Morgunblaðið - 26.07.2018, Qupperneq 45

MORGUNBLAÐIÐ FIMMTUDAGUR 26. JÚLÍ 2018
Smáralind – Sími 517 0317 – www.plusminus.is
PLUSMINUS | OPTIC
Hulda Bjarnadóttir
hulda@mbl.is
Sjónvarpsþættirnir Á tali hjá
Hemma Gunn. náðu miklum vin-
sældum á árunum 1987 til 1997.
Þar komu fram helstu frammá-
menn landsins ásamt vinsælu eða
upprennandi tónlistarfólki og
landsþekktum karakterum sem
Laddi skapaði á sínum tíma svo
sem Eiríki Fjalar, Skúla rafvirkja,
Dengsa og hinni óborganlegu Elsu
Lund sem var fastagestur í sóf-
anum hjá hinum vinsæla fjölmiðla-
manni Hermanni Gunnarssyni, eða
Hemma Gunn. líkt og hann var
oftast kallaður.
Hann tók reglulega viðtöl við
leikskólakrakka og má segja að sá
dagskrárliður hafi slegið í gegn og
enn er vitnað í það hversu vel
Hemmi náði til barnanna og hve
skemmtileg tilsvör fengust. Þetta
voru skemmtilega mælsk börn
sem þjóðin fékk að kynnast. En
hvar eru þau í dag?
Og hvernig muna þau þennan
tíma? Þáttastjórnendur síðdeg-
isþáttar K100 hafa að undanförnu
fengið til sín nokkur börn sem
voru í þáttunum. Þau hafa eðli
málsins samkvæmt stækkað og
muna mismikið frá þessum tíma.
Ætlaði að giftast Hemma
Viðskiptafræðingurinn Fanney
Sigurðardóttir reið á vaðið. Hún
segist muna þetta líkt og gerst
hafi í gær. Það var alltaf poppað
fyrir þátt og svo var horft.
Hún leit mikið upp til Hemma
Gunn. og sagðist hafa verið alger-
lega heilluð af honum. Svo heilluð
að hún hefði óskað sér þess að
hún gæti gifst honum.
„Ég held að ástæða þess að
börnin hafi viljað tala við hann og
opna sig fyrir honum sé að hann
hafi verið svo rosalega einlægur.
Og bara góður og ég fann það.
Það er oft talað um að börn finni
ýmislegt sem fullorðnir finna ekki.
Hemmi var bara með rosalega
sérstaka orku,“ útskýrir Fanney
og því hafi henni liðið vel og hún
treyst honum. Hún lýsir því einnig
hvernig hann gaf sér góðan tíma
til að spjalla áður en viðtalið sjálft
var tekið og því hafi þau opnað sig
jafn mikið og raunin varð.
En nýtti hún sér þetta til vin-
sælda á meðal vina og vanda-
manna? „Sko þetta var partítrix
þegar ég var svona um tólf ára
aldurinn. Þá neyddi ég alla sem
komu í heimsókn að horfa á þetta.
Ég held ég verði bara að biðja þau
afsökunar, þið vitið hver þið er-
uð,“ segir Fanney hlæjandi.
Bullaði svörin og vinnur við
spunasýningar í dag
Ólafur Ásgeirsson, sem í dag er
hluti af Improv Ísland-hópnum,
segist hafa bullað út í eitt í þess-
um viðtölum. Það sé mögulega
kaldhæðni örlaganna því í dag
vinni hann við spunasýningar sem
gangi út á að bulla og skemmta
áhorfendum. Hann hafi til dæmis
aldrei átt neinn apa eða fisk, en
það voru svörin sem komu frá
honum þegar Hemmi spurði hann
út í dýrin sem hann ætti.
