Morgunblaðið - Sunnudagur - 18.11.2018, Blaðsíða 28

Það er alltaf auðvelt að finna af-sakanir fyrir því að fara ekki íræktina og stundum er það
einfaldlega ekki hægt. Eftir langan
vinnudag þarf mikið að ganga á til
þess að maður rífi sig upp úr sóf-
anum eftir kvöldmatinn og reimi á
sig skóna. Stundum er maður bund-
inn heima því frúin er að heiman. Allt
er þetta veruleiki sem ég hef kynnst
eftir að ég tók að auka hreyfinguna
og ná fleiri æfingum en þeim sem ég
mæti á tvisvar í viku undir hand-
leiðslu Ívars Guðmundssonar, einka-
þjálfara.
Og hvað er við því að gera? Í fyrsta
lagi þarf maður að ákveða það með
sjálfum sér að láta ekki úrtöluradd-
irnar hið innra stöðva mann. Ein
besta röksemdin fyrir því er sú stað-
reynd að maður sér aldrei eftir því að
hafa farið af stað. En svo er það úr-
lausnarefnið sem felst í þeim dögum
og kvöldum þegar maður kemst ekki
að heiman.
Leitað til reynslu- og
vöðvabolta
Til að finna lausn á þessu rölti ég til
feðganna Gunnars Emils og Eggerts
Stefáns í Hreysti. Hef þekkt þá lengi
og haft góða reynslu af þeim, bæði
þegar ég hef leitað í smiðju þeirra
varðandi æfingar, fæðubótarefni
(orkugelin sem ég notaðist við á
hlaupagikksárunum) og ekki síður á
næstum árlegri göngu okkar saman
frá Vífilsstöðum og suður að
Strandarkirkju.Það voru nokkur at-
riði sem ég bar upp við þá en ég hafði
þá þegar fjárfest í handlóðum hjá
þeim sem ég hef notað um nokkurra
ára skeið. Þau eru góð til síns brúks
en ég sá fyrir mér að geta tekið
lengri þolæfingar en þá getur verið
gott að fá öflugan búnað til þess.
Margir vina minna hafa farið þá leið
að setja upp svokallaða „trainera“ en
þá er afturdekki á götuhjóli skipt út
fyrir búnað sem gerir manni kleift að
hjóla innandyra án þess að færast úr
stað. En mig langaði til að feta mig í
aðra átt og það sem kveikti í mér í
þeim efnum eru hraðaæfingar sem
Ívar hefur látið mig og ónefnda æf-
ingafélagann taka öðru hvoru í lok
æfinga. Það er 1 kílómetra róður á
þar til gerðri róðrarvél.
Range Rover róðrarvélanna
Ég vissi að feðgarnir í Hreysti eru
með slíkan búnað á sínum snærum
en atburðarásin tók þó óvænta stefnu
þegar ég leit við hjá þeim. Þegar ég
fór að ræða við þá um hvaða tæki af
þessu tagi gæti hentað mér sagði sá
yngri: „Það er skemmtileg tilviljun
að þú skulir nefna þetta núna því í
næstu viku erum við að taka inn
fyrstu sendinguna af WaterRower
sem við vorum að fá umboðið fyrir.“
En hvaða tæki eru það?
Það er Range Roverinn í róðr-
arvélum sem kom á sínum tíma fram
með byltingarkennda leið til þess að
gera fólki kleift að róa „í vatni“ heima
fyrir. Það er róðrarvél sem byggir
mótstöðuna, sem nauðsynleg er, upp
með stórum vatnstanki og stórum
blöðkum sem skófla vatninu innan
tanksins af meiri krafti eftir því sem
róið er af meiri áfergju. Einhverjir
kannast við þessi tæki úr þáttunum
House of Cards en þegar Claire Un-
derwood gerði tilraun til þess að fá
hinn slóttuga eiginmann sinn, stjór-
málamanninn Frank, til að hætta
tölvuleikjaspilinu endalausa, fjárfesti
hún einmitt í róðrarvél frá WaterRo-
wer.
