir
voru með gervihnattasendum í des-
ember 2016 og janúar 2017 við
Tromsø í Norður-Noregi héldu allir
á sömu vetrarstöðvar og sá íslenski,
og eflaust hinir sjö líka, því alls
fengu tíu hnúfubakar þar sömu
meðferð, en sendar þeirra dugðu
ekki eins lengi og hinna. Þegar
merki hættu að berast voru fimm
hvalanna enn við strendur Norður-
Noregs, einn staddur austur af Ís-
landi á suðurleið og annar langt
fyrir sunnan land með stefnu á
Karíbahaf.
Morgunblaðið/Sigurður Ægisson
Kominn aftur Hnúfubakurinn víðförli í æti suður af Hauganesi í fyrradag.
Víðförull hnúfubakur
lætur sjá sig hér á ný
Magnús Heimir Jónasson
mhj@mbl.is
Sveinn Rúnar Gunnarsson, sem hef-
ur starfað sem héraðslögreglumaður
í fjögur ár og verið fastráðinn lög-
reglumaður síðan í vor hjá lögregl-
unni á Sauðárkróki, fékk nýverið
synjun þegar hann sótti um að kom-
ast í lögreglunámið hjá Háskólanum
á Akureyri (HA). Skólinn telur
sveinspróf hans í húsasmíði ekki
jafnast á við stúdentspróf eða „sam-
bærilega“ menntun eins og segir í
inntökuskilyrðum námsins. Sveinn
Rúnar, sem vakti athygli á málinu á
Facebook, segir í samtali við Morg-
unblaðið að stjórnendur HA hafi sett
sig í samband við hann eftir færsluna
og tilkynnt að ástæðan fyrir kröf-
unni um stúdenstpróf væri fjöldi um-
sækjenda. „Þetta er rosalega sér-
stakt því þau sögðu að ef ég hefði
sótt um í fyrra þá
hefði ég komist
inn en vegna
fjöldans í ár fóru
þau eftir stúd-
entsprófi,“ segir
Sveinn Rúnar.
Hann hefur lokið
nýliðanámskeiði
hjá lögreglunni,
námskeiðum í
fjallabjörgun,
snjóflóðaleit og skyndihjálp ásamt
því að hafa réttindi til að radarmæla.
Þá hefur hann einnig meðmæli frá
yfirlögregluþjóni, stjórnarmanni í
Landssambandi lögreglumanna og
varðstjóra hjá fjarskiptamiðstöð rík-
islögreglustjóra en þrátt fyrir það
eru það einingafjöldinn sem ræður
því hvort Sveinn Rúnar kemst í nám-
ið eða ekki.
„Ég er með 107 einingar og ég
þarf að klára 45 einingar til þess að
klára þetta. Það tekur ár. Ef ég væri
17 ára, ekki í vinnu og ekki með barn
og fjölskyldu þá gæti ég reynt að
troða þessu inn á eina önn en ég tek
ekki 45 einingar með 100% starfi og
heimili,“ segir Sveinn Rúnar. Hann
verði samt að ljúka við einingarnar.
Hann telur það hins vegar heldur
hart hvað þeir sem eru með sveins-
próf þurfa að lengja framhaldsnám
sitt. „Ég er í fjögur ár að klára
sveinsprófið í húsasmíði, það er farið
að útskrifa stúdenta á þremur árum í
dag. Ég mun þurfa eitt aukaár í
framhaldsskóla til að komast í há-
skólann. Ég mun þurfa að vera í
fimm ár í framhaldsskóla í rauninni.“
Hann segir að hann sé ekki sá eini í
þessari stöðu en tvær hárgreiðslu-
konur með sveinspróf, sem fengu
sömu höfnun frá HA, settu sig í sam-
band við hann.
Sveinspróf ekki talið sam-
bærilegt stúdentsprófi
 Starfandi lögreglumanni synjað um lögreglunám í HA
Sveinn Rúnar
Gunnarsson
„Við viljum fanga og halda utan um
allar þær upplýsingar sem þjóðkirkj-
an er að sýsla með og nýju lögin um
meðferð persónuupplýsinga taka til.
