Morgunblaðið - 24.12.2018, Page 6

6 FRÉTTIRInnlent
MORGUNBLAÐIÐ MÁNUDAGUR 24. DESEMBER 2018
Sigurður Bogi Sævarsson
sbs@mbl.is
„Boðskapur jólanna er von. Ekk-
ert orð fangar veruleika og boð-
skap jólanna betur. Jól boða ekki
bara von fyrir allan heiminn, von
um eitthvað annað og betra, þrátt
fyrir öll þau vandamál og allar
þær hættur sem blasa við í veröld-
inni í dag - og virðast vera allt að
því óyfirstíganlegar - heldur einn-
ig von fyrir mig, þrátt fyrir mis-
bresti mína og vankanta. Raun-
verulega von fyrir alla.“ segir sr.
Gunnar Jóhannsson sóknar-
prestur í Hveragerði.
Eins og í öðrum byggðum
landins verður messað í Hvera-
gerðiskirkju um hátíðarnar sem
og á Kotströnd í Ölfusi, en séra
Gunnar þjónar í báðum kirkj-
unum. Hann kom til starfa fyrir
austan fjall í september síðast-
liðnum og segist það forréttindi á
allan hátt að fá að starfa þar.
Í lopapeysu með úfið hár
„Það tekur tíma að kynnast
nýjum bæ og nýju samfélagi en ég
reyni bara að vera ég sjálfur, í
lopapeysu og stundum með úfið
hár. Það finnst mér best, að fá að
vera ég með kostum mínum og
göllum, eins og aðrir. Mér hefur
verið afar vel tekið og mæti alls
staðar jákvæðni og velvild og fyrir
það er ég afskaplega þakklátur.
Samfélagið hér er gott og opið og
ég hef einstakt samstarfsfólk í
kringum mig,“ segir Gunnar. Áð-
ur bjó hann um fjögurra ára skeið
í Noregi ásamt fjölskyldu sinni og
starfaði sem sóknarprestur í
Ringebu í hinum fallega Guð-
brandsdal. Þar á undan var hann
sóknarprestur í rúman áratug í
Skagafirði.
„Árin mín fyrir norðan eru
ógleymanleg. Þar kynntist ég
kirkjunni sem hópi af venjulegu
fólki af öllu tagi. Það kenndi mér
að vera prestur.“
Friður handan við hornið
En aftur að boðskap jólanna,
hátíðarinnar þegar fæðingu frels-
arans er fagnað – sem helst í
hendur við að daginn er nú farið
að lengja.
„Guð er orðin hluti af sögunni
sem er líf okkar allra. Ef maður
gerir sér raunverulega grein fyrir
því hvað og hver Guð er þá byrjar
maður að átta sig á því hversu
stóra frétt og ótrúlegan boðskap
jólin fela í sér. Guð, orsök og upp-
spretta lífsins, er ekki fjarlægur
og afskiptalaus. Honum stendur
ekki á sama um mig, um okkur,
um líf okkar, og þann vanda sem
er fólgin í því að vera manneskja.
Þvert á móti,“ segir sr. Gunnar og
heldur áfram:
„Jólin segja okkur að raun-
verulegur friður er mögulegur og
handan við hornið. Fæðing Jesú,
koma Guðs inn í þennan brotna
heim, er leið Guðs til þess byggja
hann upp að nýju, til þess að rétt
okkur hönd sína og gera kærleika
sinn til okkar áþreifanlegan. Frið-
ur við Guð, samfélag við Guð, líf
með Guði! Hér og nú. Og ef við
finnum frið í Guði og líf með hon-
um, þá getum við líka skapað frið
okkar á milli, við annað fólk.“
Efi getur opnað dyr
Hið nútímalega vestræna
samfélag einkennist í vaxandi
mæli af vantrú og efa, einstakl-
ings- og afstæðishyggju, segir sr.
