Morgunblaðið - Sunnudagur - 18.11.2018, Blaðsíða 37

hún verkefnið snilldarlega. Við
prófuðum marga leikara í flest
hlutverk og Lára passaði best í
hlutverk Jóhönnu. Hún er mjög
tilfinningarík leikkona sem skilar
miklu með augunum einum sam-
an.“
Gekk lygilega vel
Björn segir framleiðslu Flateyjar-
gátunnar hafa gengið vel en bolt-
inn fór að rúlla í byrjun þessa árs
og tökur fóru fram í maí og júní.
„Við fengum alls konar veður,
eins og gengur, en ég get ekki
sagt annað en þetta hafi gengið
lygilega vel. Serían er fjórir tímar
að lengd, sem er ígildi tveggja
bíómynda. Það eru ágætis afköst
að klára það verkefni á innan við
einu ári.“
Spurður hvort hann kvíði við-
tökum svarar Björn neitandi. „Ég
ræð engu um það hvernig fólki
kemur til með að lítast á þetta;
sendi þættina bara út í kosmósið.
Það verður bæði spennandi og
skemmtilegt að sýna þetta,“ segir
hann.
Það er liðin tíð að íslenskt sjón-
varp sé bara fyrir Íslendinga.
Sýningarrétturinn á Flateyjargát-
unni hefur þegar verið seldur til
Norðurlandanna, auk þess sem
Sky keypti dreifingarréttinn, svo
sem fram hefur komið, og rann
það fé inn í gerð þáttanna. „Ég
veit ekki á þessari stundu hvert
rétturinn verður seldur en það er
mjög ánægjulegt að sjá hversu
áhugasamir þeir hjá Sky eru. Þeir
hafa virkilega trú á þessu verk-
efni. Ef að líkum lætur verður
Flateyjargátan sýnd víða um
lönd,“ segir Björn.
Í því sambandi nýtur Flateyjar-
gátan góðs af norræna glæpa-
þáttavorinu, Nordic Noir, eins og
það hefur verið kallað. Norrænir
glæpaþættir eru einfaldlega í
tísku og nærtækasta dæmið er
líklega Ófærð sem flaug um allan
heim við glimrandi undirtektir.
„Við tikkum sannarlega í það box
þó að önnur element séu þarna
líka,“ segir Björn. „Menn vita orð-
ið hvaða standard er á leiknu ís-
lensku sjónvarpsefni.“
Gríðarleg tækifæri
Hann segir tækifærin gríðarleg
ytra. „Nýjar efnisveitur eins og
Netflix eru eins og óseðjandi
skrímsli; framleiða einar og sér
200 bíómyndir á ári. Eftirspurn
eftir vönduðu efni er mjög mikil
og hefðum við stærri sjóð fyrir
leikið sjónvarpsefni hérlendis
gætum við framleitt mun meira.
Eins og staðan er í dag er bara
hægt að framleiða tvær leiknar
seríur á ári – núna eru það Flat-
eyjargátan og Ófærð 2 – en gæt-
um selt miklu fleiri þáttaraðir er-
lendis.“
Að sögn Björns snýst þetta ekki
nema að litlum hluta um fjár-
mögnun enda standi Kvikmynda-
sjóður Íslands ekki undir nema
10-15% af framleiðslukostnaði
Flateyjargátunnar. Það að hafa
Kvikmyndasjóð Íslands á bak við
sig feli hins vegar í sér ákveðinn
gæðastimpil og án aðkomu hans
sé svo gott sem útilokað að fjár-
magna íslenskt sjónvarpsefni er-
lendis.
„Við gætum nýtt tækifærið bet-
ur. Útlendingar eru tilbúnir að
borga meirihlutann af fram-
leiðslukostnaði við íslenskt efni á
íslensku sem gert er eftir íslensk-
um sögum. Við verðum að nýta
okkur þennan meðbyr. Enginn
veit hvað þessi áhugi muni vara
lengi.“
Lára Jóhanna Jónsdóttir og Hilmir Jensson í hlutverkum sínum.
