Morgunblaðið - 11.12.2018, Síða 12

12 DAGLEGT LÍF
MORGUNBLAÐIÐ ÞRIÐJUDAGUR 11. DESEMBER 2018
TWIN LIGHT RÚLLUGARDÍNA
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 n Tjarnargötu 17, Keflavík. S. 421 2061 n Glerárgötu 32, Akureyri. S. 462 5900 n alnabaer.is
Við erum sérhæfð í gluggatjöldum
alnabaer.is
Fullkomin birtustjórnun
– frá myrkvun til útsýnis
Anna Lilja Þórisdóttir
annalilja@mbl.is
Jólin koma líka í stóra hvítahúsið sem stendur við Penn-sylvaniubreiðgötu númer1600 í Washington í Banda-
ríkjunum og það er jafnan talið tilefni
fjölmiðlaumfjöllunar þegar hulunni
er lyft af því hvernig Hvíta húsið er
skreytt fyrir jólin.
Framan af þóttu jólaskreytingar
þar vera einkamál forsetafjölskyld-
unnar, en það breyttist árið 1929 þeg-
ar Lou Henry Hoover, eiginkona
Herberts Hoovers sem var forseti
Bandaríkjanna 1929-1933, skreytti
það sem var kallað forsetatré og kom
því fyrir í bláa herberginu svokallaða.
Síðan þá hefur tréð ávallt verið í
sama herberginu, skreyting þess hef-
ur verið á hendi forsetafrúar Banda-
ríkjanna og sú þeirra, sem kom þeirri
hefð á að gera jólaskreytingar for-
setabústaðarins að opinberum fjöl-
miðlaviðburði, var Jacqueline Kenn-
edy, eiginkona Johns F. Kennedys.
Hjónin héldu sín fyrstu jól í Hvíta
húsinu árið 1961 og þá skreytti frú
Kennedy jólatréð í stíl við ballettinn
um Hnotubrjótinn.
Umdeilt tré Hillary
Síðan þá hefur verið talsvert
fjölmiðlaumstang þegar skreyting-
arnar hafa verið opinberaðar og jafn-
an eru skiptar skoðanir um fegurð og
smekkvísi þeirra. T.d. sýndist sitt
hverjum þegar næstu íbúar hússins,
þau Lyndon og „Lady Bird“ John-
son, skreyttu jólatré Hvíta hússins
með poppkorni sem þrætt hafði verið
upp á band.
Síðan kom að Nixon-hjónunum,
Richard og Patriciu. Hún fékk starfs-
fólk á vinnustofum fatlaðs fólks til að
útbúa skraut á tréð og vakti þar með
athygli á málefnum þessa hóps.
Næsta forsetafrú, Betty Ford,
skreytti jólatré Hvíta hússins með
handgerðu skrauti úr öllum ríkjum
Bandaríkjanna og Rosalynn, eigin-
kona Jimmys Carters, skreytti tréð
með skrauti sem unnið var af þroska-
hömluðu fólki.
Ronald og Nancy Reagan tóku
síðan við og í forsetatíð Reagans
1980-1988 fékk forsetafrúin m.a. ung-
menni, sem voru í fíkniefnameðferð,
til að aðstoða við skreytingarnar. Í
forsetatíð George H. Bush skreytti
eiginkona hans Barbara jólatréð með
bókum til að vekja athygli á mikil-
vægi lestrar og árið 1995, þegar
Hillary Clinton var forsetafrú, olli
það nokkrum usla þegar á jólatré
Hvíta hússins hékk jólasokkur sem
merktur var repúblikananum Newt
Gingrich sem þá var fulltrúi fulltrúa-
deildar Bandaríkjaþings og svarinn
andstæðingur forsetans. Sokkurinn
var fylltur af kolum, en hefð er fyrir
því í Bandaríkjunum að allra óþekk-
ustu börnin fái slíkt frá jólasvein-
inum. Laura Bush, eiginkona George
W. Bush, skreytti tréð m.a. með
hljóðfærum og Obamahjónin, þau
Barack og Michelle, fengu fulltrúa
sjálfboðaliðasamtaka til að skreyta
jólatré Hvíta hússins eitt árið á með-
an þau voru búsett þar.
Ættjarðarást er þemað í ár
Í meira en 50 ár hefur verið
haldin samkeppni meðal ræktenda
jólatrjáa í Bandaríkjunum um hvaða
tré hreppir það hnoss að verða
jólatré Hvíta hússins og í ár varð tré
frá Norður-Karólínu sigursælast.
Núverandi forsetafrú, Melania
Trump, bauð fjölmiðlum ekki í húsið
til að sjá skreytingarnar, heldur
sýndi hún þær á twittersíðu sinni og
braut þar með áratugalanga hefð.
Skreytingarnar hafa verið upp-
spretta glens og gríns á samfélags-
miðlum, m.a. vegna þess að dumb-
rauð jólatré, sem prýða einn af
göngum hússins, þykja minna á
þernubúningana í sjónvarpsþátt-
unum Sögu þernunnar, aðrir hafa líkt
þeim við notaða tíðatappa. Melania
hefur látið sér fátt finnast um slíka
gagnrýni, hún segir að þema skreyt-
inganna sé bandarísk ættjarðarást
og að eðlilegt sé að smekkur fólks sé
misjafn.
Kennedy-hjónin Jacqueline Kennedy kom þeirri hefð á 1961
að jólaskreytingar Hvíta hússins væru fjölmiðlaviðburður.
Nixon Patricia Nixon, eiginkona Richards Nixons, skreytti tré
Hvíta hússins með dóttur sinni Julie Eisenhower árið 1971.
Nancy og Ronald Reagan-hjónin önnum kafin við að skreyta
myndarlegt forsetajólatré í bláa herberginu í Hvíta húsinu.
Forsetajólatré í stofu stendur
Í áratugi hefur það verið
verkefni forsetafrúar
Bandaríkjanna að
skreyta forsetajólatréð í
Hvíta húsinu. Jafnan eru
skiptar skoðanir á því
hvernig til tekst.
Melania Trump Rauð jólatré, sem prýða ganga Hvíta hússins, hafa verið uppspretta skops á samfélagsmiðlum.
Obama-hjónin Þau fengu m.a. sjálf-
boðaliða til að skreyta jólatréð.