Gunnar sem telur hugsunarhátt-
inn sem mótar hinn nútímalega
mann sífellt lokaðri fyrir því að
eitthvað geti verið til umfram
dautt efnið.
„Menningin og umhverfið
þjálfar okkur snemma í að sjá ekk-
ert handan þess, að trúa ekki á hið
yfirnáttúrulega. Þeir þröskuldar
sem þarf að yfirstíga í dag til þess
að trúa á veruleika jólanna eru
stórir. En það er hægt. María og
Jósef voru hugsi yfir því sem gerð-
ist. Þau efuðust, þau hugsuðu,
spurðu og beittu skynsemi sinni –
rétt eins og við verðum að gera í
dag. Efi getur líka opnað dyr, opn-
að á möguleikana,“ segir sr. sem
Gunnar telur að kirkjan verði að
halda sig við boðskapinn ella verði
hún fljótt mállaus og týnd:
„Kirkja sem byggir tilveru
sína á orðum og gjörðum Jesú
Krists á að vera virk í þjóðfélag-
inu og láta sig varða það sem
varðar fólk, í stóru og smáu.
Kirkjan á að tala fyrir kærleika
Guðs, réttlæti hans, fyrirgefningu
og friði. En það er ekki nóg að
segja að kirkjan eigi að vera virk
og lifandi í samfélaginu; samfél-
agið, fólk, verður að vera virkt í
kirkjunni.“
Svör við öllum spurningum
Um jólin breytir tilveran um
takt og ró og helgi færist yfir allt,
hátíðleiki sem sr. Gunnar segir að
flestum sé kærkomin. „Ég held að
fæstir lifi lífinu staðfastlega í því
ljósi að ekki sé meira fólgið í sögu
lífsins en það sem hægt er að tjá í
formúlum vísindanna. Áskor-
anirnar sem maðurinn mætir eru
slíkar að við þurfum mótvægi og
athvarf og það finnum við hvert
og eitt þó með ólíkum hætti sé. Á
bak við hverja lífsskoðun er að
finna svör okkar við hinum stóru
spurningum um uppruna, gildi,
merkingu og tilgang tilverunnar.
Og í jólunum, í vonarboðskap
kristinnar trúar, mætast svörin
við öllum þessum spurningum.“
Jólahátíðin er stórfrétt sem felur í sér ótrúlegan boðskap
Morgunblaðið/Sigurður Bogi
Hveragerði Eins og víða í byggðum landsins stendur kirkjan hátt og setur sterkan svip á allt umhverfi sitt.
Raunveruleg von allra
 Gunnar Jóhannesson fædd-
ist árið 1977. Hann lauk emb-
ættis- og meistaraprófi í guð-
fræði með áherslu á trúar-
heimspeki.
 Hefur starfað sem sóknar-
prestur frá árinu 2004, fyrst í
Hofsós- og Hólaprestakalli í
Skagafirði, þar næst í Suður-
Guðbrandsdalsprófastsdæmi í
Hamarsbiskupsdæmi í Noregi
og nú í Hveragerðisprestakalli.
Hver er hann?
Morgunblaðið/Hari
Prestur „Kirkja sem byggir tilveru sína á orðum og gjörðum Jesú
Krists á að vera virk í þjóðfélaginu, segir sr. Gunnar í viðtalinu.
Félagsþjónusta Seltjarnarnesbæjar
hættir niðurgreiðslu á heimsending-
argjaldi máltíða fyrir eldri borgara
bæjarins eftir áramót, auk þess sem
gjald fyrir hverja máltíð hækkar.
Verð fyrir hverja máltíð hækkar úr
945 krónum í 1.215 krónur. Þá bæt-
ist 200 króna heimsendingargjald
við, sem áður var niðurgreitt af
bænum. Heimsend máltíð mun því
kosta 1.415 krónur hjá bænum en
til samanburðar mun heimsend mál-
tíð frá Reykjavíkurborg kosta 940
krónur eftir áramót.
