Morgunblaðið - 24.12.2018, Blaðsíða 2

Dagur B. sagður hafa
brugðist sem borgarstjóri
 Þrír oddvitar minnihlutans krefjast tafarlausrar afsagnar borgarstjóra
Aron Þórður Albertsson
aronthordur@mbl.is
Fyrstu viðbrögð oddvita minnihlut-
ans í Reykjavík við skýrslu innri
endurskoðunar Reykjavíkurborgar
um kostnað vegna endurgerðar
bragga við Nauthólsveg eru nær
samhljóma. Allir segja þeir að
skýrslan varpi ljósi á gríðarlega sóun
á fjármunum borgarbúa. Þess utan
telja þrír oddvitanna að Dagur B.
Eggertsson borgarstjóri verði að
axla pólitíska ábyrgð í málinu og
stíga tafarlaust til hliðar sem æðsti
yfirmaður borgarinnar.
„Það er greinilegt að hann hefur
brugðist sem framkvæmdastjóri og
hann segist finna til ábyrgðar. Það
er auðvitað leiðinlegt að enda þetta
svona eftir sextán ár, en það er eðli-
legast að hann segi þetta gott,“ segir
Eyþór Laxdal Arnalds, oddviti Sjálf-
stæðisflokksins, um stöðu Dags í
kjölfar birtingar skýrslunnar.
Vigdís Hauksdóttir, oddviti Mið-
flokksins, tekur í svipaðan streng, en
bætir við að það sé ekki síður alvar-
legt að tölvupóstar starfsmanna sem
tengjast málinu séu óaðgengilegir
auk þess sem tölvupóstum einstakra
aðila hafi verið eytt. Líkt og fram
kom í Morgunblaðinu á laugardag
voru lög og reglur um skjalastjórn
opinberra stofnana þverbrotin í mál-
inu. „Förgun þessara skilaboða verð-
ur að líta alvarlegum augum. Maður
spyr sig hver ástæðan sé og hvort
það geti verið að bragginn hafi verið
ruslakista sem önnur verk voru
skrifuð á,“ segir Vigdís sem telur
borgarstjóra ekki eiga sér undan-
komuleið og að nú sé svo komið að
hann verði að stíga til hliðar.
„Þetta mál lyktar af spillingu“
Að sögn Kolbrúnar Baldursdótt-
ur, oddvita Flokks fólksins, hefur
braggamálið svokallaða einkennst af
spillingu frá fyrsta degi. Þá hafi hún
viljað kanna hvort tilefni væri til lög-
reglurannsóknar á málinu.
„Það sem er athugavert í þessu
máli er að þarna eru engin útboð eða
samningar gerðir auk þess sem
skortur er á skjölum. Mín fyrstu við-
brögð voru að kanna hvort þetta
væri tilefni til lögreglurannsóknar
þar sem ekkert eftirlit var haft með
því hvernig fjármunum borgarbúa
var eytt,“ segir Kolbrún og bætir við
að tillögu hennar hafi verið svarað á
þá leið að þrátt fyrir mikla misferl-
isáhættu væru sannanir ekki til auk
þess sem innri endurskoðun hefði
Dagur B.
Eggertsson
Samfylkingu
Kolbrún
Baldursdóttir
Flokki fólksins
„Ég varð í raun orð-
laus þegar þetta var
kynnt fyrst. Ég átti von
á ýmsu en ekki þessu.“
Vigdís
Hauksdóttir
Miðflokki
„Þetta mál ásamt hin-
um spillingarmálunum
sýnir að rekstur borg-
arinnar er í molum.“
Sigurborg Ósk
Haraldsdóttir
Pírötum
„Það er alvarlegt
hversu röng og villandi
upplýsingagjöf er til
borgarráðs í málinu.“
Þórdís Lóa
Þórhallsdóttir
Viðreisn
Eyþór
Arnalds
Sjálfstæðisflokki
„Ég ætla að vona Dags
vegna að hann stígi
fram með einhverja af-
stöðu í málinu.“
Sanna Magdalena
Mörtudóttur
Sósíalistaflokki
„Maður er náttúrlega
bara orðlaus yfir því
hvernig þetta gat farið
svona úr böndunum.“
Líf
Magneudóttir
Vinstri grænum
talið að ekki væri um efnahagsbrot
að ræða. Kolbrún kveðst vilja fá ut-
anaðkomandi aðila til að fara betur
ofan í einstök atriði skýrslunnar.
