Dagblaðið Vísir - DV - 15.02.2019, Blaðsíða 4

4 15. feb 2019FRÉTTIR
Úrkynjuð bjórmenning
Í
vikunni var sagt frá því í frétt-
um að Guðlaugur utanríkisráð-
herra hefði skellt sér í bjórbað
með finnskum kollega sínum.
Að sjálfsögðu fékk ríkið reikn-
inginn, nema hvað! Svarthöfði
veltir því hins vegar fyrir sér hvort
það sé ekki bara betra að hafa þá
aðeins íðí. Samskipti ríkjanna
væru kannski yfirhöfuð friðsam-
legri og rólegri ef þeir sem stjórna
væru alltaf góðglaðir eða jafnvel
rænulausir.
Erindi þessa pistils er ekki að
kvarta yfir busli Gulla og Finnans,
heldur þeim dekadens sem bjór-
inn er orðinn. Ekki misskilja
Svarthöfða, hann fagnaði manna
mest þegar bjórbanninu var aflétt.
Svarthöfði drekkur jafnan fjórar til
fimm dósir á hverju kvöldi.
Fyrstu árin og áratugina var
bjórneysla Íslendinga eðlileg. Við
fluttum inn Becks, Löwenbrau,
Tuborg og aðrar strangheiðar-
legar tegundir. Prins Christian í
litlum, dökkum flöskum, namm.
Íslensku framleiðendurnir stóðu
sig einnig með prýði, Egils og sér-
staklega Víking, þó að Svarthöfða
sé yfirleitt meinilla við að hæla
Akureyringum.
En svo gerðist eitthvað. Ís-
lendingar fóru út af sporinu, eins
og alltaf. Þetta byrjaði með Kalda
í Eyjafirði. Svo spruttu brugghúsin
upp eins og gorkúlur í hverri sveit.
Fjandans craft-bjórinn. Hand-
verksbjór … hvers lags bjór er
það? Þetta varð að tískubylgju en
angaði af tilgerð. Erlendir craft-
bjórar voru einnig fluttir inn, rán-
dýrir og bragðvondir.
Í kringum þetta hefur skapast
stéttaskipting. Enginn er maður
með mönnum nema hann drekki
graskersbjór frá einhverri kompu
í Borgarfirðinum eða nýjasta IPA-
-glundrið frá Bretlandi. Tilrauna-
starfsemin er alveg komin út í
ruglið. Öll munum við eftir þorra-
bjórnum með þarmainnihaldi
hvala. Lesist á íslensku: Kúk! Þeir
sem ekki eru tilbúnir að taka þátt
í brjálæðinu og vilja áfram drekka
sinn Carlsberg eru smánaðir og
hæddir. Þeir eru hvorki hip né kúl.
Margir neyða craft-bjórinn ofan í
sig til að þykjast vera það en aðr-
ir þora ekki út á meðal fólks og
drekka því í laumi.
Svarthöfði rambaði nýlega inn
á flottan hótelbar nálægt miðbæ
Reykjavíkur. Þar var ekkert hægt
að fá nema IPA og annað fínerí,
á uppsprengdu verði. Á veitinga-
húsi sem Svarthöfði snæddi á var
allt gert úr bjór. Bjórkjúklingur,
bjórbrauð, bjórsinnep og meira
að segja bjórís. Í búðargluggum
hefur Svarthöfði séð sápur og
snyrtivörur úr bjór. Þetta er orðið
að úrkynjun á pari við það sem
tíðkaðist í Rómaveldi. Við mun-
um öll hvernig fór fyrir því.
Við þurfum þjóðarvakningu
um hvað sé að gerast í bjórmálum
þjóðarinnar svo við fljótum ekki
sofandi að feigðarósi í indversk-
um lakkrísbjór. Þróuninni þarf
að snúa við hið snarasta til þess
að komandi kynslóðir geti alist
upp í stéttlausri framtíð. Bregðum
Tuborg á loft og verum stolt. n
Svarthöfði
Það er
staðreynd að…
Hægt er að koma 51.000 manns fyrir á
fótboltavelli.
Á norðanverðum Vestfjörðum er elsta
berg sem fundist hefur á landinu. Það er
um 16 milljóna ára gamalt.
Í maga hrægamma er svo mikil
sýra að þeir geta leyst upp nagla á
tveimur mínútum.