Þjóðkirkjan er með talsverðar upp-
lýsingar um einstaklinga, t.d. bara
það að vera skráður í þjóðkirkjuna
er persónuupplýsingar,“ segir Guð-
mundur Þór Guðmundsson, lögfræð-
ingur hjá Biskupsstofu, í samtali við
Morgunblaðið. Biskupsstofa auglýs-
ir nú eftir lögfræðingi, til eins árs, til
að innleiða nýjar persónuverndar-
reglur hjá þjóðkirkjunni.
Umfangsmikið verkefni
Guðmundur segir vel á þriðja
hundrað, misfjölmennar, kirkju-
sóknir um allt land, og starfsmann-
inum verður ætlað að liðsinna sókn-
unum með almennum leiðbeiningum.
Það muni útheimta ferðalög og
kynningar um land allt auk skjalfest-
ingar vinnuferla. Ekki muni veita af
heilu ári til starfans.
„Það var t.d. fundið að því fyrir
nokkrum árum að við birtum kjör-
skrár vegna almennra prestskosn-
inga á netinu. Þar með var búið að
birta opinberlega þá sem voru skráð-
ir í þjóðkirkjuna. Þetta gerum við
ekki lengur, en það þarf að vera gott
verklag og ferlar í kringum allt
svona,“ segir Guðmundur Þór, og
bætir við að í einstökum sóknum og
prestaköllum sé margvíslegar upp-
lýsingar að finna sem teljist per-
sónuupplýsingar, vegna eðlis starfa
kirkjunnar. Fólk leiti til kirkjunnar
af ýmsum ástæðum og vandamálum.
Það fari í viðtöl, sumir biðji um fjár-
hagsaðstoð úr kirkjusjóðum eða hjá
hjálparstarfi kirkjunnar innanlands,
ýmis erindi berist kirkjunni og svo
sé t.d. aldagömul hefð fyrir skrán-
ingum í kirkjubækur. Ekki sé allt
skráð í kirkjustarfinu, en það fari
eftir prestum og sóknum og þarfnist
nú skoðunar. ernayr@mbl.is
Skoða meðferð upplýsinga
 Þjóðkirkjan ræður lögfræðing vegna laga um persónuvernd
Morgunblaðið/Eggert
Biskupsstofa Tryggja þarf rétta
meðferð persónuupplýsinga.
Baldur Arnarson
baldura@mbl.is
Fjárfestar hyggjast byggja 64 íbúðir
í endurgerðum húsum í Brautarholti
í Reykjavík. Annars vegar er um að
ræða 22 íbúðir í Brautarholti 18 og
hins vegar 42 íbúðir í Brautarholti
20. Íbúðirnar verða smáíbúðir.
Eigendum nærliggjandi fasteigna
voru kynnt áformin í vor. Frestur til
að skila inn athugasemdum rann út á
fimmtudaginn var. Samkvæmt fast-
eignaskrá á félagið LL09 ehf. Braut-
arholt 18-20. Endanlegur eigandi
þess er Gamma Novus. Miðað við
söluverðmæti íbúða á svæðinu er
verðmætið 1,5 til 2 milljarðar króna.
Fram kom í kynningu arkitekta að
Brautarholt 18 samanstendur af
sambyggðum byggingum. Uppruna-
legur hönnuður er Hannes K. Dav-
íðsson arkitekt.
Fyrirhugaðar breytingar fela í sér
að húsið er hækkað um eina hæð og
ný 5. hæð byggð ofan á miðju þess.
Yrði hún inndregin um 1,5 metra.
1-2 verslunarrými verða á jarðhæð.
Viðbygging frá 1973
Fram kemur í lýsingu arkitekta að
hornhúsið Brautarholt 20 er byggt
árið 1952 með viðbyggingu frá 1973.
Upprunalegur hönnuður var Gísli
Halldórsson arkitekt en að þeim
seinni Jóhannes Friðjónsson arki-
tekt. Líkt og í Brautarholti 18 er
húsið hækkað um eina hæð og byggð
inndregin 5. hæð ofan á miðju þess.
Á jarðhæð er gert ráð fyrir versl-
unar- og veitingarekstri, 3-5 rýmum.
baldura@mbl.is
Morgunblaðið/Baldur
Brautarholt 20 Þórskaffi og síðar Baðhúsið voru í þessum húsum.
Teikning/Arkís
Drög Svona sjá arkitektar fyrir sér að byggingarnar muni líta út.
Áforma 64 íbúðir
í Brautarholti
 Fjárfestar kynntu íbúum áform sín