Skírnir - 01.04.2012, Page 259

SKÍRNIR
ÁRÓÐURSSKRIFSTOFA FUCKY-STRIKE
257
Skissa fyrir Aróðursskrifstofu Fucky-Strike, klippimynd, blekteikning og
gvass á pappír, 55,5x90 sm. Listasafn Reykjavíkur.
Með Aróðursskrifstofu Fucky-Strike skapar Erró nokkurs konar þrí-
vítt málverk þar sem áhorfandinn er raunverulegur hluti þess. Hann
útfærði sína eigin aðferð við „fjölhorna myndbyggingu“ sem hann
tók upp hjá mexíkóska listamanninum David Alfaro Siqueiros, en
hann hafði þá nýlega uppgötvað í tímariti myndir af freskum hans.
Þessi aðferð er alls ólík staðbundnu áhorfi og einsleitri sýn klass-
ískrar fjarvíddar, hér byggist allt á því að fjölga sjónarhornunum og
hvetja áhorfandann til þess að halda ekki alltaf kyrru fyrir á sama
stað heldur hreyfa höfuðið og skipta um stað til að horfa.
Titill
Yrðingin Bureau de propagande í titli verksins var upphaflega þýdd
á íslensku sem Auglýsingastofa, en síðar hefur þetta verið þýtt með
orðinu Aróðursskrifstofa sem er réttari þýðing. Hins vegar er í raun
hægt að nota bæði þessi orð vegna þess að verkefni beggja eru byggð
á sömu grundvallaratriðum og tækni sem miðar að því að ráðskast
með almenningsálitið. Þetta fullyrðir Erró í athugasemd frá 1959: