Morgunblaðið - 11.12.2018, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 11. DESEMBER 2018
Suðurlandsbraut 26 Sími: 587 2700
Opið: 11-18 virka daga, 11-16 laugardaga www.alno.is
Morgunblaðið birtir fram til jóla
upplýsingar um einhverja þeirra
viðburða sem eru á dagskrá vítt
og breitt um landið.
13 dagar til jóla
Á tónleikunum
Jólagestum
Björgvins í
Hörpu í fyrra
sungu Björgvin
Halldórsson og
Stefán Karl sam-
an lagið „Aleinn
um jólin“ og
vakti atriðið
mikla lukku.
Reyndist þetta
vera síðasta opinbera framkoma
Stefáns Karls en hann féll frá ekki
löngu síðar eins og alkunna er, eftir
hetjulega baráttu við krabbamein.
Flytjendur lagsins og Sena Live
hafa ákveðið að heiðra minningu
Stefáns Karls með því að gefa lagið
út og munu allar tekjur af laginu
renna til barna Stefáns Karls.
Lagið er komið inn á Spotify og
aðrar tónlistarveitur.
Hægt að nálgast
lagið Aleinn um jólin
Stefán Karl og
Björgvin Halldórs.
Flugfreyjukór Icelandair heldur
árlega aðventutónleika sína í Há-
teigskirkju í kvöld kl. 20.
Aðgangur er ókeypis og allir
boðnir hjartanlega velkomnir.
Stjórnandi kórsins er Magnús
Kjartansson tónlistarmaður.
„Hlökkum til að sjá ykkur sem
flest í jólaskapi og eigum saman
notalega stund á aðventunni, segir í
tilkynningu frá kórnum.
Flugfreyjur Kórinn syngur jólalög í kvöld.
Flugfreyjukórinn
með jólalög í kvöld
Kvennakórinn Cantabile, undir
stjórn Margrétar Pálmadóttur,
verður með aðventustund í Hann-
esarholti í kvöld kl. 20.
Einnig verða tónleikar kl. 18 en
þeir eru löngu uppseldir. Meðleik-
ari verður Jón Elísson en Ólína Þor-
varðardóttir mun flytja stutt erindi
um íslensk jól.
Miðasala er á tix.is.
Aðventustund í
Hannesarholti
Sigtryggur Sigtryggsson
sisi@mbl.is
Borgarráð hefur samþykkt að
borgarstjóri fái heimild til að undir-
rita, ásamt mennta- og menningar-
málaráðherra, samkomulag og
viljayfirlýsingu við European Film
Academy um að 33. verðlaunahátíð
Evrópsku kvikmyndaverðlaunanna
verði haldin í Reykjavík dagana 7.
til 13. desember árið 2020. Þrjár
borgir keppast nú um að vera vett-
vangur Evrópsku kvikmyndaverð-
launanna árið 2020.
Í samkomulaginu, ef Reykjavík
verður fyrir valinu, felst að Reykja-
víkurborg og ríkisstjórn skuld-
binda sig til að framkvæma verk-
efnið hér á landi og bera sam-
eiginlega ábyrgð á fjármögnun.
Ábyrgjast fjármögnunina
Reykjavíkurborg og ríkið ábyrgj-
ast samkvæmt þessu fjármögnun
verkefnisins með að hámarki 135
milljóna króna framlagi hvor aðili
um sig. Kostnaðargreining á kröfu-
lýsingu European Film Academy
hefur verið unnin í samvinnu við
aðildarfélög Meet in Reykjavík og
KPMG og hljóðar upp á u.þ.b. 270
m.kr. með vsk. Að undirbúningi
málsins hafa komið fulltrúar
menntamálaráðuneytisins, Kvik-
myndamiðstöðvar, Íslandsstofu og
RÚV, auk Meet in Reykjavík og
Reykjavíkurborgar. Mat hópsins er
að hægt verði að ná kostnaði mjög
niður með því að leita hagkvæm-
ustu leiða við framkvæmd viðburð-
arins, leita kostunar og kostnaðar-
þátttöku stuðningsaðila.
Fram kemur í greinargerð að
Evrópsku kvikmyndaverðlaunin
voru fyrst veitt árið 1988 í Vestur-
Berlín en tilgangur þeirra er að
fagna, styðja við og vekja athygli á
evrópskri kvikmyndagerð.
