Morgunblaðið - 18.03.2019, Blaðsíða 10

10 FRÉTTIRInnlent
MORGUNBLAÐIÐ MÁNUDAGUR 18. MARS 2019
Helgi Bjarnason
helgi@mbl.is
Nemendur úr 10. bekk Tálkna-
fjarðarskóla fengu að vinna á rann-
sóknarstofu seiðastöðvar Arctic
Fish þegar þeir fóru þangað tvo
morgna í starfskynningu. Þau
lærðu um hreinlæti og örverur,
fengu að taka sýni og rannsaka,
veiða seiði og kryfja.
Rannsóknarstofan í seiðastöð
Arctic Fish er ein sú fullkomnasta
á svæðinu. „Okkur fannst að skól-
inn ætti að njóta góðs af og buðum
nemendum að koma í heimsókn,“
segir Sigurvin Hreiðarsson stöðv-
arstjóri.
Laufey Jónsdóttir, umsjónar-
kennari 9. og 10. bekkjar Tálkna-
fjarðarskóla, segir að tækifærið
hafi verið notað þegar 9. bekkingar
voru í samræmdu prófunum að
leyfa 10. bekkingum að heimsækja
seiðastöðina. Ætlunin sé vinna
áframhaldandi líffræðivinnu í skól-
anum. Þá segir hún að 9. bekkingar
heimsæki stöðina síðar.
Framtíð staðarins
„Þetta er fyrst og fremst starfs-
kynning, ætluð til þess að börnin
kynnist þeim störfum sem þarna
eru unnin. Þau geri sér einnig
grein fyrir því hvað laxeldið er um-
fangsmikið hér og skiptir miklu
máli fyrir framtíð staðarins,“ segir
Laufey.
Einhver börn höfðu á orði sín í
milli eftir heimsóknina að þau
hefðu áhuga á að sækja um sumar-
vinnu í seiðastöðinni.
Nemendur kynnast
rannsóknastörfum
Morgunblaðið/Guðlaugur Albertsson
Rannsókn Elías Kári, Freyr, Þórunn, Halldóra og Gabríel skoða hjarta úr
laxaseiði með Evu Dögg Jóhannesdóttur, líffræðingi hjá Arctic Fish.
Erla María Markúsdóttir
erla@mbl.is
Landhelgisgæslan fékk á laugardag
afhenta leiguþyrluna TF-EIR, sem
er fyrri þyrlan af tveimur í bráða-
birgðaendurnýjun þyrluflota gæsl-
unnar. Seinni leiguþyrlan er vænt-
anleg til landsins á næstu vikum og
mun bera einkennisstafina TF-
GRO.
Nýju leiguþyrlurnar tvær eru af
gerðinni Airbus H225 og munu
leysa leiguþyrlurnar TF-GNA og
TF-SYN af hólmi. Verður Land-
helgisgæslan því áfram með þrjár
þyrlu á sínum snærum, en TF-LIF
er í eigu hennar. Vélin sem er komin
til landsins er ekki ný, en er hins
vegar nýjasta gerð af Super Puma-
fjölskyldunni sem fyrri leiguþyrlur
gæslunnar tilheyrðu einnig.
Nýju leiguþyrlurnar tvær eru
umtalsvert öflugri en þær þyrlur
sem gæslan hefur haft til umráða
síðustu ár. Þær eru langdrægari og
hraðfleygari og munu stuðla að auk-
inni getu gæslunnar til að takast á
við komandi verkefni að sögn Sig-
urðar Heiðars Wiium, yfirflugstjóra
Landhelgisgæslunnar.
„Í vélinni er nýrri búnaður og hún
er hæfari en sú eldri að öllu leyti.
Hún lítur mjög svipað út en er örlít-
ið þyngri, stærri og öflugri. Öll sjálf-
virkni og tæki um borð eru ný eða
nýlegri og ættu að gefa okkur meiri
getu til að nýta tækin til þeirra
verka sem við notum vélarnar í.“
Mikil fjölgun þyrluútkalla
Nýja þyrlan kom hingað til lands
frá Noregi á laugardag, en Norð-
mennirnir Steinar Haugen og Frode
Moi flugu henni til landsins ásamt
Sigurjóni Sigurgeirssyni, yfirflug-
virkja hjá Landhelgisgæslunni.
Þyrlan verður hins vegar að öllum
líkindum ekki tekin formlega í notk-
un fyrr en í apríl eða maí. Fyrst þarf
að þjálfa flugvirkja og flugmenn.
„Við erum langt á veg komin með
flugmennina. Vélarnar koma hægt
og rólega í þjónustu, þetta tekur
alltaf meiri tíma en menn halda og
það er töluverð pappírsvinna í
kringum þetta,“ segir Sigurður.
Hann segir að nýju vélarnar muni
stuðla að auknu öryggi í komandi
verkefnum. Hann minnir hins vegar
á að þyrlurnar séu hluti af því ferli
sem nú stendur yfir í útboðsmálum
sem er bráðabirgðaendurnýjun
þyrluflota gæslunnar.
„Þetta eru spennandi tímar, við
erum að endurnýja leiguflotann en
líka að vinna í þyrluútboðsmálum.
Allt er þetta spennandi en vissulega
mikil vinna og tekur aðeins á, þann-
ig. Það sem maður hlakkar mest til
að sjá er meira öryggi og hæfari
verkfæri til að nota í þau verkefni
sem við erum að fara í,“ segir Sig-
urður Heiðar Wiium, yfirflugstjóri
Landhelgisgæslunnar.
Morgunblaðið/Árni Sæberg
Nýja þyrlan TF-EIR býr sig undir lendingu við komuna til landsins á laugardag. Henni var flogið hingað frá Noregi.
TF-EIR eykur getu
Landhelgisgæslunnar
 Fyrri þyrlan af tveimur í bráðabirgðaendurnýjun flotans
Áhöfnin Sigurjón Sigurgeirsson, yfirflugvirki hjá gæslunni, og Norðmenn-
irnir Steinar Haugen flugmaður og Frode Moi aðstoðarflugmaður.
Framfaraskref Sigurjón Sigurgeirsson, yfirflugvirki hjá Landhelgisgæsl-
unni, kemur sigri hrósandi út úr nýju þyrlunni eftir komuna til landsins.