Skírnir - 01.04.2011, Blaðsíða 152

150
ORRI VÉSTEINSSON
SKÍRNIR
staflinn af farangri og ýmsum varningi vex óðum framan við búð-
irnar. Fólkinu sem komið er í land fjölgar einnig. Sumir eru önnum
kafnir við að fást við pinkla og pakka en aðrir hafa tyllt sér í grasið
og njóta þess að hafa fast land undir fótum. Einn er þegar lagður af
stað gangandi með föggur sínar á bakinu, en flestir bíða þess að geta
sent orð til vina eða vandamanna um að koma með hesta. Það gæti
tekið nokkra daga en flestir kæra sig kollótta. Það mun hvort eð er
taka tíma að afferma skipið og þeir sem mest flytja með sér verða að
bíða eftir því. Sumir munu gista í búðum kaupmanna en flestir verða
áfram í skipinu og það verður ekki fyrr en farþegarnir eru allir
horfnir á braut að áhöfnin flyst í land og fer að afferma vöruna sem
kaupmönnum útgerðarinnar er ætlað að selja á Islandi um vetur-
inn. Sendimaður heilsar mönnum og spyr tíðinda sem engin virðast
stóralvarleg, guði sé lof. Konungur alltaf í Svíþjóð, drottning fæddi
andvana stúlkubarn (aftur), stympingar stórbokka, stríð milli Skota
og Englendinga, þríhöfða kálfur fæddist í Flandri, mannskaðar og
andlát, giftingar og ný lög. Nokkrir prestar eru í hópnum og sendi-
maður lætur á reyna hvort þeir viti eitthvað um erindi nuncios, en
þeir láta lítið af því og vilja frekar ræða um hneykslanlegar hug-
myndir hins bannfærða Vilhjálms frá Okkham. Þetta eru sigldir
menn og þurfa að sýna lærdóm sinn. Einn þykist meira að segja hafa
lesið Commentarium Vilhjálms og af þessu hljótast heitar umræður
sem sendimaður dregst inn í. Telur sig ekki alveg úti á þekju um slík
mál.
Seint um kvöldið kemur ráðsmaður Möðruvallastaðar með nokkra
reiðhesta og mat, ábreiðu og skilaboð til sendimanns um að vera
áfram á Gásum og vera augu príors og eyru. Sendimaður getur létt
af sér ótíðindum um nuncio við ráðsmann sem flýtir sér með þau
heim en skilur eftir ungling til að gæta hestanna. Sendimaður vakir
lengi og þjarkar við félaga sína sem gefa honum vín í skiptum fyrir
bita af bjúga; honum finnst hann ekki fyrr sofnaður undir tjaldskör
en það er kominn morgun
Það virðist ekkert lát hafa orðið á affermingu skipsins um nótt-
ina og nú er komin ferja við skipshlið sem verið er að stafla húsa-
viðum á. Stórbóndi úr Höfðahverfi er kominn til að sækja kirkjuvið
sinn og lætur ekki segja sér að hann þurfi að bíða eftir því að annar