Morgunblaðið - 24.12.2018, Page 22

22 FRÉTTIRErlent
MORGUNBLAÐIÐ MÁNUDAGUR 24. DESEMBER 2018
Suðurlandsbraut 26 Sími: 587 2700
Opið: 11-18 virka daga, 11-16 laugardaga www.alno.is
Lilja Hrund Ava Lúðvíksdóttir
liljahrund@mbl.is
Yfir 220 manns létust og hátt í 900
manns slösuðust þegar flóðbylgja
skall á ströndum eyjanna Jövu og
Súmötru í Indónesíu um klukkan
hálftíu að staðartíma sl. laugardags-
kvöld. Að minnsta kosti 28 er enn
saknað og þykir líklegt að tala lát-
inna eigi eftir að hækka enn frekar.
Eftir því sem fram kemur á
fréttavef BBC telja yfirvöld í
Indónesíu að fljóðbylgjuna megi
rekja til Anak Krakatau-eldfjallsins
sem hefur
gosið með hléum allt árið og olli
líklega eldsumbrotum neðansjávar.
Þá hafa yfirvöld varað við hættu á
frekari flóðbylgjum á svæðinu.
Að sögn upplýsingafulltrúa utan-
ríkisráðuneytisins á Íslandi hafa
engir Íslendingar óskað eftir aðstoð
vegna hamfaranna.
Hundruð bygginga og mannvirkja
á strandlengjum eyjanna urðu flóð-
bylgjunni að bráð og er eyðileggingin
gríðarleg. „Hér er brak sem þekur
jörðina, kramdir bílar, kramin vélhjól,
við erum að horfa á byggingar
hrynja,“ sagði starfsmaður Rauða
krossins á svæðinu í samtali við BBC.
Þá sagði annað vitni að tré, gámar,
bílar og önnur farartæki hefðu borist
meira en 10 metra með flóðbylgjunni.
Að sögn talsmanns hamfarar-
stjórnunar indónesíska stjórnvalda
hafa að minnsta kosti 556 íbúðarhús,
níu gistihús, 60 matarvagnar og 350
bátar orðið fyrir tjóni.
Flóðbylgjur ekki óalgengar
Sökum landfræðilegrar staðsetn-
ingar Indónesíu er mikið um eldvirkni
og jarðhræringar. Eru flóðbylgjur því
ekki fátíðar. Í september létust yfir
2.000 manns þegar kraftmikill jarð-
skjálfti rétt utan við eyjuna Sulawesi
olli gríðarstórri flóðbylgju og í desem-
ber 2004 létust hátt í 228.000 manns,
flestir í Indónesíu, eftir að skjálfti í
Indlandshafi olli flóðbylgjum sem
náðu til alls 13 landa á svæðinu.
Viðvörunarkerfi í Indónesíu vara
almennt við flóðbylgjum sem orsak-
ast af jarðhræringum, en ekkert slíkt
kerfi fór af stað á laugardag.
Hörmungarnar voru ekki þær
fyrstu sem rekja má til Anak Kraka-
tau-eldfjallsins, en árið 1883 létust
30.000 manns sökum flóðbylgju sem
var talin vera bein afleiðing virkni
eldfjallsins.
Mikið mannfall eftir flóðbylgju
 Yfir 220 manns voru í gær sagðir látnir eftir flóðbylgju sem skall á eyjarnar Jövu og Súmötru í
Indónesíu  Hátt í 900 manns eru slasaðir og líklegt þykir að tala látinna eigi eftir að hækka frekar
AFP
Hamfarasvæði Mannskaði og tjón sökum flóðbylgjunnar er gríðarlegt.
Náttúruhamfarir í
Indónesíu tíðar á árinu
» Fjölmargra er enn saknað
eftir hamfarirnar og leita ást-
vinir þeirra.
» Stjórnvöld telja aðra flóð-
bylgju ekki útilokaða og hvetja
fólk á svæðinu til að halda sig
frá ströndum eyjanna tveggja.
» Nokkur þúsund manns hafa
látist á árinu vegna jarðhrær-
inga og flóðbylgja.
Yfir 80.000 Japanir vottuðu keisara
sínum Akihito virðingu sína í gær
þegar hann flutti sitt síðasta afmæl-
isávarp fyrir afsögn sína í apríl nk.
Í ræðu sinni sagðist keisarinn
þakklátur fyrir stríðslausa valdatíð
og undirstrikaði mikilvægi þess að
Japanir öxluðu ábyrgð á gjörðum
sínum í síðari heimsstyrjöld. Aki-
hito er fyrsti keisarinn í tæplega
200 ár til að afsala sér japönsku
krúnunni. Við fráhvarf hans tekur
elsti sonur hans Naruhito við emb-
ætti Japanskeisara.
Japanskeisari
kveður þjóð sína
JAPAN
AFP
Bless Akihito og keisaraynjan Michiko.
Á markaði einum í þorpinu Kumarikata á
Indlandi mátti í gær sjá tvo götusala sem sér-
hæfa sig í sölu á rottukjöti. Vaktina standa þeir
félagar í viku hverri og greinir fréttaveita AFP
frá því að þeir hafi jafnan í nógu að snúast.
Rottuna selja þeir á tæpar 300 krónur stykkið og
eru þær, að sögn þeirra sem vel þekkja til, á
bragðið eins og svínakjöt. Rottukjötið er þó sagt
vera meyrara en svínið.
AFP
Selja rottur á götumarkaði í viku hverri
Donald Trump,
Bandaríkja-
forseti, er sagður
hafa óskað eftir
því við ríkisstjórn
sína að hún veiti
honum leyfi til að
reka Jerome
Powell seðla-
bankastjóra eftir
að stýrivextir
voru hækkaðir
þar vestra í síðustu viku. Trump er í
fréttum CNN og Bloomberg sagður
hafa orðið ævareiður þegar ákvörð-
unin var tekin, en Powell gaf það til
kynna að vextir gætu hækkað tvisv-
ar sinnum til viðbótar árið 2019.
Steven Mnuchin fjármálaráðherra
er sagður hafa lagst gegn því að Po-
well yrði rekinn. Í færslu Trumps á
Twitter kveðst hann aldrei hafa haft
í hyggju að reka Powell.
„Ég lagði aldrei til að Jay Powell
seðlabankastjóri yrði rekinn. Ég
held ég hafi ekki einu sinni rétt til að
gera það,“ skrifaði Trump.
AFP segir hugsanlega brottvikn-
ingu Powells geta haft neikvæð áhrif
á markaði verðbréfa þar í landi.
Ósáttur við
hækkanir
 Trump sagður hafa
viljað reka Powell
Jerome
Powell