Morgunblaðið - 18.03.2019, Blaðsíða 1

ÞRÓUN ÍMYNDAR
ÍSLENSKRAR
TÓNLISTARSENU
AÐSÓKNIN
ALLTAF AÐ
AUKAST
HAFÐI BEÐIÐ
LENGI EFTIR
TITLINUM
SKAPANDI FATAIÐN 12 AGNES ÍSLANDSMEISTARI ÍÞRÓTTIRÞORBJÖRG DAPHNE HALL 26
Sigurður Bogi Sævarsson
sbs@mbl.is
Bjarni Benediktsson, fjármála- og
efnahagsráðherra, er gagnrýninn í
garð sveitarstjórnarmanna og stjórn-
ar Sambands íslenskra sveitarfélaga
sem mótmælt hafa því að til standi að
skerða framlög til Jöfnunarsjóðs
sveitarfélaga um 3,3 milljarða á
næstu tveimur árum í ríkisfjármála-
áætlun fyrir árin 2020-2024. Þessi
viðbrögð sveitarstjórnarmanna séu
úr öllu samhengi og óskiljanleg og
óþarfa upphlaup af litlu tilefni.
Bjarni segir við Morgunblaðið í
dag að engin tillaga sé komin fram til
skerðingar heldur hafi möguleikinn á
því aðeins verið ræddur á vinnufundi.
Bjarni segir það með öllu óskiljanlegt
og úr öllu samhengi að hugmynd sem
nefnd sé á þeim vettvangi og sé ekki
komin fram setji öll fjárhagsleg sam-
skipti ríkis og sveitarfélaga í upp-
nám.
Bjarni segir ekkert óeðlilegt vera
við það að sveitarfélögin leggi eitt-
hvað af mörkum við kostnað vegna
þeirra aðgerða sem eru til umræðu
við aðila vinnumarkaðarins. Það sé
ríkið sem beri uppi hækkun atvinnu-
leysis- og barnabóta og lengingu fæð-
ingarorlofs. Að auki sé ríkið að kynna
skattalækkanir upp á 15 milljarða.
Allt séu þetta mikilvægar aðgerðir
fyrir framvindu mála á vinnumarkaði
og ríkið eitt sjái um að fjármagna
það. Þetta atriði milli ríkis og sveit-
arstjórnarmanna sé þó lítill höfuð-
verkur samanborið við óvissuþætti
sem ríkið glími við á borð við loðnu-
brest og vegna kjarasamninga.
Gagnrýnir óþarfa upphlaup
 Fjármála- og efnahagsráðherra er hissa á mótmælum sveitarstjórnarmanna
sem hann segir tilefnislítil  Hlaupið til eftir hugmynd sem rædd var á vinnufundi
M„Óþarfa upphlaup af litlu …“ »4
Snorri Másson
snorrim@mbl.is
Þorri allra félagsmanna ASÍ gæti
verið farinn í undirbúning verkfalls-
aðgerða á allra næstu dögum ef
sáttatilraunir reynast árangurslaus-
ar í dag og á morgun. Þeir skipta
mörgum tugum þúsunda og mynda
þannig stærstan hluta almenna
vinnumarkaðarins.
Forsvarsmenn Samiðnar segja
„ómögulegt að halda viðræðum
áfram.“ Iðnaðarmenn taka stöðuna í
dag en funda með Samtökum at-
vinnulífsins á morgun. Ef ekki koma
fram „nýjar hugmyndir“ frá SA í
tæka tíð fyrir það, segist Samiðn til-
neydd að lýsa yfir árangurslausum
viðræðum og í kjölfarið ráðast í und-
irbúning verkfallsaðgerða.
SGS býst við að slíta viðræðum
„Við erum að undirbúa okkar hópa
og þetta getur farið í báðar áttir,“
segir Hilmar Harðarson, formaður
Samiðnar. Hann segir bakslag hafa
komið í viðræðurnar fyrir helgi, að
SA hafi lagt fram kröfur sem Samiðn
fannst ganga of langt.
Fundur Starfsgreinasambandsins
við SA hjá ríkissáttasemjara í dag
verður að líkindum sagður árangurs-
laus, ef ekkert nýtt berst frá SA. Í
kjölfarið verður farið í að skoða
verkfallsaðgerðir. Björn Snæbjörns-
son, formaður SGS, sagðist í gær-
kvöld enga trú hafa á því að SA gæfi
eftir fyrir fundinn í dag.
