Morgunblaðið - 18.03.2019, Blaðsíða 12

12 DAGLEGT LÍF
MORGUNBLAÐIÐ MÁNUDAGUR 18. MARS 2019
FYRIR HÚÐ
OG HÁR
Omega3 SKIN er sérstaklega smíðuð
til að viðhalda heilbrigðri húð og gljáa.
Hylkin innihalda m.a. omega3 fitusýrurnar
EPA og DHA og sjávar kollagen.
www.lysilife.is
F
æ
st
í
a
p
ó
te
k
u
m
NÝ
TT FRÁ
LÝ
S
IF
Y
R
IR
H
ÚÐ OG H
Á
R
NÝTT
Sigurður Bogi Sævarsson
sbs@mbl.is
Gleðin í starfinu felst í því aðskapa eitthvað fallegt. Þaðer líka sagt að fötin skapimanninn og því felst
margt í þeim iðnum sem við kenn-
um,“ segir Bryndís Böðvarsdóttir,
kennari í fataiðn við Handverksskól-
ann – sem er einn af þeim undir-
skólum sem mynda Tækniskólann –
skóla atvinnulífsins. Fjölmenni sótti
námskynninguna Mín framtíð 2019
sem var í Laugardalshöll í Reykjavík
frá fimmtudegi til og með laugardegi.
Hátt í 200 ungmenni kepptu á hátíð-
inni um Íslandsmeistaratitil í sínu
fagi, en aðalmálið var kynning 33ja
skóla víða um land á hinum ýmsu
námsleiðum sem bjóðast. Þúsundir
nema úr grunnskólum, víða á land-
inu, mættu á svæðið.
Fleiri í fatanámið
Á Íslandi er rík hefð fyrir því að
ungmenni fari í bóknám og braut-
skráist með stúdentspróf. Reynt er
þó eftir megni að vekja áhuga ungs
fólks á möguleikunum sem bjóðast í
iðnnámi og víst eru tækifærin þar
mörg, hvort sem það er í trésmíði,
málmiðnum, matreiðslu, fiskvinnslu
og svo mætti áfram telja. Og svo eru
það handverkið og fötin sem margir
sýndu áhuga.
„Aðsóknin hefur verið að
aukast. Í fyrravetur voru um 30 nem-
ar hjá okkur á fataiðnbraut en eru
núna um 50. Við eigum hins vegar
talsvert í að ná því sem var fyrst eftir
hrun. Þá var mikil vakning fyrir
hverskonar handverki og skapandi
greinum og nemendurnir hátt í 120
talsins þegar best lét,“ segir Bryndís.
Fyrirkomulagið er þannig að
eftir tveggja ára nám geta nemar
brautskráðst sem fatatæknar. Eftir
það er hægt að halda áfram í sérnám
í klæðskurði og kjólasaum; nám sem
tekur önnur tvö ár. Að því loknu er
tekið sveinspróf sem veitir rétt til að
starfa í iðninni og einnig aðgang að
iðnmeistaranáminu.
„Krakkarnir sem koma inn í
fatatækninámið læra öll helstu
vinnubrögðin, fjölbreytta saum-
tækni, sniðagerð, efnisfræði og svo
framvegis. Í sjálfu sér er námsefnið
og vinnan tekin alveg frá grunni og
byggt jafnt og þétt ofan á það. Marg-
ir nemendur okkar hafa einhverja
undirstöðu úr saumaskap en það er
þó mjög misjafnt og alls ekki nauð-
synlegt. Allir eiga það sameiginlegt
að elska að skapa og vinna með hönd-
unum,“ segir Bryndís sem starfaði
við sniðagerð hjá 66° áður en hún
kom til starfa hjá Tækniskólanum. –
Hún segir að lokum:
Ósigrandi í gæðavinnu
„Eftir tveggja ára nám í fata-
tækni fara sumir nemenda okkar í
fatahönnunarnám, það er við Lista-
háskóla Íslands eða til útlanda. At-
vinnumögleikar þeirra sem klára
sérnámið í klæðskurði og kjólasaum
eru margir. Allt byggist þetta á út-
sjónarsemi fólks; eljunni við að skapa
sér störf, fara í eigin rekstur, sér-
saum, vinna við leikhúsin, á sauma-
stofum, hjá útivistarfyrirtækjum,
verslunum og svo mætti áfram telja.
