Morgunblaðið - 25.02.2019, Side 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 25. FEBRÚAR 2019
Ármúla 26 | 108 Reykjavík | Sími 578 4400 | heimilioghugmyndir.is
25. febrúar 2019
Gengi Kaup Sala Mið
Dollari 119.39 119.95 119.67
Sterlingspund 155.38 156.14 155.76
Kanadadalur 90.29 90.81 90.55
Dönsk króna 18.132 18.238 18.185
Norsk króna 13.839 13.921 13.88
Sænsk króna 12.753 12.827 12.79
Svissn. franki 119.22 119.88 119.55
Japanskt jen 1.0763 1.0825 1.0794
SDR 166.05 167.03 166.54
Evra 135.32 136.08 135.7
Meðalgengi/Viðskiptavog þröng 165.3232
Hrávöruverð
Gull 1335.05 ($/únsa)
Ál 1857.5 ($/tonn) LME
Hráolía 66.96 ($/fatið) Brent
Skannaðu kóð-
ann til að sjá
gengið eins og
það er núna á
● Kínverski fjarskiptarisinn Huawei
kynnti í gær síma með samanbrjótan-
legum skjá, aðeins fjórum dögum eftir
að Samsung sýndi síma með sömu
eiginleikum.
Síminn, Mate X, styðst við þráðlausa
fimmtu kynslóðar farsímatækni sem
verið er að virkja til notkunar um heim
allan, að sögn Richards Yus, forstjóra
Huawei.
„Verkfræðingar okkar unnu að þróun
þessa skjás í rúm fjögur ár,“ sagði hann
við kynningu símans í Barcelona í gær,
en þar hefst í dag fjögurra daga al-
þjóðleg farsímatæknisýning.
Síminn kemur á markað á miðju ári
og verðmiðinn á honum í Evrópu er
2.299 evrur, jafnvirði um 312 þúsund
króna. Yu játti á blaðamannafundinum
að síminn væri „rándýr“ og sagði fyrir-
tækið vinna að því að ná verðinu niður.
agas@mbl.is
Fjarskiptarisinn kínverski Huawei kynnir 5G-síma
Mate X Er með samanbrjótanlegum skjá
og kemur á markað á miðju ári.
AFP
STUTT
Ágúst Ásgeirsson
agas@mbl.is
„Okkar aðkoma að þessu máli er sú
að sprotafyrirtækið Flygildi kom
að máli við okkur og óskaði eftir
samstarfi við þróun hins nýstárlega
fuglsdróna, sem hugsaður er m.a.
sem vopn í baráttu við fugla á flug-
völlum. Það er mikilvægt viðfangs-
efni hjá okkur og reyndar úti um
allan heim, að fæla fugla frá flug-
völlum.“
Þannig mælir Ingólfur Gissurar-
son, flugvallarstjóri á Reykjavíkur-
flugvelli, við Morgunblaðið, en í
ViðskiptaMogganum sl. fimmtudag
var fjallað um sprotafyrirtækið
Flygildi, sem hannar svonefndan
fuglsdróna og hefur tryggt sér tug-
milljóna fjárfestingu til þess að
hefja markaðssókn með hann er-
lendis.
Ingólfur segir að með fjöl-
breyttri dýralífsstjórnun hafi fugl
verið fældur frá Reykjavíkurflug-
velli sem öðrum flugvöllum. Liður í
því hafi verið að gera búsvæðið
óaðlaðandi fyrir fuglinn. Alls konar
aðferðum hafi verið beitt. Notaðar
hafi verið ýlur, púðurskot, hljóð-
merki, hundar og fálkar svo nokk-
uð sé nefnt. „Með fuglsdrónanum
óvenjulega er verið að líkja eftir
ránfugli og hægt verður að fjar-
stýra honum. Erfitt geti verið að
brúka dýr við fælinguna því þau
eru nokkuð sjálfstæð og fara
kannski annað en menn vilja“.
Flygildi hins samnefnda fyrir-
tækis er enn á þróunarstigi og seg-
ir Ingólfur Reykjavíkurflugvöll
koma að málinu þegar farið verði
að prófa það. „Að því er stefnt í
sumar eða haust og við munum
bjóða þeim alla þá aðstöðu sem
þeir þurfa, þeim að kostnaðarlausu.
Reykjavíkurflugvöllur er þannig í
sveit settur nálægt Tjörninni að
þar er mikið fuglalíf sem við erum
stöðugt að reyna að halda frá vell-
inum svo þeir ógni ekki flugi flug-
véla. Með þessari viðbót má segja
að við séum að efla varnirnar enn
frekar,“ segir Ingólfur.
