Jökull - 01.01.2015, Side 106

Halldór Ólafsson
Ofar: Kverkfjöll. Neðar: Guðmundur Sigvaldason við mynni Hveradals. – Kverkfjöll and Hveradalur. Ljósm./
Photos. H.Ó.
Allur hópurinn var kominn á fætur kl. 07:30 þó
flestir væru nokkuð stirðir eftir átök gærdagsins og
sumir mjög illa sólbrenndir. Ævar var sýnu verst leik-
inn, allt andlitið stokkbólgið svo aðeins sást rifa í augu
og líktist hann einna helst Charles Laughton í hlut-
verki hringjarans frá Notre Dame í samnefndri kvik-
mynd. En Ævar bar sig vel eins og aðrir sem voru
litlu skárri útlits. Lagt var af stað áleiðis til byggða
kl. 09 eftir að skálinn hafði verið þrifinn. Áð var í
Hvannalindum og tekið upp nesti, en að því loknu
var hreysisrústin við brún Lindahrauns skoðuð og tek-
in bergsýni úr hrauninu og Lindakeili sem ekki hafði
unnist tími til á leið inn úr. Stoppað var stutta stund
í Möðrudal á Fjöllum og þar fengust þær fréttir, að
hiti við athugun kl. 15 hefði náð 28 gráðum í for-
sælu, enda veður með eindæmum gott. Á leiðinni til
Reykjahlíðar í Mývatnssveit var styrkþegum sýndur
gígurinn Hrossaborg og þeim gerð grein fyrir mynd-
un hans. Komið var til Reykjahlíðar kl. 20 og kvöld-
verður borðaður á Hótel Reynihlíð, en að áti loknu
106 JÖKULL No. 65, 2015