„Kannski var ég bara að segja það
sem ég hélt að hann vildi að ég
myndi að segja,“ segir Ólafur. „Ég
man bara að það var rosalega
mikil birta og maður sá eiginlega
ekki Hemma.“
Rebekka Blöndal rifjar upp
þátttöku sína. Hún tengir líka við
þessa miklu birtu. „Ég man ekki
eftir ferlinu. En allt í einu var
maður bara kominn í þennan stól
og maður sá varla Hemma, það
var svo mikið ljós,“ segir Re-
bekka. Hún var búin að leggja
Hafnfirðingabók ömmu sinnar og
afa á minnið og fór hún með
nokkra Hafnarfjarðarbrandara hjá
Hemma. Hún fékk verkefni í
framhaldi af þátttöku sinni þegar
hún lék í malt- og appelsínauglýs-
ingu þar sem hún flutti vísu sem
hún kann enn í dag.
Urðu fyrir áhrifum
af þáttunum
En hafði þátttaka í þáttunum
áhrif á val þeirra síðar meir í
námi? Rebekka er í tónlistarnámi
í dag og stundar djasssöng hjá
FÍH og útskrifast þaðan næsta
haust. Hún segist hafa fylgst með
þáttunum og orðið fyrir áhrifum
af öllu því tónlistarfólki sem kom
þar fram, en sem dæmi hafi hún
til dæmis kynnst Todmobile í
gegnum þættina og dáðst að. Ólaf-
ur segist fyrir sitt leyti geta þakk-
að þáttunum það að hann fór síðar
í leiklistarnám. Mögulega hafi list-
rænum fræjum verið sáð á þeim
tíma, segir hann en erfitt sé að
meta áhrif þess að hafa tekið þátt
í einum vinsælasta sjónvarpsþætti
landsins á sínum tíma.
Börnin hans Hemma í dag
Sjónvarpsþættirnir Á tali hjá Hemma Gunn. náðu miklum vinsældum á ár-
unum 1987 til 1997. Hann tók reglulega viðtöl við leikskólakrakka, hann náði
vel til þeirra og skemmtileg tilsvör fengust. En hvar eru þessi börn í dag?
Skjáskjot úr Á tali hjá Hemma Gunn.
Brandarakerling Rebekka Blöndal
fór með nokkra Hafnarfjarðar-
brandara fyrir Hemma Gunn og
þjóðina á sínum tíma.
Mynd/K100
Upprifjun Rebekka Blöndal og Ólafur Ásgeirsson mættu í síðdegisþátt K100
á dögunum til að rifja upp þátttöku í þættinum Á tali hjá Hemma Gunn.
Skjáskot úr Á tali hjá Hemma Gunn.
Bull Ólafur Ásgeirsson hér í viðtali í
þættinum. Hann segist hafa bullað
út í eitt.
K100/Skjáskjot úr Á tali hjá Hemma Gunn.
Skemmtilegt Fanney Sigurðardóttir hafði gaman af spjalli sínu við Hemma
Gunn. á sínum tíma. Hún segir hann hafa verið með einstaka orku og gefið
sér tíma áður en upptökur hófust.
Morgunþátturinn Ísland vaknar
hefur í samstarfi við Lexus gefið af-
not af Lexus RX-sportjeppum.
Berglind Ýr Gylfadóttir var sú
heppna að þessu sinni og sagði hún
jeppann koma að góðum notum þar
sem hún býr í Ólafsvík.
„Ég trúi þessu ekki,“ sagði Berg-
lind Ýr Gylfadóttir þegar þau Logi
og Rikka, úr morgunþættinum Ís-
land vaknar, hringdu í hana og til-
kynntu henni að hún hefði unnið af-
not af Lexus RX-sportjeppa í heila
tíu daga. Berglind sem gifti sig um
liðna helgi segir bílinn koma að
góðum notum á hveitibrauðsdög-
unum enda í nógu að snúast.
islandvaknar@k100.is
Lexus/Andri
Nýgift á Lexus Berglind Ýr var alsæl með Lexus-jeppann.
Nýgift á Lexus