Morgunblaðið - 24.12.2018, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 24. DESEMBER 2018
Veður víða um heim 23.12., kl. 18.00
Reykjavík 3 súld
Hólar í Dýrafirði 5 rigning
Akureyri 5 skýjað
Egilsstaðir 1 léttskýjað
Vatnsskarðshólar 3 súld
Nuuk 2 snjókoma
Þórshöfn 2 skýjað
Ósló -4 alskýjað
Kaupmannahöfn 0 skýjað
Stokkhólmur -5 snjóél
Helsinki -10 skýjað
Lúxemborg 8 rigning
Brussel 10 þoka
Dublin 7 súld
Glasgow 3 þoka
London 12 rigning
París 13 súld
Amsterdam 7 súld
Hamborg 6 skýjað
Berlín 7 rigning
Vín 8 skýjað
Moskva -7 snjókoma
Algarve 17 léttskýjað
Madríd 8 þoka
Barcelona 17 heiðskírt
Mallorca 16 léttskýjað
Róm 14 léttskýjað
Aþena 13 heiðskírt
Winnipeg -9 snjókoma
Montreal -8 snjókoma
New York 4 heiðskírt
Chicago 0 þoka
Orlando 14 heiðskírt
 24. desember Sólarupprás Sólsetur
REYKJAVÍK 11:24 15:32
ÍSAFJÖRÐUR 12:10 14:55
SIGLUFJÖRÐUR 11:55 14:36
DJÚPIVOGUR 11:02 14:52
VEÐUR KL. 12 Í DAG
Á þriðjudag (jóladagur) Suðaustan og síðar sunn-
an 10-18 með rigningu og súld. Hiti 3 til 10 stig.
Á miðvikudag (annar í jólum) Sunnan og suðvest-
an 10-15 og rigning eða skúrir. Hiti 2 til 7 stig.
Suðvestan 13-23 m/s, hvassast N-til og suðaustan Vatnajökuls, talsvert hægari á S- og SV-landi.
Skýjað en úrkomulítið og hiti 3 til 10 stig, hlýjast á Austfjörðum. Dregur úr vindi í kvöld.
595 1000
Gleðileg jól
Heimsferðir óskar þér og þínum
gleðilegra jóla og farsældar á
komandi ferðaári.
Helgi Bjarnason
helgi@mbl.is
„Mér finnst aðeins eins og verið sé
að ráðast gegn okkur í sveitarstjórn
en þó ekkert alvarlega. Þeim er al-
veg frjálst að álykta eins og þau vilja
og okkur er frjálst að velja þá leið
sem við viljum,“ segir Ingimar Ingi-
marsson, oddviti sveitarstjórnar
Reykhólahrepps. Leitað var álits
hans á ákalli sveitarstjórnar Tálkna-
fjarðarhrepps og bæjarstjórnar
Vesturbyggðar til íbúa Reykhóla-
hrepps um áframhaldandi samstöðu
um láglendisveg út úr fjórðungnum
samkvæmt leið ÞH sem fer um
Teigsskóg.
„Okkur hefur fundist af umfjöllun
síðustu daga að R-leiðin verði fyrir
valinu hjá sveitarstjórn Reykhóla-
hrepps. Við erum ekki sannfærð um
að það sé endilega vilji fólksins sem
sem býr í hreppnum og höfum raun-
ar heyrt ólík viðhorf,“ segir Iða
Marsibil Jónsdóttir, forseti bæjar-
stjórnar Vesturbyggðar, um ástæð-
ur ákallsins sem birt er á heimasíð-
um sveitarfélaganna, einnig á vef
Reykhólahrepps. Hún lýsir þeirri
skoðun sinni að eðlilegt sé að kjörnir
fulltrúar fólksins í Reykhólahreppi
endurspegli viðhorf íbúa.
Pressar ekki á aðra
Sveitarstjórn Reykhólahrepps
hefur ekki ákveðið hvor leiðin verður
valin. Það verður gert á fyrsta fundi
nefndarinnar á nýju ári. Ingimar er
yfirlýstur stuðningsmaður R-leiðar-
innar sem liggur yfir utanverðan
Þorskafjörð og um Reykhóla. Hann
segist ekki hafa krafið aðra sveitar-
stjórnarmenn svara um hvora leið-
ina eigi að velja. Sveitarstjórnin hafi
hins vegar viljað kanna til þrautar R-
leiðina til þess að geta haft nauðsyn-
legar upplýsingar þegar sveitar-
stjórn tekur sína ákvörðun.
