Morgunblaðið - 11.12.2018, Side 36

fyrir heimilið
Tjarnargötu 2 | 230 Reykjanesbæ | Sími 421 3377
bustod@bustod.is | www.bustod.is
Sendum um land allt
Fallegar vörur
Times stólar á snúning eða fótum
Nettir og þægilegir, aðeins 75 cm á breidd
Verð í taui 105.000 kr.
Verð í leðri frá 120.000 kr.
Simon leðursófar
Lengd 172 cm Verð 235.000 kr.
Lengd 202 cm Verð 275.000 kr.
Lengd 232 cm Verð 299.000 kr.
Kris leðursófar
Lengd 185 cm Verð 375.000 kr.
Lengd 205 cm Verð 399.000 kr.
Lengd 225 cm Verð 429.000 kr.
Roby leðursófar
Lengd 172 cm Verð 270.000 kr.
Lengd 194 cm Verð 295.000 kr.
Lengd 214 cm Verð 310.000 kr.
Jodie Foster
mun leikstýra,
leika aðal-
hlutverkið og
framleiða enska
útgáfu af
íslensku kvik-
myndinni Kona
fer í stríð, eftir
Benedikt Erl-
ingsson. Er það kvikmyndavefurinn
Deadline sem greinir frá þessu.
Foster mun fara með hlutverk
Höllu í myndinni. „Persóna Höllu er
stríðsmaður jarðarinnar, sterk kona
sem fórnar öllu til að gera hið
rétta,“ er haft eftir Foster, en kvik-
myndin er sögð hafa heillað banda-
rísku leikkonuna mjög.
Endurgerðin mun bera heitið
Woman at War.
Jodie Foster endur-
gerir Kona fer í stríð
ÞRIÐJUDAGUR 11. DESEMBER 345. DAGUR ÁRSINS 2018
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
„Jú, ég verð að viðurkenna að þetta
kom mér talsvert á óvart en um leið
er þetta mikið fagnaðarefni og ég
er mjög stoltur. Þetta segir mér að
ég er á réttri leið með það sem ég
er að vinna í alla daga á æfingum
og öðru slíku,“ segir Sveinn Jó-
hannsson, 19 ára ÍR-ingur sem er
í 28 manna hópi Íslands fyrir HM
karla í handknattleik. »2
Kom talsvert á óvart
en ég er mjög stoltur
ÍÞRÓTTIR FÓLK Í FRÉTTUM
Leiðir skilur hjá Heimi Hallgríms-
syni og Helga Kolviðssyni sem unnu
saman með íslenska karlalandsliðið
í knattspyrnu og voru nálægt því að
taka við stjórn þýska liðsins Stutt-
gart fyrir nokkrum vikum. Heimir
verður formlega kynntur til leiks
sem þjálfari Al Arabi í Katar í dag
og Helgi gæti orðið næsti landsliðs-
þjálfari Liechtenstein en hann hef-
ur átt í viðræðum við þarlenda
knattspyrnu-
forystu um
starfið. »1
Leiðir skilur hjá
Heimi og Helga
Steinþór Guðbjartsson
steinthor@mbl.is
Jón Elínbergur Sigurðsson, gjarnan
nefndur Jón Sigurðsson forseti eða
bara forseti, er sjómaður að upplagi
og hefur komið víða við en kann
best við sig í grennd við eða á sjón-
um. „Því miður er lítið um að vera
hérna núna,“ segir hann og horfir
yfir höfnina á Akranesi. „Það er af
sem áður var, en sem betur fer eru
enn margar trillur hérna og alltaf
má kjafta við trillukarla,“ bætir
hann við.
Forsetinn er maður gleðinnar.
Þegar fjölskyldan flutti í núverandi
fjölbýli á Akranesi stofnuðu íbúarnir
skötuklúbb og halda árlega mikla
skötuveislu í kjallaranum. Á hátíð-
inni Írskum dögum er blásið til
veislu úti á bletti, þar sem fólk grill-
ar saman og skemmtir sér. Íbúarnir
fara einnig árlega saman í rútuferð
hingað og þangað. „Allt þetta hristir
fólk saman,“ segir Jón.
Frá 2004 hefur Jón verið hafnar-
vörður hjá Faxaflóahöfnum með
starfsstöð á Akranesi. „Við mætum
hérna en stundum okkar vinnu yfir-
leitt frá Reykjavík,“ segir hann og
vísar til samdráttar á Akranesi.
„Nú róa tveir bátar héðan á línu, en
togarar og uppsjávarskip sjást ekki
og frystitogararnir eru að detta út.
Við erum níu karlar á Skaganum,
sem vinnum hjá Faxaflóahöfnum,
og ég hætti um áramótin vegna ald-
urs.“
Lausnin í sjónmáli
Hann er 70 ára í dag og fagnar
því í Danmörku, en vill helst ekki
tala um komandi breytingu. „Ég
hugsa sem allra minnst um þetta.
Ég veit ekki hvort ég á að fara að
gera eitthvað annað eða setjast í
sófann og drepast hægt og sígandi á
einu ári.“ Dregur samt strax í land.
„Ég er svo sem ekki alveg þekktur
fyrir að gefast upp. Ég hef keyrt
stóra bíla og gæti farið í slíkt en
konan er ekki á sama máli, segist
skilja við mig ef ég tek upp á slíkri
vitleysu því gamlir karlar eigi ekki
að keyra rútu.“ Lausnin er samt
ekki langt undan. „Ætli ég haldi
bara ekki áfram að mæta í vinnuna.
Ég er hvort eð er alltaf í vinnunni,
þó ég sé í fríi, og hef sagt að ég neiti
að skila lyklinum.“
Fjölskyldan er stór en þau Rún
Elfa Oddsdóttir eiga þrjú börn á lífi,
misstu eina dóttur þegar hún var
níu ára, og 12 barnabörn. „Það er
nóg að gera í skutlinu,“ segir hann
og bendir á að stórfjölskyldan búi á
Akranesi, Selfossi og í Reykjavík.
„Svo erum við með bústað í Borgar-
firði og eigum þar samverustundir á
sumrin.“ Þau ferðast mikið en sem
fyrr er það sjórinn sem er mest
heillandi. „Ferðir á skemmtiferða-
skipum standa upp úr,“ segir hann
og bætir við að siglingar með fær-
eysku skútunni Westward Ho TN á
milli Færeyja og Íslands komi næst.
„Færeyjar eru besta land í heimi
fyrir utan Ísland,“ segir hann.
Sjómennskan er ofarlega í huga
Jóns Sigurðssonar forseta. Hann
var lengi á togurum í Norðursjónum
og á nótabátum, en siglir nú lóðs-
bátum í vinnunni og á Jóni forseta í
frístundum. „Við erum nokkrir vinir
sem eigum bátinn í gegnum útgerð-
arfélagið Karlsberg ehf. og rekstur-
inn hefur gengið slysalaust eins og
annað sem ég hef tekið mér fyrir
hendur. Það hefur alltaf flotið undir
mér, ég hef verið á og við bryggjuna
síðan ég var 15 ára og hætti því ekki
úr þessu.“
Sjómaður Jón Sigurðsson forseti fer oft út á Jóni forseta, rennir fyrir fisk í Faxaflóa og færir björg í bú.
Jón forseti og hafið
 Hefur stigið ölduna í yfir hálfa öld og líður best á sjónum