Síld er algengasti fiskurinn á íslensk-
um miðum og í heiminum öllum.
Frumur líkamans byrja að deyja við
41 gráðu hita.
Hver er
hann
n Er í hljómsveitinni
Lady & Bird
n Lét móta styttu
af sér sem sýnd er í
Rokksafni Íslands
n Skrifaði handritið að erótísku
þáttunum Leyndardómar skýrslu-
málastofnunar
n Hlaut Edduna árið 2009 fyrir
bestu tónlist
n Samdi lag fyrir Söngvakeppnina
árið 2019
SVAR: BARÐI JÓHANNSSON
LÍKAMSÁRÁS FRAMKVÆMDASTJÓRA
FYRND VEGNA SEINAGANGS LÖGREGLU
S
einagangur hjá Lögreglunni
á höfuðborgarsvæðinu
varð til þess að meint
hegningarlagabrot fram-
kvæmdastjóra hjá Vegagerðinni
fyrntist. Framkvæmdastjórinn,
Sigurður Áss Grétarsson, var
ákærður fyrir líkamsárás á
dyravörð á skemmtistað í mið-
borg Reykjavíkur. Þegar taka átti
málið fyrir í héraðsdómi kom í
ljós að hið meinta brot var fyrnt og
því var málinu vísað frá. Skömmu
síðar var tilkynnt um að Sigurð-
ur Áss væri kominn í leyfi frá
Vegagerðinni vegna samskipta-
vanda. Sigurður Áss hefur starf-
að sem framkvæmdastjóri sigl-
ingasviðs hjá Vegagerðinni. Hann
hefur meðal annars látið mikið að
sér kveða í málefnum Landeyja-
hafnar og smíði nýs Herjólfs sem
þjóna mun Vestmanneyingum um
ókomna framtíð.
Fór fram á um 800 þúsund
krónur í bætur
Hin meinta árás fram-
kvæmdastjórans átti sér stað
laugardaginn 27. ágúst 2016 fyrir
utan Kalda bar við Laugaveg 20b.
Samkvæmt ákæru á Sigurður Áss
að hafa slegið dyravörð staðar-
ins hnefahöggi í andlitið með
þeim afleiðingum að hann hlaut
tvö sár og marbletti á innanverðri
efri vör, sár á innanverðri neðri
vör og bólgu í efri og neðri vör.
Þá kvarnaðist upp úr framtönn
auk þess sem dyravörðurinn fann
fyrir eymslum við tennur í efri
gómi. Hið meinta brot var talið
hafa varðað 217. grein almennra
hegningarlaga og er skilgreint
sem væg líkamsárás. Auk refsingar
fór dyravörðurinn fram á að Sig-
urði Áss yrði gert að greiða hon-
um 789.100 krónur með vöxtum í
miska- og skaðabætur.
Handtekinn á vettvangi
Samkvæmt heimildum DV var
framkvæmdastjórinn handtekinn á
vettvangi og voru vitni að árásinni.
Því hefði mátt gera ráð fyrir að rann-
sókn málsins væri ekki umfangs-
mikil og hefði átt greiða leið í rétt-
arkerfinu. Sú reyndist ekki raunin.
Lögreglustjórinn á höfuðborgar-
svæðinu gaf út ákæru í málinu
þann 20. desember 2018 og tæpum
mánuði síðar, þann 16. janúar 2019,
var málið tekið fyrir í Héraðsdómi
Reykjavíkur. Þá voru meira en tvö ár
liðin frá því að hin meinta árás átti
sér stað og því var málið fyrnt.
Vegagerðin tjáir sig ekki
Þann 8. febrúar birti Vísir frétt um
að að Sigurður Áss væri komin í
leyfi frá störfum sínum hjá Vega-
gerðinni. Í fréttinni kom fram að
málið tengdist samskiptavanda
innan stofnunarinnar sem hefði
verið til skoðunar, meðal annars
með liðsinni utanaðkomandi sér-
fræðinga. Þá kom fram að ekki væri
fyrirhugað að Sigurður Áss yrði
lengi frá störfum. DV hafði sam-
band við G. Pétur Matthíasson,
upplýsingafulltrúa Vegagerðar-
innar, og spurði hann hvort ákær-
an á hendur framkvæmdastjóran-
um tengdist leyfi hans frá störfum.
G. Pétur kvaðst ekki geta tjáð sig
um það. n