Morgunblaðið - 20.02.2019, Blaðsíða 29

DÆGRADVÖL 29
MORGUNBLAÐIÐ MIÐVIKUDAGUR 20. FEBRÚAR 2019
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.
Stjörnuspá
21. mars - 19. apríl 
Hrútur Fáein skynsamleg orð hjálpa fjöl-
skyldumeðlimum við að halda sig við sam-
eiginlega stefnu. Maki þinn á von á góðum
fréttum.
20. apríl - 20. maí 
Naut Ef þú átt í útistöðum við einhvern
skaltu hafa hugfast að sá vægir sem vitið
hefur meira. Láttu það eftir þér að taka
nokkurra daga frí.
21. maí - 20. júní 
Tvíburar Þú þarft ekki að vaða yfir allt og
alla til að koma málstað þínum á framfæri.
Taktu þér tak og láttu af öllu sem getur
hindrað þig í að ná árangri.
21. júní - 22. júlí 
Krabbi Hugmyndir þurfa tíma til þess að
gerjast og skjóta því upp kolli þegar minnst
varir. Haltu bara þínu striki og þá þagna öf-
undarmenn þínir.
23. júlí - 22. ágúst 
Ljón Sköpunarkraftur þinn er mikill um
þessar mundir jafnvel svo að þú átt erfitt
með að velja og hafna. Mundu að æ sér
gjöf til gjalda.
23. ágúst - 22. sept. 
Meyja Ekki örvænta þó þér finnist þú ekki
eiga næga peninga til að láta drauma þína
rætast. Hlutir koma til þín þegar þeir eiga
að gera það.
23. sept. - 22. okt. 
Vog Þér hættir til að taka sjálfa/n þig of
hátíðlega. Rómantíkin svífur yfir vötnum
þessa mánuðina. Mundu bara að einn dag-
inn þarftu að lenda á jörðinni.
23. okt. - 21. nóv.
Sporðdreki Byrjaðu á því að koma skipu-
lagi á eigur þínar. Losaðu þig við hluti sem
bara taka pláss og þú finnur mun á líð-
aninni. Gríptu í bók við tækifæri.
22. nóv. - 21. des.

Bogmaður Þú býrð yfir mikilli orku í dag
og getur framkvæmt það sem þú vilt.
Dragðu djúpt andann og snúðu málunum
þér í hag.
22. des. - 19. janúar 
Steingeit Þú hefur beðið eftir að nokkrar
lagfæringar verði gerðar og nú eru þær í
höfn – og hefðu mátt vera fyrr á ferðinni.
Margir leita langt yfir skammt í leit að ást-
inni.
20. jan. - 18. febr. 
Vatnsberi Þú getur haft þínar skoðanir en
skalt ekki búast við að aðrir skilji þær. Lífið
er núna, ekki bíða eftir að hlutirnir breytist.
Breyttu þeim sjálf/ur.
19. feb. - 20. mars

