Morgunblaðið - 16.11.2018, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 16. NÓVEMBER 2018
Greiðsluáskorun
Innheimtumenn ríkissjóðs skora hér með á gjaldendur eftirtalinna
gjalda að gera skil nú þegar eða í síðasta lagi innan 15 daga
frá dagsetningu áskorunar þessarar:
Gjöldin eru: Staðgreiðsla tekjuskatts, útsvars og tryggingagjalds sem fallið hefur í eindaga til
og með 15. nóvember 2018, virðisaukaskattur sem fallið hefur í eindaga til og með 5. nóvember
2018 og önnur gjaldfallin álögð gjöld og ógreiddar hækkanir er fallið hafa í eindaga til og með
15. nóvember 2018, á staðgreiðslu tekjuskatts, útsvars og tryggingagjalds, virðisaukaskatti,
virðisaukaskatti í tolli, vanskilum launagreiðenda á gjöldum í og utan staðgreiðslu,
fjármagnstekjuskatti á skilaskylda aðila, áfengisgjaldi, bifreiðagjaldi, úrvinnslugjaldi, olíugjaldi,
kílómetragjaldi, gistináttaskatti, fjársýsluskatti, vinnueftirlitsgjaldi, vörugjaldi af innlendri
framleiðslu, vörugjaldi af ökutækjum, eftirlitsgjöldum, árgjöldum, aðflutningsgjöldum,
skilagjaldi á umbúðir, fasteignagjöldum, skipulagsgjaldi, skipagjöldum, jarðarafgjaldi, sektum
skattrannsóknarstjóra, ofgreiddri uppbót á eftirlaun, eftirlitsgjaldi Fjármálaeftirlitsins, árgjaldi
handhafa markaðsleyfis, veiðigjaldi og álögðum þing- og sveitarsjóðsgjöldum, sem eru:
Tekjuskattur og útsvar ásamt álagi á ógreiddan tekjuskatt og útsvar, útvarpsgjald,
gjald í framkvæmdasjóð aldraðra, slysatryggingagjald vegna heimilisstarfa,
auðlegðarskattur og viðbótar auðlegðarskattur, fjármagnstekjuskattur ásamt álagi á
ógreiddan fjármagnstekjuskatt, ógreiddur tekjuskattur af reiknuðu endurgjaldi ásamt
álagi, búnaðargjald, sérstakur fjársýsluskattur, sérstakur skattur á fjármálafyrirtæki,
jöfnunargjald alþjónustu, ofgreiddar barnabætur og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðvum
gjaldanna ásamt dráttarvöxtum og öllum kostnaði, sem af innheimtu skuldarinnar kann að
leiða, á kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir
gjaldanda. Fjárnámsgjald í ríkissjóð er allt að 19.100 kr. fyrir hvert fjárnám. Þinglýsingargjald
er 2.000 kr. auk útlagðs kostnaðar eftir atvikum. Eru gjaldendur hvattir til að gera full skil sem
fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald,
afdreginn fjármagnstekjuskatt, áfengisgjald, fjársýsluskatt, gistináttaskatt og virðisaukaskatt,
búast við því að starfsemi þeirra verði stöðvuð án frekari fyrirvara, þeir gjaldendur er skulda
bifreiðagjöld og kílómetragjald mega eiga von á að skráningarnúmer verði tekin af ökutækjum
þeirra án frekari fyrirvara og þeir gjaldendur sem skulda gjöld þar sem lögveð fylgir mega
búast við að send verði út sérstök greiðsluáskorun fyrir gjaldföllnum kröfum. Greiðsluáskorunin
hefur ekki áhrif á þessi innheimtuúrræði þannig að fyrrgreindur 15 daga frestur frá dagsetningu
áskorunar þessarar gildir ekki í þessum tilvikum.
Reykjavík, 16. nóvember 2018
Tollstjóri
Sýslumaðurinn á Vesturlandi
Sýslumaðurinn á Vestfjörðum
Sýslumaðurinn á Norðurlandi vestra
Sýslumaðurinn á Norðurlandi eystra
Sýslumaðurinn á Austurlandi
Sýslumaðurinn á Suðurlandi
Sýslumaðurinn í Vestmannaeyjum
Sýslumaðurinn á Suðurnesjum
Theresa May, forsætisráðherra Bretlands, stóð
í ströngu í gær þar sem hún barðist í senn fyrir
pólitískri framtíð sinni og reyndi að tryggja
stuðning þingmanna við samkomulag það sem
hún hefur gert við Evrópusambandið um skil-
mála útgöngunnar í lok mars á næsta ári (Brex-
it).
Þrír ráðherrar stjórnarinnar sögðu af sér í
gær til að mótmæla samkomulaginu. Áhrifa-
menn í þingflokknum eru að undirbúa vantraust
á May sem leiðtoga Íhaldsflokksins til að koma
henni frá völdum. Til þess að það takist þurfa 48
þingmenn flokksins að krefjast atkvæðagreiðslu
og meira en helmingur 315 þingmanna flokksins
að styðja vantrauststillöguna.
Mikil óvissa ríkir í breskum stjórnmálum og
fullkomlega óljóst hvort meirihluti er fyrir sam-
komulaginu við ESB innan þingsins. Rætt hefur
verið um að greiða atkvæði um það í byrjun des-
ember. Leiðtogar ESB-ríkjanna hafa verið kall-
aðir saman til fundar 25. nóvember til að leggja
blessun sína yfir samkomulagið. Það gerði
breska ríkisstjórnin á löngum hitafundi í gær,
en upplýst hefur verið að þriðjungur ríkisstjórn-
arinnar lýsti þá andstöðu við samkomulagið.
