Náttúrufræðingurinn - 2018, Qupperneq 4

Náttúrufræðingurinn
84
góðri aðsókn að viðburðum á borð
við Umhverfisþing ásamt ýmsum ráð-
stefnum og málþingum sem tengjast
náttúru- og umhverfismálum. Það
að tekist sé á um málefni náttúr-
unnar bendir til þess að fólki standi
ekki á sama, að náttúran sé mönnum
hugleikin og að hana beri að vernda.
Fólk hefur áhyggjur af framtíð mála
og þrátt fyrir mikið flæði upplýsinga
er erfitt fyrir flesta að greina rétt frá
röngu þegar fjallað er um mikilvæg
málefni í fjölmiðlum. Ég tek heils-
hugar undir orð Droplaugar Ólafs-
dóttur, formanns ritstjórnar, í leiðara
frá fyrra ári þar sem hún brýnir fyrir
lesendum mikilvægi þess að miðlun
náttúrufræða til íslensks almenn-
ings sé á íslensku. Aðeins þannig sé
stuðlað að vísindalæsi almennings
gagnvart brýnum málefnum, svo sem
loftslagsbreytingum, mengun og nýt-
ingu náttúruauðlinda. Gera þarf átak
í að efla fræðimenn og áhugasaman
almenning til dáða og hvetja þá til að
senda efni í ritið. Háskólar og opin-
berar stofnanir ættu að leggja aukna
áherslu á að fræðimenn á þeirra
vegum birti umfjöllun um niður-
stöður rannsókna sinna á íslensku og
þar á tímaritið Náttúrufræðingurinn
að vera fyrsta val.
Fyrsta starfsár mitt sem formaður
Hins íslenska náttúrufræðifélags fer
senn að renna sitt skeið. Starfið hefur
að mestu verið með hefðbundnum
hætti. Við vinnum samkvæmt upphaf-
legum markmiðum: Að miðla fræðslu
fyrir almenning um náttúru Íslands, að
efla vitund og þekkingu landsmanna á
náttúrufræðum og stuðla að náttúru-
vernd. Félagar urðu þó varir við nokkra
breytingu dagskrár í haust leið. Hefð-
bundið fræðsluerindi féll niður en
þess í stað var félögum boðið að heim-
sækja nýopnaða sýningu Náttúru-
minjasafnsins, Vatnið í náttúru íslands
í Perlunni. Hilmar Malmquist og Álf-
heiður Ingadóttir veittu leiðsögn og
svöruðu spurningum og í lokin var
boðið upp á veitingar. Góð mæting var
á viðburðinn og félagar höfðu gaman
af að hittast og ræða málin á þessum
vettvangi. Í vetur stefnum við á að
halda málþing um stöðu þekkingar á
málefnum sem eru í brennidepli og í
vor ætlum við saman í upplifunar- og
fræðsluferð á vegum félagsins. Þess
á milli verða hefðbundin erindi síð-
degis á mánudögum í Öskju, nátt-
úrufræðahúsi Háskóla Íslands. Þessir
viðburðir og aðrir verða kynntir á
vefsetri félagsins, með fjölpósti og
á samfélagsmiðlum.
Stjórn hefur þó ekki farið varhluta
af þeim erfiðleikum sem ritstjórnin
stendur frammi fyrir og Droplaug
drap á í áðurnefndum leiðara. Það
verður sífellt erfiðara að útvega
fyrirlesara og fá fólk til að mæta á
fræðsluerindi félagsins. Nú köllum
við eftir aukinni þátttöku félaga til að
efla félagið og starfsemi þess. Til þess
verður að finna nýjar leiðir og nýta
samfélagsmiðla sem ná til sem flestra.
Félagið er áhugamannafélag, opið
fyrir alla, og félagsmenn ættu bein-
línis að kalla eftir efni sem þeir vilja
að fjallað sé um á okkar vettvangi. Er
þess vænst að lærðir og leikir bregðist
við, hvetji aðra til að ganga í félagið
og gerist virkir þátttakendur í að efla
þekkingu og vitund hver annars í mál-
efnum náttúrunnar. Ef fólk velur eða
vinnur efnið sjálft verður líklegra að
það kynni sitt framlag fyrir öðrum.
Þannig dreifist þekkingin víðar og
líkur aukast á að náð verði metnaðar-
fullum markmiðum frumkvöðlanna
fyrir 130 árum.
Ester Rut Unnsteinsdóttir
formaður Hins íslenska
náttúrufræðifélags
Um fimm hundruð gestir voru við opnun sýningar Náttúruminjasafnsins í Perlunni 1. desember 2018. Ljósm. Viktor Richardsson.