Á fundi Framsýnar, einu aðildar-
félagi SGS, verður lagt til á morgun
að afturkalla samningsumboðið frá
SGS. Heimildir Morgunblaðsins
herma að fleiri félög gætu fylgt í
kjölfarið og tekið upp á því sama. »2
Kjaraviðræður á bláþræði
 Iðnaðarmenn segja ómögulegt að halda viðræðum áfram
Efnt var til stórtónleika í Eldborgarsal Hörpu í
gærkvöldi af því tilefni að Ragnar Bjarnason,
Raggi Bjarna, fagnar 85 ára afmæli á árinu
2019. Fjöldi listamanna kom fram og flutti lög
sem Raggi hefur gert ódauðleg í gegnum tíðina,
auk þess sem söngvarinn síungi tók að sjálfsögðu
sjálfur þátt í gleðinni. Meðal þeirra sem stigu á
svið með Ragga var Katrín Halldóra Sigurðar-
dóttir og sungu þau saman lagið My Way.
Hinn síungi gleðigjafi heiðraður með stórtónleikum
Morgunblaðið/Eggert
85 ára afmælistónleikar Ragga Bjarna
 Samþykkt var á bæjarráðsfundi
Hafnarfjarðarbæjar á föstudag að
hætta að annast ferðaþjónustu fatl-
aðra í samstarfi við Samtök sveitar-
félaga á höfuðborgarsvæðinu. Þess
í stað mun bærinn undirbúa útboð á
þjónustunni. Tillagan var samþykkt
með fjórum atkvæðum gegn einu
atkvæði fulltrúa Samfylkingar-
innar, en Rósa Guðbjartsdóttir,
bæjarstjóri Hafnarfjarðar, segir að
breið samstaða ríki meðal bæjar-
fulltrúa um málið. Samstarf
Hafnarfjarðarbæjar og SSH hófst
árið 2014 og segir Rósa að síðan þá
hafi kostnaður vegna ferðaþjónustu
fatlaðra aukist um helming. „Við
viljum hverfa aftur til fyrra horfs
og freista þess að færa þjónustuna
nær,“ sagði Rósa í samtali við
Morgunblaðið. »6
Hafnarfjörður dregur
úr samstarfi við SSH
„Sumir eru ekki tilbúnir að hætta að
drekka en þurfa samt heimaþjónustu.
Okkur hefur reynst best að mæta
fólki þar sem það er statt og reyna að
minnka skaðann sem einstaklingur-
inn veldur sjálfum sér og umhverfi
sínu. Við reynum að styðja fólk og
vinna traust þess frekar en að
skamma það,“ sagði Líney Úlfars-
dóttir, sálfræðingur hjá þjónustu-
miðstöð Laugardals og Hlíða. Hún og
Sigrún Ingvarsdóttir, félagsráðgjafi
og deildarstjóri, héldu erindi um fíkn
og þjónustu á vísindadegi Rannsókn-
arstofu HÍ og Landspítala í öldr-
unarfræðum þar sem fjallað var um
fíknivanda á meðal aldraðra.
Líney sagði að erfitt geti verið að
ná markmiðum heimaþjónustunnar
þegar skjólstæðingar misnotuðu lyf
eða áfengi. „Það er ekki alltaf ein-
staklingurinn sem fær þjónustuna
sem er vandamálið heldur óæskilegur
félagsskapur sem safnast að honum
þegar hann er í þessu ástandi.“
Dæmi eru um að starfsfólk heima-
þjónustunnar hafi ekki getað sinnt
starfi sínu vegna ástandsins og þá til-
kynnt það. Í einstaka tilfellum hefur
þjónustu verið hætt. »16
Heimaþjónusta og
áfengisvandamál
 Heimsleikar Special Olympics
hófust á fimmtudaginn og standa
nú yfir í Dubai og Abu Dhabi en þar
taka 38 Íslendingar þátt í 10
íþróttagreinum. Vel hefur gengið á
mótinu og tryggði karlalandsliðið í
knattspyrnu fatlaðra sér sæti í úr-
slitum mótsins með 3-0 sigri gegn
Írlandi á laugardag. Síðasti leikur-
inn liðsins í riðlinum er gegn Eist-
landi og fer fram í dag klukkan
hálfellefu.
Anna Karólína Vilhjálmsdóttir,
einn af fararstjórum íslenska hóps-
ins, segir keppnina þó síður en svo
snúast um verðlaun og árangur,
heldur frekar styrkingu sjálfs-
myndar keppenda. »13
Kapp Unnar Ingi keppir á Special Olympics
sem standa nú yfir í Dubai og Abu Dhabi.
Íslendingum gengur
vel á heimsleikunum
Stofnað 1913  65. tölublað  107. árgangur 
M Á N U D A G U R 1 8. M A R S 2 0 1 9