Spurður um möguleika á því að
leyfa íbúunum að velja leiðina segir
Ingimar að engar óskir hafi komið
fram um slíkt. Hann segir að íbú-
arnir hafi valið sér hreppsnefnd til
að taka slíkar ákvarðanir. Ef sam-
staða verði í sveitarstjórn um
ákveðna leið sé engin þörf á að efna
til íbúakosningar.
Teigsskógarleið ÞH er langt kom-
in í undirbúningi hjá Vegagerðinni
og Reykhólahreppi. Iða Marsibil ótt-
ast að framkvæmdir tefjist í mörg ár
til viðbótar ef önnur leið verði valin.
„Það skiptir alla Vestfirðinga gríðar-
legu máli að fá samgöngubætur á
Vestfjarðavegi í gegn sem allra fyrst
og íbúar Reykhólahrepps hafa lykil-
inn að þeim samgöngubótum í sínum
höndum,“ segir í ákalli Vesturbyggð-
ar og Tálknafjarðar til íbúa Reyk-
hólahrepps.
Verður hressilegur fundur
Bæjarstjórn Vesturbyggðar og
sveitarstjórnir Tálknafjarðarhrepps
og Reykhólahrepps og þingmenn
kjördæmisins hafa verið boðuð á
fund umhverfis- og samgöngunefnd-
ar Alþingis í byrjun janúar til að
ræða málin. „Það verður allavega
hressilegur fundur,“ segir Ingimar
oddviti.
Snúa sér beint til íbúanna
 Vesturbyggð og Tálknafjarðarhreppur biðja íbúa Reykhólahrepps um áfram-
haldandi samstöðu um Teigsskógarleið  Ekki verið óskað eftir íbúakosningu
Morgunblaðið/Helgi Bjarnason
Fjallvegir Báðar leiðirnar sem nú eru til umræðu á Vestfjörðum sneiða hjá
hálsunum svonefndu, Ódrjúgshálsi og Hjallahálsi, sem eru farartálmar.
Engir
nýliðar á
nýju ári
 Núverandi flug-
liðar sjá um vinnuna
Svanhvít Friðriksdóttir, fjölmiðla-
fulltrúi WOW air, segir líklegt að
engar nýjar flugfreyjur verði ráðn-
ar til afleysingastarfa hjá flugfélag-
inu næsta sumar.
„Við munum vissulega fjölga flug-
liðum verulega yfir sumartímann,
en við teljum líklegt að við náum að
manna það eingöngu með flugliðum
sem hafa verið hjá okkur áður,“
segir Svanhvít við Morgunblaðið.
Endurskipulagning á flugfélaginu
stendur nú yfir en liður í því er sala
WOW air á fjórum Airbus-farþega-
þotum til kanadíska flugfélagsins
Air Canada. Kemur þetta fram í til-
kynningu frá flugfélaginu og hefur
samningur þess efnis verið undirrit-
aður.
„Þetta er mjög og jákvætt og
mikilvægt skref í endurskipulagn-
ingu Wow air þar sem við bæði
minnkum flotann og bætum lausa-
fjárstöðu félagsins með sölu á þess-
um flugvélum,“ sagði Skúli Mogen-
sen, forstjóri og stofnandi WOW
air.
Flugumferðarstjórar á Keflavíkur-
flugvelli eru með viðbragðsáætlun til
staðar ef sést til dróna nálægt flug-
vellinum eins og gerðist á Gatwick-
flugvellinum í London í vikunni.
„Ef það verður vart við dróna á
flugi nálægt flugvellinum er byrjað á
því að láta flugstjóra um borð í þeim
vélum sem eru á leiðinni til Keflavík-
ur vita um að það hafi sést til dróna í
nálægð við flugvöllinn. Síðan er haft
samband við lögreglu og það til-
kynnt,“ segir Guðjón Helgason, upp-
lýsingafulltrúi Isavia. „Síðan er farið
í mat hér innanhús hjá okkur með yf-
irmönnum í flugumferðastjórninni á
þeim viðbrögðum sem þarf að grípa
til út frá öryggissjónarmiðum. Hvort
það þarf að beina flugvélum eitthvað
annað eða mögulega að grípa til að-
gerða eins og gert var í Gatwick, að
loka brautum. Það er bara metið út
frá atburðum og öryggissjónar-
miðum,“ segir Guðjón og bætir við
að Samgöngustofa haldi utan um all-
ar þær reglur sem snúa að drónum.
