Morgunblaðið - 11.12.2018, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 11. DESEMBER 2018
Bogi Þór Arason
bogi@mbl.is
Theresa May, forsætisráðherra
Bretlands, tilkynnti í gær að hún
hefði ákveðið að fresta atkvæða-
greiðslu á þingi landsins um samn-
inginn við Evrópusambandið um
brexit, útgöngu landsins úr samband-
inu. Hún kvaðst ætla að ræða við leið-
toga ESB-ríkjanna um ákvæði í
samningnum sem mikil andstaða hef-
ur verið við á breska þinginu og sagði
stjórnin myndi einnig búa sig frekar
undir þann möguleika að Bretland
gengi úr ESB án samnings.
May viðurkenndi að þingið myndi
hafna samningnum „með verulegum
mun“ ef atkvæðagreiðslan færi fram í
dag eins og gert hafði verið ráð fyrir.
Þingmenn Verkamannaflokksins,
Frjálslyndra demókrata, flokks sam-
bandssinna á Norður-Írlandi (DUP),
Skoska þjóðarflokksins og meira en
hundrað af 315 þingmönnum Íhalds-
flokksins eru andvígir samningnum.
Ákvörðunin um að fresta atkvæða-
greiðslunni er álitin áfall fyrir May.
Forsætisráðuneytið og áhrifamiklir
ráðherrar í stjórninni höfðu ítrekað
neitað fréttum breskra fjölmiðla um
að atkvæðagreiðslunni yrði frestað,
þeirra á meðal Michael Gove um-
hverfisráðherra í útvarpsviðtali í
gærmorgun.
Hermt er að andstæðingar samn-
ingsins í Íhaldsflokknum leggi nú fast
að May að freista þess að ná fram
breytingum á honum á leiðtogafundi
Evrópusambandsins á fimmtudaginn
og föstudaginn kemur. Fréttavefur
breska ríkisútvarpsins sagði í gær að
May væri að reyna að knýja fram til-
slakanir af hálfu ESB varðandi
ákvæði í samningnum um svonefnt
öryggisnet (backstop á ensku) sem á
að hindra að komið verði á landa-
mæraeftirliti milli Írlands og Norð-
ur-Írlands. Ákvæðið felur í sér að
sumar af reglum ESB, m.a. um tolla
og matvælaframleiðslu, eiga að gilda
á Norður-Írlandi ef ekki næst sam-
komulag um annað. May sagði í ræðu
á þinginu í gær að hún teldi að meiri-
hluti þingmanna myndi samþykkja
samninginn ef hún fengi „frekari lof-
orð“ frá leiðtogum ESB varðandi
ákvæðið um öryggisnetið fyrir Norð-
ur-Írland. Hún sagði hins vegar að
krafa þingmanna um að ákvæðið yrði
fellt niður væri óraunhæf.
Hyggst óska eftir „lagalega
bindandi loforði“
May hefur sagt ráðherrum sínum
að hún ætli að óska eftir „lagalega
bindandi loforði“ frá ESB um að
ákvæðið um Norður-Írland gildi ekki
án tímatakmarkana, að sögn
fréttavefjar The Telegraph.
Áður höfðu breski forsætisráð-
herrann og embættismenn ESB
ítrekað neitað því að hægt yrði að
breyta samningnum. Embættismenn
ESB hafa þó léð máls á að breyta
pólitískri yfirlýsingu um viðskipta-
tengsl Bretlands við ESB eftir út-
gönguna. Mina Andreeva, talsmaður
framkvæmdastjórnar Evrópusam-
bandsins, sagði í gær að ekki yrðu
hafnar samningaviðræður að nýju
um brexit-samninginn. „Eins og
Jean-Claude Juncker [forseti fram-
kvæmastjórnarinnar] sagði er þetta
besti og eini mögulegi samningurinn.
Við hefjum ekki nýjar samningavið-
ræður. Afstaða okkar hefur ekki
breyst.“
Evrópudómstóllinn úrskurðaði í
gær að Bretland hefði rétt til að
afturkalla þá ákvörðun sína að ganga
úr ESB án þess að hin aðildarlöndin
þyrftu að samþykkja það. Andreeva
sagði að úrskurðurinn breytti ekki
þeirri afstöðu framkvæmdastjórnar-
innar að Bretland gengi úr Evrópu-
sambandinu 29. mars á næsta ári.
Leiðtogar breskra stjórnarand-
stöðuflokka gagnrýndu ákvörðun
May um að fresta atkvæðagreiðsl-
unni. Nicola Sturgeon, leiðtogi
Skoska þjóðarflokksins, sagði
ákvörðunina til marks um „hugleysi
af hálfu forsætisráðherrans og ríkis-
stjórnarinnar“.