Annars er innflutningurinn á fata-
markaði ráðandi og sé einvörðungu
tekið tillit til magns er íslensk fram-
leiðsla og handverk aldrei sam-
keppnisfært. Þegar kemur hins veg-
ar að gæðunum erum við bókstaflega
ósigrandi,“ segir Bryndís Böðvars-
dóttir.
Morgunblaðið/Eggert
Framtíð Hér er saumað af listfengi og útkoman verður frábær.
Fataiðn er mjög skapandi
Fötin skapa manninn!
Nám í fataiðnum við
Tækniskólann er vinsælt
og vekur athygli. Gleðin
fylgir starfinu, segir kenn-
ari og bendir á ýmsa
atvinnumöguleika sem
bjóðast.
Morgunblaðið/Sigurður Bogi
Kennari Bryndís Böðvarsdóttir við gínur sem eru ómissandi við sniðagerð. Hún segir aðsókn hafa aukist í námið.
Margt áhugavert er á dagskrá Júlíönu
– hátíðar sögu og bóka í Stykkis-
hólmi sem nú er framundan. Dag-
skráin hefst á fimmtudag, 21. mars
og stendur til og með sunnudegi, 24.
mars. Við setningarathöfn í Vatna-
safninu verður tónlistarflutningur og
ljóðalestur, veitt verðlaun í smá-
sagnasamkeppni og veitt viðurkenn-
ing fyrir framlag til menningarmála.
Á föstudag verður sömuleiðis
margt í gangi þegar sveinar og meyj-
ar lesa úr bókinni Ör eftir Auði Övu í
Amtsbókasafninu, í Stykkishólmi,
Bónus, Bókaverzlun Breiðafjarðar,
Skipavík og Hótel Egilsen. Margt
fleira er á dagskránni á föstudeg-
inum, svo sem Harry Potter og heila-
blæðingin; frásögn mæðgnanna
Önnu Sigrúnar Baldursdóttur og
Guðrúnar Mörtu Ársælsdóttur.
Síðdegis á laugardag, kl. 15.45,
verður Viktor Arnar Ólafsson, rithöf-
undur í Vatnasafni, og flytur þar er-
indi sem hann nefnir Flateyjargáta –
saga verður til og á sitt líf. Mun hann
þar og þá segja frá tilurð skáldsögu
sinnar sem gerð var eftir sjónvarps-
mynd sem vakti athygli. Sjá má nánar
um hátíðina á Facebook-síðunni:
Júlíana – hátíð sögu og bóka 21.-
24. mars 2019.
Júlíana – hátíð sögu og bóka í Stykkishólmi
Lesið úr bókum, tónlistarflutn-
ingur, ljóðin og Harry Potter
Morgunblaðið/Sigurður Bogi
Hólmurinn Menningin blómstrar í bænum fagra við Breiðafjörðinn.
„Handverkið heillaði,“ segir
Hafrún Harðardóttir, nemi í
klæðskeraiðn. „Á unglingsárum
vestur í Ólafsvík hafði ég áhuga
á að læra tölvunarfræði og
saumaskap og tók þetta allt
mjög skipulega. Tölvunáminu
við HÍ lauk ég fyrir nokkrum ár-
um og fór þá í fataiðnina, sem
stóð hjarta mínu alltaf nærri.
Hafði verið mikið hjá ömmu
minni sem sinnti saumaskap og
þaðan er áhugi minn væntan-
lega kominn.“
Hafrún brautskráist að ári
sem klæðskeri, en í vor fer hún í
verknám á saumastofu í Perth í
Skotlandi. Verður þar í fjóra
mánuði í gegnum Erasmus+
sem er skiptinemaáætlun Evr-
ópusambandins. „Það er dýr-
mætt tækifæri að fara til út-
landa og læra um vinnbrögð og
tísku þar. Safna þannig reynslu
í sarpinn,“ segir Hafrún sem á
námskynningunni í Laugardals-
höll var að sauma tweed-jakka
úr ull á unnusta sinn, Einar
Árnason.
Ullarjakki á
unnustann
ÚR TÖLVUM Í KLÆÐSKURÐ
Fataiðn Hafrún Harðardóttir lagar
bryddingar á jakkanum góða.