Dagblaðið Vísir - DV - 10.08.2018, Qupperneq 19

10. águst 2018 FRÉTTIR 19
eldbakaðar
eðal pizzur
sími 577 3333
www.castello.is
Dalvegi 2, 201 Kópavogi / Dalshrauni 13, 220 Hafnarfirði
Boltinn í beinni
á castello
Í
vor fór Reykjavíkurborg í út-
boð vegna uppsetningar og
rekstrar strætóbiðskýla sem
notendur Strætó í Reykjavík
munu nota daglega víðs vegar
um borgina næstu 15 ár. Útboð-
ið hljóðaði upp á uppsetningu og
rekstur á allt að 400 biðskýlum en
að lágmarki 210 biðskýli. Ekkert
fyrirtæki tók þátt í útboði Reykja-
víkurborgar og fór þá vinna af
stað innan borgarinnar í að hafa
samband við fyrirtæki sem hefðu
sýnt útboðinu áhuga og ræða
við þau. Eftir þá vinnu var gerð-
ur kaupsamningur við fyrirtækið
Dengsa ehf. og hljóðaði sá samn-
ingur upp á rekstur 210 biðskýla
víða um borgina. AFA JCDecaux
Ísland, sem hefur rekið biðskýli
í Reykjavík síðan 1998, hefur nú
kært samninginn til kærunefnd-
ar útboðsmála hjá fjármálaráðu-
neytinu.
Samkvæmt kærunni er þess
krafist að samningurinn verði
lýstur óvirkur, að Reykjavíkurborg
verði að gera nýtt útboð ásamt
því sem þess er krafist að skoðuð
verði möguleg skaðabóta-
skylda borgarinnar gagnvart AFA
JCDecaux Ísland. Í kærunni efast
lögfræðingur, sem fer með málið
fyrir hönd AFA JCDecaux Ísland,
um fjárhagslega burði Dengsa
ehf. ásamt því að benda á mögu-
legt reynsluleysi stjórnenda móð-
urfélags Dengsa ehf. á rekstri og
uppsetningu biðskýla. Einnig tel-
ur kærandi að slegið hafið verið af
kröfum útboðsins við gerð kaup-
samningsins við Dengsa ehf.
Í samtali við DV vísaði Vé-
steinn Gauti Hauksson, fram-
kvæmdastjóri Billboards ehf.,
móðurfélags Dengsa þessum at-
riðum á bug. Hann sagði að fjár-
hagsstaða fyrirtækisins væri góð
og að fyrirtækið hefði staðist all-
ar kröfur útboðsins. „Við gerum
okkur grein fyrir því að svona ver-
kefni kostar mikla peninga og þá
þurfa hluthafarnir að auka eig-
ið fé fyrirtækisins, sem verður
að sjálfsögðu gert eftir að verk-
efnið er farið af stað.“ Hann segir
einnig: „Dengsi er búið að vera í
rekstri á þessum markaði í yfir 20
ár. Fyrirtækið setti upp flest öll
flettiskilti á landinu og að reka
svona flettiskilti allan þennan
tíma tel ég vera gífurlega reynslu.“
560 stoppistöðvar í Reykjavík
– þar af 182 biðstaurar
Eins og áður kemur fram munu
210 biðskýli verða sett upp af
Dengsa ehf., en afgangurinn af
biðstöðvum í Reykjavík verður
rekinn af Reykjavíkurborg. Í dag
sér borgin um rekstur á 231 bið-
skýli og 182 biðstaurum. Margir
notendur almenningssam-
gangna í Reykjavík hafa kvart-
að undan því að þurfa bíða eftir
strætisvögnum án þess að hafa
skýli til að verjast veðri og vind-
um.
Sigurborg Ósk Haraldsdóttir,
borgarfulltrúi Pírata og formaður
skipulags- og samgönguráðs
Reykjavíkurborgar, segir í samtali
við DV varðandi fjölgun strætó-
skýla: „Það er náttúrlega planið.
Áætlun er í gangi um að útrýma
biðstaurunum en þetta verð-
ur tekið í skrefum.“ Samkvæmt
skýrslu umhverfis- og skipulags-
sviðs Reykjavíkurborgar, árið
2015, kemur fram að heildarkostn-
aðurinn við að breyta öllum bið-
staurum í biðskýli sé 273 milljónir
króna. Fjárfestingar í almennings-
samgöngum hafa verið nokkuð
miklar undanfarin ár, en svo virð-
ist sem biðstöðvar séu ekki for-
gangsatriði. Sem dæmi voru, árið
2003, settar 400 milljónir í þróun
svonefndra smartkortalausna til
að nota sem greiðslulausn fyrir
strætó. Það verkefni endaði með
því að sú lausn var aldrei innleidd
þrátt fyrir gífurlega kostnað sem
fylgdi verkefninu.
Meirihluti stauranna í
úthverfum borgarinnar
„Það er ekki þannig að það sé skipt
upp eftir hverfum, það eru staur-
ar jafnt um alla borg,“ segir Sigur-
borg. Þegar yfirlitskort yfir fjölda
biðstaura er skoðað sést vel að
meirihluti þeirra er í úthverfum
borgarinnar. DV spurði Þorstein
R. Hermannsson, samgöngustjóra
Reykjavíkurborgar, hvort það væri
ekki verið að mismuna notend-
um almenningssamgangna eftir
búsetu innan borgarinnar með því
að bjóða þeim ekki öllum sömu
þjónustu. „Ég myndi gjarnan vilja
að það væru strætóskýli alls stað-
ar þar sem hægt er að koma þeim
fyrir, það þarf bara meiri fjármuni.