Einn þingmanna Verkamanna-
flokksins, Chris Leslie, sagði að
flokkurinn kynni að leggja fram van-
trauststillögu gegn forsætisráð-
herranum á þinginu í dag. Brexit-
sinnar í Íhaldsflokknum og
þingmenn DUP sögðust ætla að
styðja May ef slík tillaga yrði lögð
fram.
Theresa May hefur varað við því að
ef þingið hafnar samningnum geti
það orðið til þess að efnt verði til
þingkosninga og Verkamannaflokk-
urinn komist til valda undir forystu
Jeremy Corbyns. „Við höfum ekki
efni á að taka þá áhættu að Jeremy
Corbyn komist til valda,“ sagði for-
sætisráðherrann í viðtali við Mail on
Sunday.
May frestar
atkvæða-
greiðslunni
 Ræðir við leiðtoga ESB um brexit--
samninginn vegna andstöðu á þinginu
Þing Bretlands greiðir atkvæði
um brexit-samninginn við ESB
Þing Bretlands leiðir
samninginn í lög
Stjórnin kynnir nýja aðgerða-
áætlun innan þriggja vikna
Þingið greiðir atkvæði
Evrópuþingið
greiðir atkvæði
Ráðherrar ESB-ríkja
samþykkja hann formlega
Hugsanlegt er að þingið vilji
þjóðaratkvæði um samninginn
Brexit: hvað gerist næst?
Heimildir: AFP, breska þingið, Institute for Government, Open Britain *Hefja þyrfti samningaviðræður við ESB að nýju
Bretland gengur
úr ESB án samnings
Hætta
við hann
Þjóðar-
atkvæði
Þingkosn-
ingar
Bretland
áfram í ESB
Brexit-samn-
ingur samþykktur
?
?
Samþykktur BreyttHafnað
29. mars 2019:
útgangameð samningi
Breyta
honum*
Fresta
brexit
Hætta
við brexit
Halda sig við
samninginn
Hugsanleg
niðurstaða
Hugsanlegir kostir Breta
aðlögunartímabil til
des. 2020 (eða síðar)
AFP
Vilja útgöngu Brexit-sinnar krefjast þess að Bretland
gangi úr ESB í samræmi við þjóðaratkvæðið árið 2016.
AFP
Vilja nýtt þjóðaratkvæði Stuðningsmenn aðildar að
ESB krefjast nýrrar þjóðaratkvæðagreiðslu um málið.
Annie Lööf, leiðtogi Miðflokksins í
Svíþjóð, skýrði í gær frá því að
flokkurinn hygðist ekki styðja til-
lögu um að Stefan Löfven, leiðtogi
Sósíaldemókrata, yrði forsætisráð-
herra landsins.
„Við höfum unnið að því dag og
nótt að þetta geti gerst en niður-
staðan er að ekki kemur til stjórnar-
samstarfs. Við höfum ákveðið að
greiða atkvæði gegn því að Stefan
Löfven verði forsætisráðherra,“
sagði Lööf á blaðamannafundi. Hún
bætti við að Miðflokkurinn léði ekki
máls á neinu stjórnarsamstarfi sem
fæli í sér að Svíþjóðardemókratarnir
eða Vinstriflokkurinn hefði áhrif á
stefnu stjórnarinnar. Löfven hefði
sýnt í viðræðum við Miðflokkinn og
Frjálslynda flokkinn að hann væri
ekki tilbúinn að „skera á böndin við
Vinstriflokkinn og Jönas Sjöstedt“,
leiðtoga flokksins.
Frjálslyndi flokkurinn hefur ekki
skýrt frá því hvort hann ætli að
greiða atkvæði með Löfven á
þinginu.
Forseti sænska þingsins, Andreas
Norlén, hafði lagt til að Stefan Löf-
ven yrði forsætisráðherra Svíþjóðar
eftir að þingið hafnaði tillögu um að
leiðtogi hægriflokksins Moderat-
erna fengi embættið. Norlén bað í
gær leiðtoga Miðflokksins, Frjáls-
lynda flokksins og Sósíaldemókrata
um að nota næstu daga til að hug-
leiða hvaða afleiðingar það gæti haft
næðu þeir ekki samkomulagi um
stjórnarmyndun.
Hafni þingið tillögum þingforset-
ans um forsætisráðherra fjórum
sinnum þarf að efna til nýrra þing-
kosninga.
Miðflokkurinn
hafnar Löfven
 Hyggst ekki
styðja hann sem
forsætisráðherra
AFP
Viðræður um nýja stjórn Annie
Lööf, leiðtogi Miðflokksins.
Verð 4.995
Dömustærðir 36-42
Herrastærðir 40-46
SMÁRALIND
www.skornirthinir.is
Inniskór
undir jólatréð