Ásgerður Halldórsdóttir, bæjar-
stjóri Seltjarnarness, segir að
niðurgreiðslu heimsendingar sé
hætt til að gæta jafnræðis milli
eldri borgara bæjarins, auk þess
sem fáir nýti sér heimsendingar-
þjónustuna.
„Tekin var ákvörðun um að gæta
jafnræðis milli allra eldri borgara á
Seltjarnarnesi þannig að við værum
ekki að niðurgreiða mat til þeirra
sem óska eftir því að fá heimsendan
mat, frekar en þeirra sem fá ekki
heimsendan mat.“
Hin nýja gjaldskrá hefur ekki
verið birt á vef Seltjarnarness en
íbúar hafa verið upplýstir um breyt-
ingarnar fyrirhuguðu. Snorri Aðal-
steinsson, félagsmálastjóri Sel-
tjarnarness, segir að gjaldskráin
taki gildi 1. janúar 2019.
Verð á hverri máltíð hækkar eftir
áramót hjá Reykjavíkurborg og Sel-
tjarnarnesi en talsmenn sveitarfé-
laganna beggja segja að hækkunina
megi rekja til vísitöluhækkana.
Ný gjaldskrá tekur gildi hjá
Reykjavíkurborg eftir áramót en
samkvæmt henni munu eldri borg-
arar Reykjavíkurborgar greiða 730
krónur í stað 710 króna fyrir hverja
máltíð en 210 krónur í stað 205
króna bætast við fyrir heimsend-
ingu.
Hætt að niðurgreiða
heimsendingu matar
 Rukka 200 krónur fyrir heimsendingu
Morgunblaðið/Golli
Seltjarnarnes Eldri borgarar munu greiða fyrir heimsendingu matar.
TANGARHÖFÐA 13
577 1313 - kistufell.com
BIFREIÐAVERKSTÆÐIÐ
Tímamót?
Á tímamótum
er gott að skipta
um tímakeðju
og tímareim
Afsláttur
í desember
20% afsláttur
af tímareimasettum
og tímakeðjusettum
10% afsláttur
af vinnu við tímareima-
og keðjuskipti
ingafulltrúi utanríkisráðuneytisins.
Hann segir að í ráðuneytinu hafi áð-
ur verið starfsmenn sem hafi liðsfor-
ingjamenntun.
„Þetta er talinn góður bakgrunnur
á skrifstofu varnarmála þar sem
fjallað er um þessi mál. Ísland ber
ábyrgð á sínum vörnum í dag og þó
að við séum herlaust ríki skiptir máli
að það sé góð þekking á málaflokkn-
um innan ráðuneytisins,“ segir hann
og ítrekar að um borgaralega stöðu
sé að ræða.
Einnig eru í auglýsingunni taldir
upp góðir kostir á borð við reynslu
og þekkingu innan vébanda NATO,
reynslu og þekkingu á starfi Friðar-
gæslu Íslands og góð kunnátta í ís-
lensku, ensku og frönsku. jbe@mbl.is
Utanríkisráðuneytið auglýsir nú eft-
ir starfsmanni með liðsforingja-
menntun frá viðurkenndum varnar-
málaháskóla. Starfið sem um ræðir
er staða borgaralegs varnarmálafull-
trúa sem mun sinna störfum á sviði
öryggis- og varnarmála.
Helstu verkefni varnarmála-
fulltrúa eru meðal annars skipulagn-
ing og framkvæmd varnaráætlana,
varnaræfinga og varnarmannvirkja,
upplýsinga- og gagnaöflun, og grein-
ing og ritun minnisblaða.
„Þetta er ekki nýtt af nálinni, það
hefur verið starfandi varnarmála-
fulltrúi í ráðuneytinu frá árinu 1985.
Þarna er um nýliðun að ræða en ekki
stefnubreytingu eða nýbreytni,“
segir Sveinn Guðmarsson, upplýs-
Leita að liðsforingja
fyrir ráðuneytið
 Tekur til öryggis- og varnarmála