Dagblaðið Vísir - DV - 08.02.2019, Qupperneq 2

2 8. febrúar 2019FRÉTTIR
sem fóru í dulargervi
Mikið hefur verið rætt um
dulargervi í vikunni, í tengslum við
klæðnað Báru Halldórsdóttur, hið
örlagaríka kvöld á Klaustri. Í bréfi
Reimars Péturssonar, lögmanns
Miðflokksmannna, er sagt að Bára
hafi brugðið sér í gervi erlends
ferðamanns og þóst vera að lesa
ferðamannabæklinga
á meðan hún stóð
að upptökunni
frægu. Hér eru
fimm Íslendingar
sem brugðu sér í
dulargervi.
The Village
People
Barátta Gylfa
Ægissonar gegn
Gleðigöngunni er
vel þekkt. Vildi hann
meina að í henni væru
borðaðir svokall-
aðir typpasleikjóar.
Búningur Gylfa bendir
til þess að hann hafi
rannsakað gönguna
með því að látast vera
meðlimur úr hljóm-
sveitinni The Village
People.
Göring
Páll Óskar Hjálmtýs-
son vakti mikla athygli
þegar hann kom
fram í Gleðigöngunni,
klæddur í hvítan her-
mannabúning. Sá sem
þekktastur var fyrir að
klæðast sams konar
skrúða var Hermann
Göring, einn af hæst
settu mönnum Þriðja
ríkisins. Nýverið baðst
Páll Óskar afsökunar
á ummælum sínum
um gyðinga sem hann
viðhafði í útvarps-
þætti.
Þroskaþjálfi
Anna Kolbrún er á
meðal þeirra þing-
manna sem Reimar
starfar fyrir í máli gegn
Báru Halldórsdóttur.
Er það kaldhæðnislegt
í ljósi þess að hún sjálf
var skráð sem þroska-
þjálfi á vef Alþingis og
í framboðsauglýsing-
um. Það er lögverndað
starfsheiti og Anna
ekki með starfsleyfi
sem slíkur. Sendi
Þroskaþjálfafélag
Íslands kvörtun eftir
að þetta komst upp.
Stærðfræði-
-Rambó
Upp komst um það
þegar Smári McCarthy
þóttist vera stærð-
fræðingur. Í ferilskrá
hans á samfélagsmiðl-
inum Linked-In mátti
sjá BS í stærðfræði
frá Háskóla Íslands.
Hann sagði málið
síðar á misskilningi
byggt. Smári þóttist
ekki eingöngu vera
stærðfræðingur heldur
líka Rambó þegar
hann mundaði hólk í
Afghanistan.
Einræðisherra
Mynd af Ásmundi Frið-
rikssyni í fullum skrúða
og að sligast undan
medalíum vakti mikla
athygli þegar hún
birtist landsmönnum á
sínum tíma. Var þetta
einræðisherra eða
kóngur frá framandi
landi? Kom í ljós að
þetta var múndering
frá Oddfellowreglunni
þar sem Ásmundur var
varastórsír.
Á þessum degi,
8. febrúar
1587 – Mary Stuart Skotlandsdrottn-
ing er líflátin vegna gruns um að hún
hafi verið viðriðin áform um að myrða
frænku hennar, Elísabetu I. Englands-
drottningu.
1837 – Richard Johnson verður
fyrstur manna kosinn af bandarísku
öldungadeildinn í embætti varaforseta
Bandaríkjanna.
1915 – Umdeild kvikmynd D.W. Griffith,
Birth of a Nation, er frumsýnd í Los
Angeles.
1950 – Stasi, austurþýska öryggislög-
reglan, er stofnuð.
1974 – Síðasta áhöfn bandarísku
geimstöðvarinnar Skylab 4 kemur til
jarðar eftir 84 daga dvöl í geimnum.
Síðustu orðin
„Að deyja er leiðinlegt“
– Richard Feynman (1918–1988),
eðlisfræðingur, rithöfundur og
margt fleira.
Deilur um jólamat
dragast á langinn
A
ðalmeðferð kærumáls
Kolbrúnar Daggar Arnar­
dóttur gegn Ásgerði Jónu
Flosadóttir, formanni
Fjölskylduhjálpar, var frestað í
annað sinn á miðvikudaginn eft­
ir að aðilaskýrslur voru teknar.
Kolbrún stefndi Ásgerði eftir að
sú síðarnefnda nafngreindi hana
í útvarpi sem skjólstæðing sam­
taka sinna. Ástæðan var sú að
DV birti nafnlausa frásögn Kol­
brúnar af því hversu slæm matar­
úthlutun Fjölskylduhjálpar var
fyrir jólin 2017. Aðalmeðferð var
upphaflega á dagskrá í septem­
ber á síðasta ári en var frestað því
aðilar málsins töldu sig geta náð
sáttum. Sættir tókust þó ekki og
aftur var boðað til aðalmeðferð­
ar á miðvikudaginn. Eftir að að­
ilaskýrslur voru teknar af þeim
Kolbrúnu og Ásgerði vildi dómari
ræða við aðila og lögmennina en í
kjölfar þess fundar var þinghaldi
frestað að nýju.
