Morgunblaðið - 16.11.2018, Blaðsíða 41

MENNING 41
MORGUNBLAÐIÐ FÖSTUDAGUR 16. NÓVEMBER 2018
Húðfegrun ehf | Vegmúli 2 | Sími 533 1320 | www.hudfegrun.is
Laserlyfting
Þéttir slappa húð á andlit og hálsi
Árangur af Laserlyftingu er sambærilegur við árangur af andlitslyftingu
með skurðaðgerð en það sem laserlyfting hefur fram yfir andlitslyftingu
er að einstaklingur getur farið í vinnu beint eftir meðferð.
15% afsláttur af gjafabréfum hjá Húðfegrun
Bylting ímeðferð á línum, hrukkumog slappri húð.
ICQC 2018-20
Einar Falur Ingólfsson
efi@mbl.is
Á hinu gamalgróna kaffihúsi Mokka
við Skólavörðustíg hefur verið sett
upp forvitnileg sýning á ljósmyndum
sem Brynjólfur Helgason tók á fyrri
hluta áttunda áratugar síðustu aldar
og sýna þær allar myndlistarmenn
sem voru þá að setja upp sýningar á
verkum sínum. Brynjólfur tók
myndirnar í sumar- og hlutastarfi
sínu hér við
Morgunblaðið, til
að birta með
fréttum og við-
tölum, en hann
var ljósmyndari
við blaðið á ár-
unum 1971 til
1976, samhliða
námi við Háskóla
Íslands. Sumir
listamannanna á
myndunum voru
þá allþekktir, aðrir hafa orðið það
síðan – margir eru látnir – en minna
hefur orðið úr listrænni þátttöku
einhverra og hefur gengið illa að
bera kennsl á þá suma.
„Það eru nokkur ár síðan ég kom
inn á Mokka og fór að hugsa um all-
ar myndirnar sem ég tók á sínum
tíma þar og í öðrum sýningarsölum
úti um allar trissur, þegar ég var
sendur að taka myndir af listamönn-
um sem voru að opna sýningar. Þá
fékk ég þá hugmynd að safna þess-
um myndum saman,“ segir Brynj-
ólfur.
Sumar teknar á Mokka
Eftir að ljósmyndaferli Brynjólfs
hér við blaðið lauk starfaði hann
lengi sem stjórnandi í Landsbank-
anum en rekur nú eigið fjármála-
fyrirtæki. Fyrir þremur árum gaf
hann út ljósmyndabók, Your Foot-
print in Iceland, en þar er blandað
saman myndum frá nokkuð löngum
tíma af mannlífi og náttúru Íslands.
Brynjólfur fann talsvert af mynd-
um af listamönnum á filmum sínum
frá Moggaárunum og hefur hluti
þeirra verið prentaður fyrir sýn-
inguna.
„Þetta var til gamans gert og á
þessu góða kaffihúsi, Mokka, hafa
verið settar upp sýningar alveg frá
opnun staðarins,“ segir hann. „Eig-
endurnir höfðu strax áhuga á að
setja upp sýningu á myndunum og
ég skellti þeim nú upp.
Ég vann aðallega á blaðinu á
sumrin, kom reyndar eitthvað inn í
kringum Vestmannaeyjagosið 1973,
og maður kom víða við með mynda-
vélina. Vinnudagurinn hófst klukkan
eitt með ritstjórnarfundi sem stóð til
klukkan tvö, þrjú, þá var farið út að
mynda og verið svo fram á kvöld að
framkalla filmur og stækka mynd-
irnar í myrkraherberginu.“
Á þeim árum var Ólafur K. Magn-
ússon aðalljósmyndari blaðsins og
Brynjólfur rifjar upp að þá hafi fyrst
komið til starfa Emilía Björg
Björnsdóttir og Ragnar Axelsson,
sem starfa enn við blaðið, auk þess
sem Valdís Óskarsdóttir, þekkt sem
kvikmyndaklippari í dag, hafi þá
unnið í myrkraherberginu.
Della sem sleppir ekki
„Mér fannst gaman að finna til
þessar myndir af listamönnunum,“
segir hann. „Ég á allar filmurnar en
þetta var talsverð vinna, að skanna
og vinna myndirnar, og þær voru
fleiri, það var ekki pláss fyrir allar á
veggjunum. Ég lagði ekki í að fletta
gömlum Moggum frá þessu langa
tímabili til að segja hverjar allar fyr-
irmyndirnar eru og hvar myndirnar
eru teknar, en við höfum nú fengið
upplýsingar um fyrirsæturnar á
þeim flestum.
