Skírnir - 01.04.2012, Side 160

158
ALDA BJÖRK VALDIMARSDÓTTIR
SKÍRNIR
hildur missir Herbjörg dóttur sína í bílslysi og í skáldsögu Hall-
gríms verður sú reynsla til þess að hún vanrækir strákana sína þrjá.
Þegar Haraldur er eins árs finnst henni hann „ekkert koma [sér]
við“ og segir: „hafði ég yfirgefið litla kút vegna óttans um að missa
annað líf fyrir bíl?“ (37).
Karlmennska Herbjargar sést glöggt á því að það er hún sem
gengur á eftir körlunum. Hún reynir að táldraga nokkra menn í sög-
unni án árangurs en tekst að geta barn með „krókódílnum“, „El
Coco“, sem er gamall maður sem hún annast í Argentínu (411).
Hann er ófrýnilegasti maður sem hún hefur séð: „Húð hans var gróf
og þykk með djúpristum hrukkum og voru á henni upphleyptir
nabbar hér og hvar, tóbaksbrúnir að lit“ (411). Hann var „líkari dýri
en manni“ (413). Herbjörg er til í að ganga ansi langt til þess að
bjarga afkomu sinni og föður hennar sem er að veslast upp og er
„orðinn slíkur aumingi“ að lífi hans „virtist lokið“ (422). Hún
afræður að táldraga son krókódílsins og fer á fund hans á „ellefta
degi tíðahrings" (425) þar sem hún ber sig „hórulega“ (424) en mis-
tekst að „koma blóðinu fram í þennan gullinbrúna húðsepa“ (426).
Henni tekst því ekki í þetta sinn að eignast „afason af Benítez-
blóði“ og erfa „heilan búgarð niðri við árbakkann" (426). En
nokkru síðar elur hún dóttur og þótt hún láti ekkert uppi um
faðernið og þrátt fyrir að „vera ljósfagurt bar barnið, á undarlegan
hátt, sterkan svip af E1 Coco“ (429).
Herbjörg hikar því ekki við að nota kynlíf og jafnvel barneignir
í fjáröflunarskyni. Hún er klúr í tali, notar orðalag eins og „afi minn
hét Hreinn Sveinn en amma Orgía" (425) og klæmist gjarnan við
Lóu, konuna sem veitir henni heimaþjónustu í bílskúrnum og skilur
ekki hvað hún er að fara (14). Lauslæti Herbjargar er áréttað með
frösum eins og „lagði mann og annan“ (349), og ýjað er að því að
hún hafi sofið hjá hundrað mönnum (124). Þá er hún sögð vera
„karlóð" (363), „vergjörn" (359) og „helvítis forsetadrusla" (357).
En þó að í sögunni séu lauslæti, kynhvöt og groddaralegt tungu-
mál tengd karlmennsku, er kvenleikinn einnig viðfangsefni. Anneli
gefur henni ekki aðeins innsýn í heim girndar og losta. Hún af-
hendir henni einnig skartgripaskrín og þegar Herbjörg opnar það
gýs úr því ilmur sem kallar hana til sín: