Morgunblaðið - 21.03.2019, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 21. MARS 2019
B
ún
að
ur
b
íls
á
m
yn
d
er
fr
áb
ru
g
ð
in
n
au
g
lý
st
u
ve
rð
i
VERÐ FRÁ:
6.290.000 KR.
D150, fjórhjóladrifinn,
sjálfskiptur.
E
N
N
E
M
M
/
S
ÍA
/
N
M
9
2
8
1
5
JAGUAR
HESTHÁLSI 6-8, 110 REYKJAVÍK
SÍMI: 525 6500
NÝR FJÓRHJÓLADRIFINN E-PACE
JAGUAR E-PACE
Höskuldur Daði Magnússon
hdm@mbl.is
„Ég er að upplifa eitthvað nýtt þessa dagana.
Ég hef ekki vanist því að landssambandið og
stærsta félagið fari sitt í hvora áttina í samn-
ingsgerð,“ segir Guðbrandur Einarsson, sem í
gær sagði af sér sem formaður Landssambands
íslenskra verslunarmanna. Samningaviðræðum
sambandsins við Samtök atvinnulífsins var slit-
ið í gær. Guðbrandur segir að ástæða afsagnar
sinnar sé sú að landssambandið undir hans
stjórn og VR, stærsta félag verslunarmanna,
hafi ekki átt samleið við gerð kjarasamnings
þrátt fyrir að hafa lagt fram sameiginlega
kröfugerð.
Var kominn góður grunnur
„Við erum búin að vera að vinna að því að
landa kjarasamningi í margar, margar vikur og
töldum okkur vera að ná árangri í því í síðustu
viku. Mér fannst vera kominn ágætur grunnur
að því að við gætum haldið áfram og klárað enda
sá ég í þessu ýmsan ábata fyrir verslunarmenn.
Bæði raunverulega vinnutímastyttingu og síðan
voru vinnuveitendur tilbúnir að hækka launa-
töflur verulega. Svo gerðist það í síðustu viku að
umræða um framhaldið var bara stöðvuð,“ segir
Guðbrandur í samtali við Morgunblaðið.
Þegar hann er inntur eftir nánari útskýring-
um á því hvað hafi stöðvað viðræðurnar vísar
hann til afstöðu Verslunarmannafélags Reykja-
víkur.
„Ég hafði verið með fulltrúa frá VR í þessum
viðræðum en þeir drógu sig út úr þeim. Þeir
sögðust ekki geta haldið áfram viðræðunum
þrátt fyrir að við værum í raun og veru sammála
um að það væru góðir hlutir að gerast. Ég gat
ekki haldið áfram að gera samning fyrir örfáa
verslunarmenn. Slíkur samningur þarf að
ganga yfir alla línuna ef hann á að virka. Þar
með var mitt umboð farið.“
Guðbrandur segir að fulltrúar VR hafi horft
til samstöðu með öðrum verkalýðsfélögum í
stað þess að reyna til þrautar að klára samn-
ingsgerðina. „Ég álít að þetta bandalag fjór-
menninganna sé það sterkt að það sé á þessum
tímapunkti ekki hægt að rjúfa það. Ég tel að
það sem var á borðinu í síðustu viku sé leið til
lausnar. Það að vilja ekki fara þá leið sýnir að
menn eru tilbúnir að beita öðrum vinnubrögð-
um til að ná því fram sem þeir telja ásættan-
legt.“
Telurðu þá að átök hafi alltaf verið mark-
miðið, að alltaf hafi verið stefnt að verkföllum?
„Við getum spurt okkur þeirrar spurningar,
ég veit ekki hvert svarið er. En það vöknuðu
spurningar þegar maður sá í fjölmiðlum að
kröfugerð Starfsgreinasambandsins væri orðin
stefna Sósíalistaflokksins. Maður spyr sig um
stöðu formanns Eflingar í samningaviðræðum,
getur hún eitthvað fallið frá stefnu Sósíalista-
flokksins?“
Óttast erfiða tíma
Guðbrandur kveðst aðspurður hafa áhyggjur
af því hvernig málum vindi fram á næstunni.
„Ég óttast að það séu erfiðir tímar fram undan.
Hluti af launabreytingunum átti að koma fram í
nýjum skilgreiningum á vinnutíma. Ég sé ekki
annað en að ef hópurinn ætlar að vera harður á
þessari launatölu þá muni þetta sigla í strand.
Ég óttast að það verði niðurstaðan. En það
verða nýir aðilar sem þurfa að fást við það.“
Guðbrandur hefur verið formaður Verslunar-
mannafélags Suðurnesja í 21 ár. Hann hefur
setið í stjórn Landssambands íslenskra versl-
unarmanna í 20 ár og verið formaður sam-
bandsins undanfarin sex ár. Hann lauk í gær
störfum fyrir LÍV og var Ragnar Þór Ingólfs-
son, formaður VR, kjörinn formaður í hans stað.
Guðbrandur mun hætta störfum hjá VS um
næstu mánaðamót. Hann ákvað að þiggja ekki
starf sem honum var boðið hjá VR í kjölfar yf-
irvofandi sameiningar VS við VR. „Ég set niður
í kassa á mínum vinnustað og verð kominn þar
út 1. apríl,“ segir hann.
Morgunblaðið/Hari
Slitið Guðbrandur Einarsson, lengst til vinstri, hefur ásamt fulltrúum VR reynt vikum saman
að ná samningum við SA. Hann taldi samninga í sjónmáli en fulltrúar VR drógu sig út.
Segir fulltrúa VR hafa
stöðvað viðræðurnar
 Viðræðum LÍV og SA slitið  Guðbrandur Einarsson segir af sér
„Ég er alls ekki sammála
því sem fram kemur í álykt-
un Framsýnar. Það er ekki
vilji samninganefndar að
skerða réttindi fólks. Menn
geta rætt hlutina og skoðað
en það er ekkert frágengið
fyrr en skrifað er undir.
Við munum ekki sam-
þykkja hvað sem er og fé-
lagsmenn taka á endanum
ákvörðun um samninga,“
segir Björn Snæbjörnsson, formaður Starfs-
greinasambandsins. Vísar hann þar til álykt-
unar stéttarfélagsins Framsýnar sem dró í
fyrradag samningsumboð sitt frá SGS. Þessi
orð Björns ríma við yfirlýsingu samninga-
nefndar SGS sem send var út í gær:
„Það er miður að í tengslum við þessa sam-
þykkt þurfi að bera félaga sína þungum sök-
um. Samninganefnd Starfgreinasambandsins
mun aldrei taka þátt í því að semja um að rýra
kjör okkar fólks, hvort sem það lýtur að vinnu-
tíma, álagsgreiðum eða öðrum þáttum. Í við-
ræðum við Samtök atvinnulífsins hefur þessi
afstaða komið fram með mjög sterkum og af-
dráttarlausum hætti og samninganefndar-
mönnum á að vera það algerlega ljóst,“ segir í
yfirlýsingunni.
Björn segir í samtali við Morgunblaðið að
góð samstaða sé meðal þeirra félaga sem enn
eru undir merkjum SGS.
„Eins og ég hef alltaf sagt getur hvaða félag
sem er dregið samningsumboð sitt til baka
hvenær sem er og þessi ákvörðun Framsýnar
kemur mér ekki á óvart. Ég vil hins vegar
minna á að í samningunum 2015 voru það
fimmtán félög sem sömdu í nafni Starfsgreina-
sambandsins. Það er sami fjöldi og er nú í sam-
flotinu en við erum með fleiri félagsmenn að
baki okkur heldur en þá. Það er góð samstaða
í hópnum og þó að menn hafi auðvitað mis-
munandi skoðanir hefur verið þar mjög mál-
efnaleg umræða. Það hefur verið unnin rosa-
lega góð vinna í þessari samningagerð og
mikið af því sem við lögðum fram í kröfugerð
okkar er komið í ásættanlegt stand.“
15 félög á
vegum SGS
eins og 2015
Björn
Snæbjörnsson
 Semja fyrir fleiri núna
Samkomulag hefur náðst milli
Prentmets og Odda um að Prentmet
kaupi alla prentvinnslu Odda ásamt
tækjum. Kaupin eru gerð meðal ann-
ars með fyrirvara um samþykki sam-
keppnisyfirvalda.
Fram kemur í fréttatilkynningu
um kaupin að sameinuð prentsmiðja
verður rekin á Höfðabakka 7 þar
sem Oddi er til húsa, en rúmlega 100
manns munu starfa hjá sameinuðu
fyrirtæki. Sameinuð velta fyrirtækj-
anna var um 1.900 milljónir króna á
seinasta ári.
Lokaskrefið í grundvallar-
breytingu félagsins
Í tilkynningunni segir að sala á
framleiðsluhluta Odda feli í sér loka-
skrefið í grundvallarbreytingu fé-
lagsins úr framleiðslufélagi í sölu- og
markaðsfélag sem einbeitir sér að
umbúðum og umbúðalausnum til
annarra fyrirtækja. Prentsmiðjan
Oddi er 76 ára gamalt félag sem upp-
haflega var stofnað um prentverk en
hefur einnig framleitt og flutt inn
gæðaumbúðir síðastliðin ár.
„Í kjölfar breytinganna mun
Kassagerðin ehf., sem er að fullu í
eigu móðurfélags Odda, einbeita sér
að sölu innfluttra umbúða til við-
skiptavina, með enn sterkara vöru-
vali og öflugri þjónustu,“ segir í til-
kynningunni.
Mun auka samkeppnishæfni
íslensks prentverks
Haft er eftir Guðmundi Ragnari
Guðmundssyni, framkvæmdastjóra
Prentmets, að kaupin á prentvinnslu
Odda séu frábært tækifæri fyrir
fyrirtækið, „og muni hjálpa mikið til
við að auka samkeppnishæfni ís-
lensks prentverks ásamt því að auka
vöruúrval og þjónustustig fyrir-
tækisins.“
Kristján Geir Gunnarsson, fram-
kvæmdastjóri Odda, segist ánægður
fyrir hönd íslensks prentiðnaðar
með að þessi kaup hafi verið und-
irrituð. ,,Með þessari sameiningu
stendur öflugra félag eftir sem getur
tryggt íslenskt prentverk og fram-
leiðslu inn í framtíðina.“
Prentmet kaupir prentsmiðjuna Odda
 Sameinuð velta fyrirtækjanna var um 1.900 milljónir króna í fyrra  Starfsmenn rúmlega 100 talsins