Hann bætir því við að með grein-
ingu á fuglum við Reykjavíkurflug-
völl og hegðan á grundvelli búsetu-
stjórnar liggi fyrir vitneskja um
hvað sé að gerast á vallarsvæðinu.
„Með búsetustjórninni getum við
síðan greint hvort fuglsdróninn
hefur áhrif eða ekki. Af því að við
þekkjum atferli dýranna í kringum
flugvöllinn sjáum við hvort þessi
viðbót hefur áhrif eða ekki – og
það hjálpar til við þróun drónans.“
Spurður hvort fuglar á og við
flugvelli séu mikið vandamál er
Ingólfur skjótur til svars. „Já, það
er svo. Við höfum kannski sloppið
blessunarlega vel miðað við að ár-
lega verður milljarða tjón á flug-
völlum úti um allan heim vegna
fugla sem rekast á flugvélar. Þetta
er mikið vandamál. Hér á Reykja-
víkurflugvelli hefur ekki orðið tjón
vegna fugla um árabil en þó eru
dæmi um atvik þar sem fugl hefur
farið í flugvélar á flugi. Okkur hef-
ur tekist mjög vel með fjölbreyttri
fælingu að halda hættunni niðri.“
Spurður hvenær flugvélum sé
mest hætta búin af fuglum segir
Ingólfur hana langmesta þegar
nýjar flugvélar koma inn til lend-
ingar. „Fuglarnir þekkja hraða
véla sem lenda að staðaldri á vell-
inum. Svo kemur ný flugvél, með
nýjum hljóðum og á öðrum hraða,
þá er oftast meiri hætta á að
styggð komi að fuglinum. Við pöss-
um okkur á því að fæla ekki fugl-
inn rétt fyrir flugtak og lendingu
því betra er að hann sitji kyrr á
sínum stað en að fljúga upp,“ segir
Ingólfur.
Með eigin aðferðafræði, sem
samin var í samstarfi við yfirvöld,
njóta áætlunarflugvellir á Íslandi
ákveðinnar undanþágu til að fæla
fugl og fækka honum, sem Ingólfur
segir algjöra nauðsyn þegar fugl-
inn hætti að bregðast við fælingu.
Aðferðafræðin er í grófum dráttum
þessi; fyrst er reynt að beita bú-
svæðastjórnun, því næst er fuglinn
fældur og að lokum er gripið til
neyðaraðgerða að fækka einum og
einum fugli til að efla áhrif fæling-
arinnar.
„Fuglar eru stórgáfuð dýr. Þeir
vita nákvæmlega hvað er á ferðinni
og hvort þeir eigi að taka tillit til
þess eða ekki. Við höfum reynt
ýmislegt á þá, til dæmis loftbyssur.
Þeir fældust þær í fyrstu en færðu
sig svo bara undir byssurnar þar
sem þeir vissu að önnur dýr færu
ekki nærri þeim og þeir töldu sig
því hólpna þar. Við þekkjum hverja
einustu fuglategund á hverjum
velli fyrir sig, þekkjum athafnir
þeirra, sem breytast frá ári til árs
og við reynum að bregðast við til
að afstýra flughættu.“
Ingólfur segir að lokum, að þótt
atvikin séu fá og sjaldgæf sé alltaf
hætta fyrir hendi af fuglum á flug-
brautum og við þær. „Við reynum
alltaf að fæla fuglinn og koma hon-
um frá í stað þess að skjóta á hann.
Af honum stafar alltaf hætta sem
við verðum að bregðast við til að
tryggja öryggi. Gerum við ekki
neitt er voðinn vís.“
Fuglsdróni verður senn próf-
aður á Reykjavíkurflugvelli
Ljósmynd/flygildi.is
Fuglsdróni Flugprófanir með drónann hefjast í sumar eða haust á Reykjavíkurflugvelli.
Fjarstýrður
» Með fuglsdrónanum er verið
að líkja eftir ránfugli og hægt
verður að fjarstýra honum.
Erfitt getur verið að brúka lif-
andi dýr við fælinguna.
» Flygildi fær aðstöðu til próf-
unar og þróunar fuglsdrónans
á Reykjavíkurflugvelli í sumar
eða haust.
» Fuglarnir eru stórgáfuð dýr.
Þeir vita nákvæmlega hvað er
á ferðinni og hvort þeir eigi að
taka tillit til þess eða ekki.
 Efla varnirnar enn frekar gegn fuglalífi við Reykjavíkurflugvöll að sögn flugvallarstjóra
Viðskipti