„Þetta mál lyktar af spillingu þar
sem leitað var eftir verktökum í
gegnum kunningja. Allt frá því að ég
tók sæti sem borgarfulltrúi hefur
þetta verið slóð mála sem eru algjört
bull. Borgarstjóri ber aðalábyrgðina
í þessu máli og það er sannarlega
komið nægt tilefni til að hann stígi til
hliðar,“ segir Kolbrún.
Píratar taka afstöðu á nýju ári
Sanna Magdalena Mörtudóttir,
oddviti Sósíalistaflokks Íslands, seg-
ist hafa orðið orðlaus við lesningu
skýrslunnar. „Ég ætlaði mér að
strika yfir það sem stóð upp úr í
skýrslunni með gulu en það endaði
þannig að allar síðurnar voru orðnar
gular. Það eru enn margar spurn-
ingar eftir lesninguna,“ segir Sanna.
Ekki er enn orðið endanlega ljóst
hvort Píratar muni styðja Dag B.
Eggertsson sem borgarstjóra en
formleg ákvörðun verður tekin á
fundi flokksins í janúar. Að sögn Sig-
urborgar Óskar Haraldsdóttur,
borgarfulltrúa Pírata, nýtur Dagur
stuðnings Pírata þar til annað kemur
í ljós. „Þetta er ekki gott mál og í
raun óásættanlegt. Ég er algjörlega
sammála niðurstöðum skýrslunnar
en finnst eðlilegt að við sem flokkur
rýnum sameiginlega í skýrsluna. Það
verður haldinn fundur með grasrót-
inni í janúar þar sem skoðað verður
hvaða formlegu ákvarðanir verða
teknar í framhaldinu. Ég ber fullt
traust til Dags og við styðjum hann
þar til annað kemur í ljós,“ segir hún.
Kristín Soffía Jónsdóttir, borgar-
fulltrúi Samfylkingarinnar, segir
þann sem ber ábyrgð í málinu hafa
látið af störfum. „Að mínu mati er
ekkert í skýrslunni sem styður þær
vangaveltur að Dagur hafi leynt
borgarráð upplýsingum. Sá sem bar
ábyrgð í þessu máli er hættur störf-
um,“ segir Kristín Soffía. Vísar hún í
máli sínu til Hrólfs Jónssonar, fyrr-
verandi skrifstofustjóra eigna og at-
vinnuþróunar hjá Reykjavíkurborg.
Þá hefur Hildur Björnsdóttir,
borgarfulltrúi Sjálfstæðisflokks,
sagst ætla að segja sig úr rýnihóp
sem skoða á skýrsluna nánar dragi
Dagur sig ekki úr hópnum. Þórdís
Lóa Þórhallsdóttir, oddviti Viðreisn-
ar, er einnig í hópnum.
Þrátt fyrir ítrekaðar tilraunir náð-
ist hvorki í borgarfulltrúa Vinstri
grænna né Viðreisnar.
Kristín Soffía
Jónsdóttir
Samfylkingu
„Þetta er ekki gott en í
skýrslunni virðist farið
vel í málið og helstu
spurningum svarað.“
EKKI NÁÐIST Í ÞESSA ODDVITA ÞRÁTT FYRIR TILRAUNIR
2 FRÉTTIRInnlent
MORGUNBLAÐIÐ MÁNUDAGUR 24. DESEMBER 2018
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
„Í ár er langvinsælasta jólagjöfin
fjölnota dömubindi fyrir stúlkur í
Malaví,“ sagði Kristín S. Hjálmtýs-
dóttir, framkvæmdastjóri Rauða
krossins á Íslandi, í samtali við
Morgunblaðið, en gjafabréf frá
hjálparstofnunum eru nú sem fyrr
vinsæll kostur sem jólagjöf til vina
og vandafólks. Kristín sagði tölu-
verða aukningu vera í sölu gjafa-
bréfanna frá því sem var árið á
undan og sagðist þekkja mörg
dæmi um að fólk kláraði öll jóla-
gjafainnkaup á einu bretti með
gjafabréfum frá Rauða krossinum.