Búnir undir drónaflug
Magnús Heimir Jónasson
mhj@mbl.is
Nýtt matskerfi á launauppbyggingu
forstöðumanna ríkisstofnana tekur
gildi um áramótin en starfsstéttin
heyrði áður undir kjararáð. Fjár-
málaráðuneytið metur nú laun hvers
og eins forstjóra fyrir sig.
„Forstöðumönnum bárust bréf í
vikunni frá fjármálaráðuneytinu þar
sem þeim var kynnt niðurstaða úr
þessu matskerfi sem búið er að
byggja upp. Sem tiltekur ákveðna
þætti varðandi umfang, álag, um-
sýslu og fleira. Niðurstaðan úr því
mati er einhver tala sem menn voru
að fá senda hver og einn í sérstöku
bréfi,“ segir Gissur Pétursson, for-
stjóri Vinnumálastofnunar og for-
maður Félags forstöðumanna ríkis-
stofnana. „Það er svo samtal sem
viðkomandi forstöðumenn þurfa að
eiga við sitt ráðuneyti um niðurstöðu
matsins og hvort menn séu sáttir og
hvað þá eigi að gera. Þessi samtöl eru
eitthvað byrjuð en eru að stærstum
hluta eitthvað
sem er eftir.“
Ekki hafa allir
ríkisforstjórar
fengið bréf með
nýja matinu heim
en þrátt fyrir það
verða laun greidd
út samkvæmt
nýja matskerfinu
fyrsta janúar á
næsta ári.
„Þannig að menn munu ekki hafa
tækifæri til þess að ræða neitt fyrr en
eftir þann tíma,“ segir Gissur sem
býst við að launasamtölin muni eiga
sér stað á nýja árinu. Spurður hvort
félaginu hafi borist einhverjar at-
hugasemdir um launalækkanir hjá
félagsmönnum segir hann svo ekki
vera ennþá.
„Ég fékk mitt bréf bara á fimmtu-
daginn þannig að þetta er bara ennþá
að berast og sumir kannski ekki bún-
ir að fá bréf.“ Hann veit ekki til þess
að einhverjir séu að taka á sig launa-
lækkanir en mögulega hefur ein-
hverjum verið tilkynnt að launin
þeirra taki ekki breytingum í ein-
hvern tíma.
Hrifnari af nýja kerfinu
Gissur telur nýja launakerfið hins
vegar framför frá fyrra fyrirkomu-
lagi. „Það má segja að almennt séð
séum við hrifnari af þessu kerfi. Það
er gagnsætt kerfi og við vitum hvaða
þættir þetta eru og þá er verið að
meta embættin jafnt. Því við vissum
hvorki haus né sporð á því sem kjar-
aráð var að gera og hvað það var sem
þau lögðu til grundvallar. Fengum
aldrei að vita það. Ég held að þau hafi
ekki vitað það sjálf,“ segir Gissur og
bætir við að ef um launalækkanir sé
að ræða sé það ekkert gamanmál.
„Við erum að vona að þetta sé
framfaraskref og það náist um þetta
sátt en það er þungbært fyrir marga
ef embættin eru að lækka í launum
en þá er það ekki gamanmál en ég
held að þetta verði gagnsærra og að
einhverju leyti málefnalegra mats-
kerfi.“
Nýtt mat á launum forstöðu-
manna ríkisstofnana
 Fjármálaráðuneytið metur nú launin í stað kjararáðs
Gissur
Pétursson
Hollvinasamtök Sjúkrahússins á
Akureyri afhentu í gær barnadeild
sjúkrahússins tólf ný sjúkrarúm, að
verðmæti um 10 milljónir króna.
Andrea Andrésdóttir, yfirlæknir
barnadeildar, tók við gjöfinni af Jó-
hannesi G. Bjarnasyni, formanni
Hollvinasamtakanna.
Á árinu 2018 hafa samtökin af-
hent lækningatæki fyrir meira en
fimmtíu milljónir króna og á síð-
ustu fimm árum hafa samtökin fjár-
magnað þriðjung allra tækjakaupa
Sjúkrahússins á Akureyri.
Alls eru um 2.500 félagsmenn í
samtökunum en farið verður í átak
á næsta ári til að fjölga þeim. Mark-
mið samtakanna er að Sjúkrahúsið
á Akureyri verði jafn vel tækjum
búið og bestu sjúkrahús á Norður-
löndum. „Mikilvægt er að starfsfólk
hafi ávallt bestu möguleg tæki til-
tæk til að þjónusta sjúklinga sem
allra best,“ segir Jóhannes.
Gáfu barnadeild 12 ný sjúkrarúm