Landsþekkt kona
„Hvað átti ég að gera? Þetta var
það sem þau ætluðu okkur í
jólamatinn. Ég varð fyrir miklu
áfalli,“ sagði Kolbrún fyrir dómi
aðspurð um ástæðu þess að hún
hefði ekki haft samband beint við
Fjölskylduhjálp með umkvartan­
ir sínar. Í matarúthlutuninni var
engan hátíðarmat að finna og
mikið af útrunnum vörum. Kol­
brún sagði söguna af vonbrigðum
sínum í DV í kjölfar úthlutunar­
innar. Frásögnin var í skjóli nafn­
leyndar, en Kolbrún vildi hlífa
börnum sínum við því að skóla­
félagar þeirra fréttu af bágri stöðu
fjölskyldunnar. Sonur hennar
hafði lent í miklu einelti og ekki
var á það bætandi.
Fyrir dómi hélt Ásgerður því
þó fram að hún hefði ekki nafn­
greint Kolbrúnu sem skjól­
stæðing fjölskylduhjálpar. Kol­
brún sjálf hefði nafngreint
sig í fyrri umfjöllun um
fjárhagsvandræði. „Ég var ekki
að rjúfa neinn trúnað þar sem
manneskjan var búin að auglýsa
sig sjálf. Hún hafði ítrekað komið
fram undir nafni þar sem fjallað
var um hagi hennar og stöðu.
[…] Ég tel að hún sé í rauninni
landsþekkt kona,“ sagði Ásgerður.
Lögmaður hennar lagði meðal
annars fram útprentun af blogg­
síðu þar sem Kolbrún tjáði sig um
fjárhagsstöðu sína, áður en máls­
atvik áttu sér stað. Varðandi þessi
rök Ásgerðar er rétt að taka fram
að engin umfjöllun um fjárhags­
stöðu Kolbrúnar hafði farið fram í
stærri fjölmiðlum landsins.
Töluðu ekkert saman
Eins og áður sagði hafði Kol­
brún ekki beint samband við Föl­
skylduhjálp þegar hún varð fyrir
vonbrigðum með úthlutunina.
Ásgerður hafði heldur ekki beint
samband við Kolbrúnu áður en
hún útvarpaði nafni hennar. „Ég
var bara í áfalli þegar ég las það
sem um okkur var sagt. Svo
vorum við að afgreiða
þarna 3.000 einstak­
linga fyrir jólin og
höfðum bara rosa­
lega mikið að
gera,“ sagði Ás­
gerður.
Þó hefði
verið rík
ástæða fyrir
Ásgerði að hafa
samband því
fyrir dómi hélt
hún því fram
að um misskiln­
ing hefði verið að
ræða. Í úthlutun­
inni hefði átt að verða grísahnakki
sem hefði gleymst og að útrunnar
vörur væru alltaf í boði hjá þeim
því stefna Fjölskylduhjálpar væri
að lágmarka matarsóun.
Nafngreiningin olli Kolbrúnu
miklu hugarangri og upplifði
hún mikla niðurlægingu og
skömm. Hún var sannfærð um að
Ásgerður hefði gert þetta af illum
hug, gagngert til að hefna sín á
henni fyrir að hafa dirfst að gagn­
rýna Fjölskylduhjálp. Því hafnaði
Ásgerður: „Ég hefði aldrei farið að
nafngreina hana til að koma eitt­
hvað illa við hana eða af einhverri
illsku.“
Af hverju nafngreining?
Fyrir dómi kom fram að engar
reglur um þagnarskyldu séu í
gildi hjá Fjölskylduhjálp. Þó séu
sjálfboðaliðar látnir skrifa undir
þagnareið. Ásgerði fannst það
ekki skipta máli að hún hefði
skrifað undir slíkan eið því hún
hefði ekki brotið hann.
„Sko, ég nafngreindi hana ekki
sem skjólstæðing en þar sem hún
var búinn að leita ásjár hjá fólkinu
í þjóðfélaginu og opna sig um sín
einkamál, sína stöðu og sína bágu
framfærslu þá þurfti ég ekkert að
segja. Fólk vissi alveg að þetta var
kona sem hafði lága framfærslu
og þurfti að leita sér aðstoðar.
Ég var ekki að brjóta neinn
þagnareið þarna. Ég var búin að
vera að fylgjast með þessari konu
nafngreina sjálfa sig og greina frá
sínu einkalífi í fjölmiðlum. Því
fannst mér bara eðlilegt að nafn­
greina hana, þar sem hún hafði í
mörgum greinum sagt frá sínu lífi
og við hvaða stöðu hún byggi.“
Fyrir dómi kom fram að Ás­
gerður hefði ekki beðist afsök­
unar á nafngreiningunni. Í reynd
kom í ljós að lítil samskipti hefðu
verið þeirra á milli frá upphafi.
Kolbrún hafði ekki beint sam­
band við Ásgerði til að kvarta
yfir úthlutuninni, Ásgerður hafði
ekki samband við Kolbrúnu
þegar hún varð vör við að hún
væri ósátt. Þess í stað átti
sér stað fyrrnefnd nafn­
greining og í kjölfarið
málaferli. Því hefur
dómari sennilega
séð tækifæri til að
ná fram sáttum ef
aðilar fengjust
bara til að tala
loks saman
og því frestað
þinghaldi.
Því má vona
að málið þurfi
ekki að taka fyr­
ir enn að nýju. n
Erla Dóra
erladora@dv.is
Ásgerður Jóna
FlosadóttirKolbrún Dögg Arnardóttir