Dagblaðið Vísir - DV - 08.02.2019, Qupperneq 36

36 FÓKUS 8. febrúar 2019
Í
ár tekur Ísland þátt í 32. sinn í
keppninni og því tilvalið að fara
yfir nokkur lög sem hefðu átt að
vinna í keppninni hér heima, í
stað vinningslag þess árs.
1987 Lagahöfundar og flytj­endur mættu peppaðir
í einhverja bestu keppni Söngva­
keppninnar hingað til, enda allir
ennþá á því að sigur í Eurovision
væri handan við hornið, jafnvel
bara strax þá. Eitísútlitið var alls­
ráðandi og áhorf á keppnina í dag
býður upp á nostalgíu fyrir allan
peninginn. Þrjú lög börðust um
hylli áhorfenda og sigurinn. Lögin
í öðru og þriðja sæti keppninnar,
Lífið er lag, með Módelhópnum,
og Norðurljós, með þá hárprúðum
Eyjólfi Kristjánssyni, hefðu sómt
sér vel í sigursætinu, í stað vinn­
ingslagsins sem rúllaði sér Hægt
og hljótt í keppnina í Brussel í
Belgíu og beint í 16. sætið.
1989 Nýtt fyrirkomulag var reynt og sex höfundar
beðnir um að senda lag í keppn­
ina, fimm slógu til, sjá sjötti hafn­
aði góðu boði og var það enginn
annar en Bubbi Morthens. Lög­
in sem kepptu voru því aðeins
fimm, en lagið sem hefur lifað best
og lagið sem átti að vinna er Sól­
ey í flutningi Björgvins Halldórs­
sonar og Kötlu Maríu Hausmann.
Eru líkur á að þeim hefði gengið
mun betur í Bern í Sviss, en laginu
sem enginn sá né heyrði í flutningi
Daníels Ágústs Haraldssonar, sem
gerði sér lítið fyrir og tók neðsta
sætið með núll stig.
1992 150 lög bárust í sjö­undu keppnina og tíu
voru valin, sigurlagið var (og er)
stórgott en hljómsveitin Stjórnin
fór í nafnbreytingu, kallaði sig He­
art 2 Heart og tók sjöunda sætið
sem varð besti árangur okkar alveg
til ársins 1999. Tvö önnur lög voru
í keppninni sem hefðu líka sómt
sér mjög vel í sigursætinu og hafa
lifað með þjóðinni allar götur síð­
an; Karen. í flutningi Bjarna Ara­
sonar, og Mig dreymir, í flutningi
Björgvins Halldórssonar.
2006 Fyrirbærið Silvía Nótt var búið til og fór til
Aþenu í Grikklandi þar sem lagið
komst ekki áfram úr undankeppn­
inni, en lagið lenti þar í 13. sæti af
23 og var púað af sviðinu. Lag Frið­
riks Ómars, Það sem verður, var í
3. sæti í keppninni hér heima og
hefði sómt sér mun betur í sólinni
erlendis. Sjáum hvað verður í ár.
2011 Vinir Sjonna unnu keppnina hér heima
með lagið Aftur heim, en bandið
samanstóð af vinum Sigurjóns
Brink söngvara sem lést stuttu
áður en hann átti að flytja lag­
ið í keppninni. Hann var vinum
og aðdáendum harmdauði, lagið
var ágætt og því eðlilegt og fyrir­
sjáanlegt að það myndi fá fjölda
atkvæða bæði fyrir gæði og í sam­
úðarskyni. Lagið fékk þó litla sam­
úð hjá Evrópu og lenti í 20. sæti í
Dusseldorf í Þýskalandi. Magni
Rockstar Ásgeirsson átti stórgott
lag í keppninni, sem lenti í öðru
sæti, Ég trúi á betra líf, og hefði
hann trúlega átt stórgóðan sprett á
sviðinu í keppninni úti.
2015 Sjö lög tóku þátt í loka­keppninni eftir tvær
undankeppnir. Dómnefnd og
símaatkvæði til helminga völdu
tvö lög áfram, sem öttu kappi um
sigurinn. Lag Friðriks Dór, Í síð­
asta skipti, fékk fleiri atkvæði í
sinni undankeppni en sigurlagið
og einnig fleiri atkvæði í síma­
kosningunni í lokakeppninni.
Hvert einasta mannsbarn þjóðar­
innar kann lagið og er líklegt að
það hefði heillað mannsbörn
Evrópu á svipaðan hátt, frekar en
Lítil skref Maríu Ólafsdóttur sem
trítluðu beint í 15. sæti seinni
undankeppninnar og komst
ekki áfram í lokakeppnina í Vín í
Austur ríki.
2017 Söngkona Svala Björg­vinsdóttir kom, sá og
sigraði í keppninni með Paper, og
flutti síðan aftur heim til Íslands
og er að gera góða hluti í tónlistar­
bransanum, sem hún steig fyrst
inn í sem barn. Nýliðinn Daði
Freyr Pétursson heillaði hins vegar
þjóðina með laginu Hvað með
það? Og hvað með það þótt hann
hefði farið fyrir okkar hönd til Kíev
í Úkraínu, framlag hans hefði jafn­
vel skilað okkur í lokakeppnina
sem pappírinn gerði ekki.Dalvegi 10-14 • 201 Kópavogi • 595 0570 • Parki.is
Vandaðar
innréttingar
Hjá Parka færðu hágæða
innréttingar, sérsniðnar að þínum
óskum og þörfum.
Bjóðum aðeins það besta fyrir þig!
Lögin sem áttu að vinna í
Söngvakeppninni
Saga Íslendinga í Eurovision hófst árið 1986 þegar
ICY hópurinn (Eiríkur Hauksson, Helga Möller og
Pálmi Gunnarsson) hélt til Bergen í Noregi með
Gleðibankann. Fá atkvæði frá Evrópu fengust þó
í bankann, aðeins 19, og endaði Ísland í 16. sæti af
20 mögulegum, sætinu sem síðar kom í ljós að yrði
þaulsetið af íslensku framlögunum.
MYNDIR: SKJÁSKOT AF RUV
Lífið er lag Norðurljós
Sóley Mig dreymir Karen
Hvað með það
Það sem verður Ég trúi á betra líf
Í síðasta skipti
Ragna Gestsdóttir
ragna@dv.is