Fiskar Varastu ódýrar lausnir sem halda
ekki við nánari skoðun. Þér verður trúað
fyrir leyndarmáli sem á eftir að hrista upp í
vinahópnum.
Ævisaga séra Árna Þórarins-sonar er ein þeirra bóka,
sem ég gríp hvað oftast niður í. Í
„Fögru mannlífi“ segir hann frá Ei-
ríki Vigfússyni hreppstjóra Skeiða-
manna. Hann bjó að Reykjum, var
hagorður og mælti stundum stökur
af munni fram. Þessa vísu kvað
hann, þegar hann fór að grafa mur-
ur og harðasægjur með dætrum
sínum á góuþrælinn, en þá var hart
í búi:
Á góuþrælinn gekk ég fyrst að grafa
rætur
út með mínar allar dætur,
óspjallaðar heimasætur.
Síðari kona Eiríks var Guðrún
dóttir Kolbeins prests Þorsteins-
sonar en um hana kvað hann hina
nafnkunnu Gilsbakkaþulu. Ein-
hverju sinni sat Guðrún inni í stofu
undir stálpuðu barni á Ólafsvöllum.
Þá kom hvolpafull tík inn í stofuna
og barnið spurði: „Hvenær á tíkin
að bera?“
Guðrún svarar: „Þú átt ekki að
segja að bera um tíkina, elskan mín,
heldur að leggja, og mælir svo af
munni fram:
Konan fæðir, kýr og ærin bera,
kastar fyli kapalhró,
köttur og tíkin leggja þó.
Fuglar verpa, fiskar hrognum gjóta,
pöddur kvikna, grasið grær.
Guð því vöxtinn öllu ljær.
Jóhann S. Hannesson orti:
Hann átti að kjósa um keldu
eða krók, en af því menn héldu
kunni hann málsháttinn skakkt
eða öfugt. Sem sagt
hann er sokkinn, ef allt er með felldu.
Menn hafa löngum haft áhyggjur
af móðurmálinu. Þetta er framlag
Jóhanns til greinargerðar með
þingsályktunartillögu um íslensku-
kennslu í hljóðvarpi og sjónvarpi:
Í orðfæri íslenskra barna
er enskan að verða að kjarna;
því vill Alþingi telja
að nú verði að velja
milli „Vá! “ og „Hvað er að tarna!“
Hér er „vætuhrollur“ í Jóni Þor-
steinssyni á Arnarvatni:
Hlúa lítt að himnabeð
hríðar gráu tjöldin,
veslings loftið vagar með
vætuhroll á kvöldin.
Árið 1985 fór Kristín Halldórs-
dóttir með þessa stöku Steingríms í
Nesi í ræðu sinni í sameinuðu þingi:
Varla er hægt upp úr vaðlinum hér
vitinu höfuð að teygja.
Algengust heimska í heiminum er
að hafa ekki vit á að þegja.
halldorblondal@simnet.is
Vísnahorn
Af séra Árna og
orðfæri barna
„þetta lítur frískandi út og ég er
þyrstur. Ég vildi bara óska aÐ ég
hefÐi hærri risnu.”
„kássan er ónýt. þú sagÐist myndu
koma heim á síÐASTLIÐNU ári.”
Ferdinand
Hrólfur hræðilegi
Grettir
... að tuttugu árum og
tuttugu kílóum síðar er
hann enn myndarlegur.
Í klípu eftir Mike Baldwin eftir Jim UngerHermann
ÞAÐ ER SYND AÐ ÞÚ EIGIR ENGAN
ANNAN TIL ÞESS AÐ HANGSA MEÐ
HVAÐ? NEI, HANN VAR AÐ
TALA VIÐ MIG
MIKIÐ ER ÉG GLAÐUR AÐ ÉG ER
EKKI LENGUR Í SKÓLA! ÞAÐ VAR LEIÐINLEGASTA ÁR LÍFS MÍNS!
LÍMONAÐI 100 KR.
Það vakti athygli Víkverja þegarhann las frétt í liðinni viku um
að suðurkóreska körfubolta-
sambandið hefði ákveðið að aflétta
hæðartakmörkunum í körfubolta.
Sambandið ákvað í fyrra að leggja
bann við því að körfuknattleikslið
mættu fá til sín erlenda leikmenn,
sem væru yfir tveimur metrum á
hæð. Var það rökstutt með því að þá
fengju heimaræktaðir leikmenn,
sem ekki væru háir í loftinu, meiri
tækifæri til að njóta sín.
x x x
Reyndar er reglan núna þannig aðlið í Kóreu mega vera með tvo
erlenda leikmenn. Annar þeirra má
ekki vera hærri en tveir metrar eins
og áður sagði og hinn ekki hærri en
1,86 metrar. Þegar hún var sett bár-
ust fréttir af því að leikmenn hefðu
beitt ýmsum brögðum í þeirri von að
þeir myndu skreppa saman með ein-
hverjum hætti. Munu þeir hafa
reynt að lyfta þungum lóðum og
hlaupa þar til þeir voru að niður-
lotum komnir í þeirri trú að vökva-
tapið hefði áhrif á mælinguna. Ekki
fer sögum af því að þessi ráð hafi
hjálpað.
x x x
Ákvörðunin vakti mikla reiði aðdá-enda íþróttarinnar og þó sér-
staklega þess íþróttamanns, sem
vinsælastur hafði verið leiktíðina áð-
ur en hæðartakmarkanirnar tóku
gildi. Hann heitir David Simon og
mun mælast 2,01 m. Það munaði því
ekki miklu hjá honum. Suður-Kórea
er ekki einsdæmi í þessum efnum. Á
Filippseyjum gilda einnig hæðar-
takmörk á útlendinga. Í einni deild
er hámarkið 2,08 og annarri 1,96.
x x x
Hæðin skiptir miklu máli í körfu-bolta og er um leið sá þáttur
sem leikmenn geta minnst áhrif haft
á. Það er hægt að auka stökkkraft og
hraða, æfa skot og boltameðferð, en
það er ekki hægt að æfa hæð þótt
vissulega sé hægt að æfa sig í að
nýta hana. Hér er mikið rætt um það
hvort innlendir leikmenn fengju
fleiri tækifæri til að blómstra ef er-
lendir leikmenn væru færri, en enn
hefur enginn fengið hugmyndina um
hæðarmörk. vikverji@mbl.is
Víkverji
Því að ég, Drottinn, er Guð þinn, ég
held í hægri hönd þína og segi við þig:
„Óttast eigi, ég bjarga þér
(Jesaja 41.13)