Það væri alveg hægt að veita meiri
fjármunum í þetta. Það er náttúr-
lega ákvörðun sem borgarstjórn
verður að taka.“ n
Útboð á strætóskýlum kært
- Færri skýli í úthverfum
Bjartmar Oddur Þeyr Alexandersson
bjartmar@dv.is
n Kaupsamningur gerður til 15 ára
E
yþór Arnalds, borgarfulltrúi
Sjálfstæðisflokksins, er enn
þá stærsti hluthafi Árvakurs,
útgáfufélags Morgun-
blaðsins, með um rúman 23%
hlut í gegnum hlutafélag sitt
Ramses ehf. Þetta kemur fram í
hagsmunaskráningu hans sem
hann þurfti að skila inn sem borg-
arfulltrúi í Reykjavík. Í samtali við
DV sagði Eyþór að hann væri bú-
inn að segja sig úr stjórn Árvak-
urs og hefði þar af leiðandi ekkert
ákvörðunarvald innan fyrirtæk-
isins. Hann skipaði einnig engan
í stjórn Árvakurs í sinn stað.
Ramses ehf. á svo fjöldann allan
af dótturfélögum eins og til dæm-
is ST Holding ehf. sem á eignir
upp á rúmar 860 milljónir króna
samkvæmt ársreikningi félagsins.
Þegar Eyþór var spurður hvort
hann hafi ekki verið að leita
að kaupanda að sínum hlut í
Morgunblaðinu svaraði hann:
„Ég hef nú ekki verið beint að leita
að honum, en ég sagði að ef það
væri kaupandi þá væri hluturinn
til sölu, en það hefur ekkert kom-
ið út úr því.“ Blaðamaður spurði
hann þá hvort hluturinn væri enn
þá til sölu og hann svaraði: „Ég
hef ekkert verið að auglýsa hann
til sölu en hann er falur fyrir gott
verð. Maður er náttúrlega aðeins
í eftirlitshlutverki í stjórnarand-
stöðu og sem slíkur er maður ekki
í valdastöðu, en ég er farinn út úr
mörgum fyrir tækjum. Ég var nú
kannski ekki að hafa frumkvæði
að því að leita að kaupanda, held-
ur var ég einfaldlega spurður hvort
hluturinn væri til sölu. Hins vegar
hefur ekki verið rosaleg eftirspurn
eftir hlutabréfum í fjölmiðlum.“
Í þættinum Sprengisandi á
Bylgjunni ræddi Kristján Kristjáns-
son,umsjónarmaður þáttarins, við
Eyþór Arnalds meðan hann var í
kosningabaráttu um oddvitasætið
í prófkjöri Sjálfstæðismanna í
Reykjavík. Bað hann Eyþór að
svara því afdráttarlaust hvort hann
myndi losa sig undan eignarhaldi í
fjölmiðli ef hann yrði kjörinn borg-
arfulltrúi í Reykjavík. „Ég er þeirr-
ar skoðunar að ég eigi að fara úr
því, ég er prinsippmaður,“ svaraði
Eyþór.

„Einhver verður að eiga í þessum
blessuðum fjölmiðlum“
Blaðamaður spurði Eyþór einnig
hvort það væri ekki óheppilegt að
stjórnmálamenn ættu í fjölmiðlum
þar sem hlutverk fjölmiðla gæti oft
verið að gagnrýna sjálfa stjórnmála-
mennina. Svaraði Eyþór því til að
þess væru nú dæmi að stjórnmála-
menn hefðu átt í fjölmiðlum. „Fjöl-
miðlar eiga að gagnrýna stjórnmála-
menn, það er alveg rétt, en þeir eiga
líka að gagnrýna viðskiptamenn og
þeir eiga almennt að vera gagnrýn-
ir. Þeir eru ekki bara til að gagnrýna
stjórnmálamenn.“
Eyþór minnist þess einnig í sam-
tali við blaðamann að hann hafi nú
átt í fleiri fjölmiðlum og hafi til dæm-
is verið hluthafi í DV þegar hann var
aðeins 11 ára gamall. „Ég var blaða-
sali á þessum tíma hjá DV og notaði
þá peninga til að kaupa mín fyrstu
hlutabréf og þau voru í DV.“ Aðspurð-
ur hvort það hafi verið góð fjárfesting
svaraði hann einfaldlega: „nei.“
Hann sagði svo að lokum: „Svo
er þetta nú svo lítið land og einhver
verður að eiga í þessum blessuðum
fjölmiðlum. Við megum ekki gleyma
því að eigendur eru almennt ekki að
ritstýra. Það er reyndar öðruvísi með
suma netmiðlana þar sem hluthafar
eru líka ritstjórar, en það er ekki
þannig með Árvakur. En hins vegar
er ekki langt síðan Öwssur Skarp-
héðinsson var bæði þingmaður og
ritstjóri DV.“ n
Bjartmar Oddur Þeyr Alexandersson
bjartmar@dv.is
Eyþór Arnalds sagðist ætla að selja hlut sinn í Morgunblaðinu
„Ég er prinsippmaður“