Skírnir - 01.04.2012, Page 150

148
ALDA BJÖRK VALDIMARSDÓTTIR
SKÍRNIR
og umræðu í fjölmiðlum og á Netinu. Ættingjar Brynhildar, m.a.
dóttir hennar Guðrún Jónsdóttir (2012), lýstu yfir mikilli andúð á
þeirri mynd sem Hallgrímur dregur upp af aðalpersónu bókarinnar
og sagðist Guðrún hafa orðið „fyrir þungu áfalli“ við lestur bókar-
innar. Aðrir vörðu frelsi Hallgríms til þess að nýta sér lífshlaup
Brynhildar í skáldskap sínum frjáls og óbundinn. Páll Valsson
(2012) varar t.d. við því að lesa sögu Hallgríms sem vitnisburð um
ævi og líf Brynhildar. Guðrún þurfi því ekki að hafa áhyggjur af
mannorði móður sinnar. Þvert á móti telur hann „að skáldsaga
Hallgríms kalli á bæði virðingu og samúð með söguhetjunni — og
þá ef til vill forvitni til þess að kynna sér raunverulega sögu þeirrar
merkilegu konu sem blés skáldinu sagnaranda í brjóst". Forvitnin
sem frásögn Hallgríms vekur með lesendum og Páll vísar í er vissu-
lega á rökum reist, því þegar undirrituð ætlaði að kynna sér ævi-
söguna Ellefu. líf var hún í útláni og í pöntun á öllum bókasöfnum
Stór-Reykjavíkursvæðisins og nánast öllum bókasöfnum landsins.
I þessari greiningu verður sjónum fyrst og fremst beint að því
hvernig ævisagan Ellefu líf segir okkur ýmislegt um Konuna við
1000° en að sama skapi megi ekki túlka skáldsögu Hallgríms sem
einhvers konar lykil að lífshlaupi Brynhildar.
Tólfta lífið?
I viðtali við DV í nóvember 2011 segir Hallgrímur Helgason frá því
hvernig hann fékk hugmyndina að Konunni við 1000°. Þar lýsir
hann því þegar hann talaði við Brynhildi Georgíu Björnsson í síma
fyrir sveitarstjórnarkosningarnar 2006 en hann hafði fallist á að
hringja út til að fá fólk til að kjósa Samfylkinguna. Hann hringdi
hins vegar aðeins í þessa einu konu og talaði við hana allt kvöldið:
„Eg var nú bara heillaður af þessari gömlu konu sem var einhvern
veginn með allan heiminn í þessum bílskúr sínum. Eins og guð,
ósýnileg en samt aktíf“ (Kristjana Guðbrandsdóttir 2011). Ur bíl-
skúrnum hafði hún með hjálp fartölvu samskipti við fólk út um
allan heim. Hallgrímur hitti aldrei konuna því þegar hann hafði
ákveðið að skrifa um hana bók og fór að leita að henni var hún látin.
Hallgrímur lýsir fyrirmyndinni svo að hún hafi verið „mögnuð