Þeir sem sagt hafa af sér eru Dominic Raab,
ráðherra Brexit-mála, Shailesh Vara, ráðherra
Norður-Írlandsmála, og Esther McVey, ráð-
herra vinnumála.
Theresa May kynnti samkomulagið í neðri
málstofu breska þingsins í gær. Jafnframt var
plaggið sem er á sjötta hundrað síður gert op-
inbert. Ekki hafa fengist skýr svör við því hvort
hægt sé að fá fram breytingar á því í ferlinu
framundan eða hvort þingmenn verði annað-
hvort að samþykkja það eða hafna því. Sumir
stuðningsmanna May í ríkisstjórninni hafa látið
hafa eftir sér að verði samkomulagið fellt í
þinginu muni þeir berjast fyrir nýrri þjóðarat-
kvæðagreiðslu um veru Bretlands í Evrópusam-
bandinu.
Stuðningsmenn samkomulagsins segja að
ekki verði lengra komist í þráteflinu við ESB
um sambandið eftir útgönguna. Andstæðing-
arnir segja aftur á móti að betra sé að hafa ekk-
ert samkomulag; það sem liggi fyrir skapi Bret-
um nánast nýlendustöðu gagnvart ESB og sé
algerlega óásættanlegt. Sérstaklega eru menn
ónægðir með það hvernig landamæri Norður-
Írlands, sem er hluti Bretlands, og Írska lýð-
veldisins verða höfð hálfopin.
Órói var á gjaldeyrismörkuðum í Bretlandi í
gær. Pundið lækkaði en evran styrktist.
Angela Merkel, kanslari Þýskalands, lýsti í
gær ánægju með samkomulagið. Edouard Phil-
ipp, forsætisráðherra Frakklands, varaði við því
að þrátt fyrir samkomulagið við May væri enn
ekki útilokað að Bretland yfirgæfi ESB án
samnings.
Berst fyrir pólitísku lífi sínu
 Allt á tjá og tundri í breskum stjórnmálum eftir samkomulag Theresu May við Evrópusambandið
 Þrír ráðherrar sögðu af sér í gær  Andstæðingar May hafa í heitingum og vilja hana úr embætti
AFP
Brexit Heitt var í kolunum í neðri málstofu breska þingsins í gær þegar Theresa May kynnti Brexit-samkomulagið við Evrópusambandið.
Sádi-Arabía hafnaði í gær kröfu tyrk-
neskra stjórnvalda um alþjóðlega
rannsókn á morðinu á blaðamanninum
Jamal Khashoggi sem var myrtur í
ræðismannsskrifstofu landsins í Ank-
ara fyrir nokkrum vikum. Aftur á móti
tilkynnti saksóknarinn að farið yrði
fram á dauðarefsingu yfir fimm
sádiarabískum embættismönnum sem
sakaðir eru um að hafa myrt blaða-
manninn. Þeir eru sakaðir um að hafa
byrlað honum eitur og aflimað. Sak-
sóknarinn segir að krónprins Sádi-
Arabíu tengist ekki ódæðisverkinu.
Það er hins vegar útbreidd skoðun í
Tyrklandi og annars staðar á Vest-
urlöndum að hann hafi fyrirskipað
morðið.
Hingað til hafa nær allar upplýs-
ingar um morðið verið byggðar á upp-
lýsingum tyrkneskra stjórnvalda.
Sádi-Arabar hafa orðið margsaga um
atburðarásina. Nú hafa þeir hins vegar
staðfest frásögn Tyrkja og bætt við að
líkamsleifar Khashoggis hafi verið af-
hentar starfsmanni leyniþjónustunnar
fyrir utan ræðismannsskrifstofuna.
Alls hefur 21 verið handtekinn í
tengslum við rannsókn málsins og 11
verið ákærðir fyrir aðild að morðinu.
AFP
Khashoggi Morðið hefur vakið mikla reiði. Hefur fólk ítrekað safnast saman
fyrir utan ræðisskrifstofuna í Ankara til að minnast Khashoggis og mótmæla.
Morðingjar Khashogg-
is hljóti dauðadóm
Melania Trump, eiginkona Banda-
ríkjaforseta, hefur fengið því fram-
gengt að Miru Ricardel, sem var að-
stoðarþjóðaröryggisráðgjafi Banda-
ríkjanna, hefur verið vikið úr starfi í
Hvíta húsinu. Hermt er að hún fái
annað starf í stjórnsýslunni utan for-
setasetursins.
Fjölmiðlar segja að kastast hafi í
kekki á milli forsetafrúarinnar og
Ricardel í nýlegri Afríkuför. Hafi
Ricardel þar haft afskipti af sæta-
skipan föruneytisins í flugvélinni.
Það hafi Melania Trump ekki getað
sætt sig við og krafist þess að hún
yrði rekin. Reyndar er því einnig
haldið fram að Melania telji að Ric-
ardel hafi verið nafnlaus heimildar-
maður fjölmiðla um Afríkuförina, en
ýmsar fréttanna fóru í taugarnar á
forsetafrúnni.
Melania Trump lét fyrr í vikunni
hafa eftir sér að Ricardel ætti ekki
skilið þann heiður að starfa fyrir for-
setaembætti Bandaríkjanna. Hún
sagðist engu ráða um starfsmanna-
mál Hvíta hússins en veitti eigin-
manni sínum ráðgjöf um þau efni.
Melania Trump lét reka
ráðgjafa forsetans