Vinsældirnar jukust gríðar-
lega vegna House of Cards
Þótt enginn vilji tengja sig við Frank
Underwood eða manninn sem lék
hinn ógurlega karakter, þá hefur
notkun þess fyrrnefnda í House of
Cards dúndrað upp sölunni á þessum
búnaði og þurfti framleiðandi Wa-
terRower-vélanna að þrefalda fram-
leiðslu sína til að anna aukinni eft-
irspurn sem einvörðungu var rakin
til þáttanna vinsælu.
Ég gat ekki annað en tekið í þessa
forvitnilegu græju þegar hún var
komin í hús í Hreysti. Mest hlakkaði
ég til að finna hvort það væri með
einhverju móti öðruvísi að „róa“ á
henni en hinum hefðbundnu vélum
sem maður þekkir úr líkamsrækt-
arstöðvunum en þær mynda viðnám
með loftmótstöðu í stað vatns.
Í fyrsta lagi er það vatnsniðurinn
sem myndast sem gerir notkunina
mjög sérstaka. Í öðru lagi gerir
vatnsmótstaðan það að verkum að
viðnámið byggist strax upp, alveg frá
fyrstu sekúndu eftir að tosað er í
handfangið (árina). Þegar notast er
við búnað sem byggist á vindmót-
stöðunni þarf hins vegar að koma
spólunni af stað til að byggja upp
mótstöðuna. Þessi munur gerir það
að verkum, ásamt hljóðinu, að róð-
urinn á WaterRower líkist mun
meira raunverulegum róðri en á öðr-
um vélum.
Auðvelt að grípa í
Nú er ég búinn að vera með vélina
góðu við höndina í rúma viku. Þar
sem ég hef verið að taka róðraræf-
ingar öðru hvoru í ræktinni hef ég
byggt upp þokkalegt þol til að tosast
á við græju af þessu tagi. Þannig hef
ég tekið þrjár 40 mínútna æfingar
sem hafa reynt verulega á en komið
vel út, m.a. með tilliti til hjartsláttar
og brennslu. Þessar æfingar hef ég
tekið á kvöldin og í eitt skiptið þegar
ég átti þess ekki kost að komast úr
húsi. Núna stefni ég á að setjast að
minsta kosti tvisvar í viku og róa. Það
þurfa ekki endilega að vera langar
æfingar til að það hafi áhrif og færi
mig nær markmiðunum sem ég hef
sett. En 40 mínútur með góða hljóð-
bók í eyrunum eða skemmtilega
músík, eru fljótar að líða á jafn
skemmtilegu tæki og þetta er. Með
WaterRower hef ég færst nær því að
flytja ræktina heim – að minnsta
kosti að hluta til.
Leið til að
sneiða hjá
hreyfingarleysi
Það getur reynst erfitt að koma hreyfingunni að
í erli daganna. Það er eitt af því sem ég hef rekið
mig á, ekki síst eftir að fjölga tók í fjölskyldunni.
Ég fór í leiðangur til að finna lausnir á því enda
ekki nóg að lyfta tvisvar í viku. Almennar
brennsluæfingar skipta einnig sköpum.
Það getur tekið dálítinn tíma að venjast hreyfingunni á róðrarvélinni og mikilvægt er að teygja á baki og maga eftir æfingar.
Morgunblaðið/Eggert
Vélin tekur í raun ótrúlega lítið pláss
þegar henni er stillt upp á endann.
28 MORGUNBLAÐIÐ SUNNUDAGUR 18.11. 2018
HEILSA
Pistill
Stefán Einar
Stefánsson
ses@mbl.is
ÞYNGD SKREFAFJÖLDI MATARÆÐI ÆFINGAR
92,9 kg
83,4 kg
84,4 kg
Upphaf:
Vika 9:
Vika 10:
33.324
50.521
12.641
14.679
4 klst.
2 klst.
HITAEININGAR
Prótein
25,6%
Kolvetni
37,2%
Fita
37,2%
Spiced Honey
litur ársins 2019
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is