18.11. 2018 MORGUNBLAÐIÐ SUNNUDAGUR 37
SJÓNVARP Kvikmyndastjörnur hafa undanfarin miss-
eri streymt yfir í sjónvarp og nú er röðin komin að
sjálfri Juliu Roberts en hún fer með aðalhlutverkið í nýj-
um sálfræðitrylli, Homecoming, sem hóf göngu sína á
Amazon Video fyrr í þessum mánuði. Eli Horowitz og
Micah Bloomberg eru mennirnir á bak við þættina sem
byggjast á samnefndu hlaðvarpi. Roberts leikur Heidi
Bergman, konu sem starfaði áður hjá stofnun sem hefur
það hlutverk að hjálpa særðum hermönnum að laga sig
að lífinu á ný. Hún hefur nú söðlað um, vinnur sem
gengilbeina, þegar stofnunin hefur uppi á henni og byrj-
ar að spyrja áleitinna spurninga, eins og hvers vegna
hún hafi látið af störfum. Að sögn aðstandenda er áhorf-
endum hollara að hafa beltin spennt.
Roberts í sálfræðitrylli
Stórstjarnan Julia Roberts.
AFP
MÁLMUR Íslandsvinurinn David Coverdale
er hvergi af baki dottinn og nú ætlar hann að
fagna fertugsafmæli sveitar sinnar, White-
snake, með nýrri breiðskífu og tónleikaferð á
næsta ári. „Flesh & Blood“ nefnist skífan en
Whitesnake sendi síðast frá sér nýtt efni
2015. „Þetta verður besta plata Whitesnake
frá upphafi. Ég veit að menn segja þetta allt-
af en ég ætti að vita hvað ég syng eftir hálfa
öld í bransanum,“ sagði Coverdale í samtali
við útvarpsstöðina SiriusXM en hann söng
með Deep Purple áður en hann stofnaði
Whitesnake árið 1978. Whitesnake hefur í
tvígang komið til Íslands, 1990 og 2008.
Ný plata og tónleikaferð hjá Whitesnake
David Coverdale breiðir út faðminn 2008.
Morgunblaðið/Golli
„Já, núna er okkur alvara,“ sagði Gene Simmons,
bassaleikari og söngvari Kiss, í samtali við sjónvarps-
stöðina KTLA en glysrokkararnir síungu boðuðu
lokalokalokalokatónleikaferð sína, „End of the
Road“, fyrr í haust. „Og ég skal segja þér hvers
vegna,“ hélt Simmons áfram. „Það er vegna þess að
ég er 69 ára og er ennþá með hár á höfðinu og
ennþá meira hár á bakinu. Við verðum að gefa
okkur alla í þetta; ég er á risahælum og í níð-
þungum búningi, auk þess sem ég þarf að
spúa eldi og fljúga um loftin blá. Ef þú settir
Jagger og Bono, sem eru báðir frábærir, í
búninginn minn myndi líða yfir þá eftir hálf-
tíma. Við erum einfaldlega vinnusamasta
bandið í skemmtanabransanum –
punktur.“
Kiss hefur áður blásið til kveðju-
túrs og Sunnudagsblaði Morgun-
blaðsins er kunnugt um menn
sem ruku í dauðans ofboði til út-
landa til að ná í skottið á þeim í
hinsta sinn – fyrir áratug.
Og ef marka má Simmons eru
menn ekki alveg að missa af Kiss. „Þetta er
fínn tími til að kveðja; meðan maður býr
ennþá að einhverri virðingu. Þetta verður
langur túr, tvö til þrjú ár – jafnvel lengri.“
Annars veltur það á forminu, að sögn
Simmons. Kiss hafi í 45 ár kynnt sig sem
„heitasta band í heimi“ og það gangi
ekki lengur velti fjórir akfeitir menn inn
á sviðið með undirhökuna lafandi nið-
ur á bringu.
Auk Simmons skipa Kiss í dag
Paul Stanley, Tommy Thayer
og Eric Singer en bassaleikar-
inn útilokar ekki að uppruna-
legu meðlimirnir Ace
Frehley og Peter Criss gætu
troðið upp með bandinu á
lokatúrnum.
Kiss-liðar í fullum herklæðum á rauða dreglinum í haust.
AFP
GLYSBÆNDUR BREGÐA SENN BÚI
Lokaloka-
lokalokatúr-
inn hjá Kiss
Gene Simmons
án farða. AFP
Skólavörðustíg 18 | 101 Reykjavík | Sími 565 5454 | fridaskart.is
fridajewels Fríða skartgripahönnuður
Keltar og kóngar
Gull 14 kt
Silfur
Hringar 14kt gull
Frá 57.000,-
Hringar 14kt gull
m/demanti
Frá 85.000,-
Hringar
Frá 6.500,-
Hringar
Frá 15.500,-
Hringur
Frá 15.500,-
Hringar
Frá 17.000,-
Hringur 14kt gull
56.000,-
Hringur 14kt gull
43.000,-
Íslensk hönnun og handverk