Ég er líka með ágætis safn af
götuljósmyndum frá þessum tíma.
Maður myndaði mannlífið á götum
úti alveg miskunnarlaust – í dag
setja menn meiri spurningar við
slíkt, með aukinni persónuvernd og
slíku. Ég hef lengi ætlað að koma
meira af þeim myndum frá mér en
sumar lentu þó í bókinni sem ég
sendi frá mér fyrir þremur árum.
Það getur vel verið að ég sýni fleiri
seinna.
Ég hef líka haldið áfram að
mynda, er alls ekkert hættur því –
þetta er della sem sleppir manni
ekki,“ segir Brynjólfur um ljós-
myndunina. „Þessar myndir á
Mokka eru allar af listafólki og það
hefur komið fyrir einhverja ljós-
myndara að færa sig yfir í það að
fara að mála en ég er ekki á þeirri
línu.“ Hann hlær. „Ég hef ekki hæfi-
leika til að teikna eða mála en hef
gaman af því að ljósmynda. En ég
hef alfarið fært mig úr myrkra-
herberginu inn í stafræna umhverf-
ið. Ég hef ekki tekið á filmu í mörg
ár.“
Listamenn
á sýningum
 Brynjólfur Helgason sýnir gamlar
Morgunblaðsmyndir sínar á Mokka
Morgunblaðið/Árni Sæberg
Myndlistarmenn Ljósmyndir Brynjólfs Helgasonar af listamönnum á sýningum eru nú á veggjum Mokka.
Sýndi oft Steingrímur St.Th. Sig-
urðsson við eitt málverka sinna.
Glaðbeittur Stefán V. Jónsson – Stórval við verk á einni sýningunni.
Brynjólfur
Helgason
Jean-Claude Arnault, sem setið hef-
ur í gæsluvarðhaldi frá 24. septem-
ber og var 1. október dæmdur í
tveggja ára fangelsi fyrir nauðgun,
verður áfram í gæsluvarðhaldi þar
til dómur er kveðinn upp yfir honum
á millidómstigi í Stokkhólmi 3. des-
ember. Þetta var niðurstaða dóm-
stólsins á lokadegi réttarhaldanna
yfir Arnault á miðvikudag en hann
er eiginmaður Katarinu Frostenson,
eins meðlima Sænsku akademíunn-
ar. Mál þeirra hjóna eru ein ástæða
upplausnarinnar sem ríkt hefur í
akademíunni sem velur handhafa
Nóbelsverðlauna í bókmenntum.
Í samtali við SVT segir talsmaður
Samtaka þolenda í Svíþjóð, að þessi
ákvörðun dómstólsins bendi til þess
að annaðhvort verði dómurinn yfir
Arnault, þar sem hann var sakfelld-
ur fyrir að nauðga konu síðla árs
2011, staðfestur eða hann einnig sak-
felldur fyrir aðra nauðgun á sömu
konu, líkt og ríkissaksóknarinn fór
fram á þegar hún áfrýjaði dómnum.
Á lokadegi réttarhaldanna tjáði
Arnault sig í fyrsta sinn um dóminn í
viðurvist fjölmiðla. „Líf mitt hefur
verið eyðilagt. Ég er ásakaður um
hluti sem ég hef ekki gert,“ sagði
Arnault og tók fram að hann væri
orðlaus yfir fáránleika málsins. „Ég
hef helgað líf mitt því að deila með
öðrum ástríðu minni fyrir tónlist og
bókmenntum. Það er ekki sjálfs-
elska,“ sagði Arnault og tók fram að
sér liði hræðilega í gæsluvarðhaldi.
Sú ákvörðun verjanda Arnault, að
leggja fram samantekt á kynlífslýs-
ingum úr skáldverki eftir konuna
sem Arnault var dæmdur fyrir að
nauðga hefur vakið mikla athygli, en
samkvæmt SVT var það gert til að
reyna að draga úr trúverðugleika
konunnar. „Sá mikli fjöldi sjálfsævi-
og skáldævisagna sem gefnar hafa
verið út á liðnum áratugum ætti að
hafa kennt verjendum að sjálfið sem
birtist í skáldskap er alltaf aðskilið
frá höfundinum, jafnvel í sjálfs-
ævisögum,“ skrifar Ingrid Elam
bókmenntarýnir í úttekt á vef SVT.
silja@mbl.is
Arnault í gæsluvarð-
haldi fram að dómi
AFP
Öryggisgæsla Jean-Claude Arnault
var færður í og úr dómsal í járnum.