Verðlaunahátíðin fer fram ár-
lega, annað hvert ár í Berlín en
þess á milli til skiptis í öðrum borg-
um Evrópu. Í ár fer hátíðin fram í
Sevilla á Spáni en hún hefur einnig
farið fram í London, París, Róm,
Barcelona, Varsjá, Kaupmanna-
höfn, Tallinn, Möltu, Riga og Wroc-
law, svo dæmi séu nefnd. Veitt eru
verðlaun í 23 flokkum. Íslendingar
hafa verið tilnefndir til verðlauna í
nokkur skipti.
Búast megi við að hátíðin laði til
sín fjölmarga erlenda gesti víða að
úr kvikmyndaheiminum. Ráðgert
er að hátt í 1.400 gestir verði á
verðlaunahátíðinni sjálfri, auk vel á
annað hundrað erlendra blaða-
manna sem munu fjalla um hátíðina
og umgjörð hennar í sínum miðlum.
„Sýnt verður beint frá verðlauna-
kvöldinu og því ljóst að hátíðin,
með íslensku ívafi, mun fá mikla
umfjöllun,“ segir í greinargerðinni.
Verða Evrópsku kvikmynda-
verðlaunin afhent í Hörpu?
Morgunblaðið/Árni Sæberg
Glervirki Hörpu Menningarhúsið verður mögulega vettvangur verðlaunahátíðarinnar í desember árið 2020.
 Ríki og borg sækja um hátíðina 2020  Kostnaður er áætlaður 270 milljónir
Guðrún Erlingsdóttir
ge@mbl.is
Níu íslenskir sjúkrahúslyfjafræð-
ingar sendu svör við könnun sem
Evrópusamtök sjúkrahúslyfjafræð-
inga gerðu frá síðari hluta mars og
fram í júní þar sem spurt var um
lyfjaskort.
Þetta kemur fram á heimasíðu
Lyfjastofnunar en þar kemur einnig
fram að stofnunin vinni að ýmsum
úrbótum til að koma í veg fyrir eða
milda áhrif sem lyfjaskortur getur
haft á lyfjanotendur. Svör bárust frá
38 löndum og í ljós kom að tæp 92%
svarenda höfðu glímt við lyfjaskort í
sjúkrahúsapótekum og 35% segjast
glíma daglega við lyfjaskort.
Dæmigerður biðtími eftir lyfjum
er 2,2 mánuðir. Að meðaltali tekur
það fimm klst. á viku að leita lausna
vegna lyfjaskorts. Ísland, Danmörk
og Rússland skera sig úr hvað þenn-
an þátt varðar því samkvæmt könn-
uninni fara yfir 15 klst. á viku í þess-
um löndum í leit að lausnum vegna
lyfjaskorts.
Sýklalyf skortir oftast, þar á eftir
bóluefni og krabbameinslyf.
Samkvæmt könnuninni voru 12
dauðsföll á fyrrgreindu tímabili rak-
in til skorts á lyfjum, 50% svarenda
telja að lyfjaskortur tefji meðferð og
25% telja að að mistök hafi verið gerð
vegna skorts á lyfjum. 78% svarenda
töldu að langoftast eða alltaf væri
hægt að bjóða meðferð með lyfi sem
væri sambærilegt við það sem skorti.
92% segja lyf skorta í sjúkrahúsapótekum
 Sjúkrahúslyfjafræðingar á Íslandi leita lausna í 15 klst. á viku vegna lyfjaskorts
Morgunblaðið/Sverrir
Skortur Lyfjaskortur er algengur.
Fyrstu ferðamenn vetrarins á veg-
um bresku ferðaskrifstofunnar
Super Break lentu á Akureyrar-
flugvelli í gær. Flugferðirnar verða
alls 29 í vetur og í hverri ferð verða
sæti fyrir 200 manns.
Eins og áður hefur komið fram
sér Titan Airways núna um flugið
og lendingin á Akureyrarvelli í gær
var þeirra fyrsta. Til verksins var
notuð ein af stærri vélum félagsins,
Airbus A321, og gekk lendingin vel,
segir í tilkynningu frá Markaðs-
stofu Norðurlands. Kom vélin frá
Exeter í Bretlandi en flogið verður
frá alls 18 flugvöllum þar í landi.
Von er á alls 4.500 manns í vetur.
Akureyri Flugvél frá Titan Airways lenti í
gær með fyrstu farþega vetrarins.
Fyrsta ferð með
breska ferðamenn