Morgunblaðið - 23.06.2018, Síða 39
MENNING 39
MORGUNBLAÐIÐ LAUGARDAGUR 23. JÚNÍ 2018
frá giska miklu áreiti yfir í mýkra,
þægilegra sveim. Sama ár kom hin
skemmtilega nefnda Sjötomma með
tónlist á báðum hliðum og eru verkin
þar knappari þó stuðst sé við svipaða
fagurfræði. Íbbagoggur og Arnljótur
Sigurðsson gáfu svo út deiliplötu 2016
en í fyrra kom svo út hin fjögurra
laga Marglyttur eða hrákaljóð. Ör-
stutt plata, þar sem suðar, ískrar og
brakar í tónlistinni sem flæðir engu
að síður áfram eins og straumur.
Nýjasta verkið er hins vegar líkara
hinu fyrsta, langar tónsmíðar, þrjár
alls og síðasta verkið alls 33 mínútur.
Héðinn er við sama heygarðshornið
en samt, hann er farinn að rúnna
þetta betur til, stilla þessu betur upp,
þróa tónlistina áfram, fægja hana og
fíngera. Án þess þó að þetta sé komið
út í eitthvert popp! Biddu fyrir þér.
Lokaverkið er bardúnslist af dýrari
gerðinni; höfugar drunur og niður
undir niðri. Það er eins og tónlistin
komi úr strengjum, blásturshljóð-
færum, jafnvel píanói en öll eru hljóð-
in greinilega unnin þvers og kruss.
Áhrifin af þessu eru í öllu falli giska
mögnuð. Tónlistin talar sínu máli sem
fyrr, og það kröftuglega.
Dulúðlegur Íbbagoggur er ljósmyndafælinn og sýnir ekki alltaf sitt rétta
andlit. Þessi herramaður prýðir opinbert Bandcamp-svæði listamannsins.
»Hann er farinn aðrúnna þetta betur til,
stilla þessu betur upp,
þróa tónlistina áfram,
fægja hana og fíngera.
Lítið málverk, Þrír hestar, sem
þýski expressjónistinn Franz Marc
málaði árið 1912 var slegið hæst-
bjóðanda á uppboði hjá Christie’s í
London fyrir rúma 2,2 milljarða
króna. Var það um fjórfalt mats-
verð málverksins sem er tæpir 50
cm á breidd. Að sögn The New
York Times kallaði salan fram fá-
gætt lófaklapp á uppboðinu en sum-
aruppboð stóru uppboðshúsanna á
verkum eftir impressjónista og
módernista þykja hafa verið dauf-
leg og verð undir væntingum.
Dýrt málverk Marc
af þremur hestum
Verðmætt Franz Marc málaði Þrjá hesta árið 1912. Verkið var slegið hæst-
bjóðanda á rúmlega 2,2 milljarða króna á uppboði hjá Christie’s.
Teitur Gissurarson
teitur@mbl.is
„Á laugardaginn ætla ég að spila
umritun eftir Bach á konserti í
a-moll fyrir strengi eftir Vivaldi og
síðan mjög vinsælt og þekkt verk
sem heitir Suite gothique og er eftir
Léon Boellmann,“ segir Björn Stein-
ar Sólbergsson, organisti við Hall-
grímskirkju og skólastjóri Tónskóla
þjóðkirkjunnar.
Tónleikarnir í dag, laugardag,
hefjast klukkan tólf en Björn Stein-
ar heldur tvenna tónleika um
helgina, þá seinni á sunnudag kl. 17.
Tónleikarnir eru hluti af hátíðinni
Alþjóðlegt orgelsumar í Hallgríms-
kirkju sem hófst um síðustu helgi og
stendur fram í miðjan ágúst.
„Það eru fernir tónleikar í hverri
viku,“ segir Björn Steinar við blaða-
mann á meðan hann bregður sér af-
síðis vegna ómsins sem áhugasamt
ferðafólk framkallar í hljóðbærri
kirkjunni.
Á sunnudag verður viðameiri efn-
isskrá heldur en á laugardag en þá
flytur Björn Steinar meðal annars
verk eftir Widor og Mendelssohn.
„Þá spila ég einnig eigin umritanir
á norrænni píanótónlist, meðal ann-
ars eftir Pál Ísólfsson, og enda svo á
einu af frægustu píanóverkum Edw-
ard Grieg, Brúðkaup á Troldhau-
gen,“ segir Björn Steinar og bætir
við: „Þetta tengist því aðeins að ég er
að fara í tónleikaferð til Noregs núna
í byrjun júlí og spila á fernum tón-
leikum þar. Þar mun ég spila þessa
efnisskrá.“
Með bestu hljóðfærum í heimi
„Á alþjóðlegum skala er orgelið í
Hallgrímskirkju í algjörum topp-
klassa og mjög eftirsótt af alþjóð-
legum organistum,“segir Björn
Steinar, spurður út í samanburð við
önnur orgel úti í heimi. „Það er alltaf
jafn gott að koma heim í Hallgríms-
kirkju þegar maður er búinn að vera
á ferðalagi. Orgelin eru svo ólík. Þau
eru sérhönnuð fyrir hverja kirkju,“
segir hann og bætir við: „Orgelið er
kallað drottning hljóðfæranna á ís-
lensku. Hver drottning hefur sinn
karakter.“
Áður en Björn Steinar hélt utan til
framhaldsnáms lærði hann orgelleik
hér heima, meðal annars hjá Hauki
Guðlaugssyni. „Síðan lærði ég á Ítal-
íu í eitt ár og í Frakklandi í fjögur
ár,“ segir hann en Björn Steinar út-
skrifaðist með einleikarapróf frá
Conservatoire National de Region
de Rueil Mailmaison árið 1986. Að-
spurður hvort hann tali ekki reip-
rennandi frönsku fyrir vikið segir
Björn Steinar hlæjandi: „Jú, það
verður ekkert undan því komist ef
maður ætlar að búa í Frakklandi.“
Sem annar af tveimur organistum
Hallgrímskirkju er nóg um að vera
hjá Birni Steinari í sumar. Eins og
áður segir mun hann halda í tón-
leikaferð til Noregs í byrjun júlí þar
sem hann spilar meðal annars í dóm-
kirkjunni í Bergen og í dómkirkj-
unni í Niðarósi.
„Svo þegar ég kem heim frá Nor-
egi fer ég beint á ættarmót á Hofsósi
og svo í smá sumarfrí,“ segir Björn
Steinar.
Það er þó ljóst að Björn Steinar
mun ekki liggja lengi í leti því önnur
tónleikaferð er á dagskránni í haust,
þá til Tékklands.
Orgelsumarið fer
af stað af krafti
Morgunblaði/Arnþór Birkisson
Björn Steinar með tvenna tónleika um helgina
Organistinn „Á alþjóð-
legum skala er orgelið í
Hallgrímskirkju í algjör-
um toppklassa,“ segir
Björn Steinar.
//////////////////////////////////////////////////////////////////////////////////////////////////////////////////////////
//////////////////////////////////////////////////////////////////////////////////////////////////////////////////////////
//////////////////////////////////////////////////////////////////////////////////////////////////////////////////////////