Bjarni Gíslason, framkvæmda-
stjóri Hjálparstarfs kirkjunnar,
hafði svipaða sögu að segja og
sagði sölu gjafabréfa enn vera í
fullum gangi þegar Morgunblaðið
náði tali af honum laust eftir hádegi
í gær. „Geitin heldur sér á toppnum
yfir vinsælustu gjafirnar, alveg hik-
laust. Svo fylgja hænurnar fast á
eftir,“ sagði Gísli en hjálpar-
samtökin hafa um árabil selt gjafa-
bréf sem færir fátækri fjölskyldu í
Úganda geit.
Hjá Unicef voru vinsælustu jóla-
gjafirnar hlýr fatnaður og teppi
sem send eru til barna víða um
heim sagði Anna Margrét Hrólfs-
dóttir fjáröflunarstjóri í spjalli við
Morgunblaðið. „Oft koma heilu fjöl-
skyldurnar í heimsókn til okkar og
kaupa allar jólagjafirnar.“ Margrét
sagðist einnig merkja aukna sölu
gjafabréfanna frá því sem hefur
verið síðustu ár. teitur@mbl.is
Dömubindi og geitur eru
vinsælar jólagjafir í ár
 Margir kaupa allar jólagjafirnar hjá hjálparsamtökum
Morgunblaðið/Árni Torfason
Á toppnum Geit er vinsælasta gjöf-
in hjá Hjálparstarfi kirkjunnar.
Morgunblaðið kemur næst út
fimmtudaginn 27. desember.
Að venju verður öflug frétta-
þjónusta á fréttavef Morgun-
blaðsins, mbl.is, yfir jóladag-
ana. Hægt er að senda
ábendingar um fréttir á net-
fangið netfrett@mbl.is.
Þjónustuver áskriftardeildar
er opið í dag, aðfangadag, frá
kl. 8-12. Lokað er á jóladag og
annan dag jóla. Þjónustuverið
verður opnað aftur fimmtudag-
inn 27. desember kl. 7.
Netfang þjónustvers er
askrift@mbl.is.
Blaðberaþjónustan er opin í
dag, aðfangadag frá kl. 6-12.
Lokað er á jóladag og annan
dag jóla. Blaðberaþjónustan
verður opnuð aftur fimmtudag-
inn 27. desember kl. 5.
Netfang blaðberaþjónust-
unnar er bladberi@mbl.is.
Auglýsingadeildin er lokuð
en verður opnuð aftur fimmtu-
daginn 27. desember kl. 8.
Hægt er að bóka dánar-
tilkynningar á mbl.is. Netfang
auglýsingadeildar er
augl@mbl.is.
Fréttaþjónusta
mbl.is um jólin
ÍS
L
E
N
S
K
A
S
IA
.I
S
IC
E
8
81
5
4
12
/1
8
GLEÐILEGA
HÁTÍÐ
Efnt var til hinnar árlegu Frið-
argöngu niður Laugaveg í miðbæ
Reykjavíkur í 39. skiptið í gær-
kvöldi, en gangan er orðin fastur
liður í jólahaldi margra. Menning-
ar- og friðarsamtökin MFÍK og
Samtök hernaðarandstæðinga
standa fyrir göngunni. Hamrahlíð-
arkórinn gekk fremst og söng við-
eigandi lög. Þá var notast við sér-
stök fjölnota friðarljós í stað hinna
hefðbundnu vaxkerta að þessu
sinni.
Gengið
til friðar
Morgunblaðið/Eggert