Morgunblaðið - 30.03.2019, Blaðsíða 12
12 DAGLEGT LÍF
MORGUNBLAÐIÐ LAUGARDAGUR 30. MARS 2019
Kristín Heiða Kristinsdóttir
khk@mbl.is
Úti í náttúrunni er hægtað finna allskonar leiðirtil að hjóla á fjallahjólumutanvegar, sem hæfa fyr-
ir alla getuhópa. Við metum alltaf
hópana okkar, hvað við treystum
þeim í og finnum leiðir sem henta.
Til dæmis höfum við farið á svæðið
hjá Hvaleyrarvatni, í Öskjuhlíðina
og Vífilsstaðahlíð, sem öll henta vel
til að leika sér á hjólum,“ segir Þór-
dís Björk Georgsdóttir en hún er ein
þeirra fjögurra sem leiða munu
fjallahjólaæfingar á vegum Bretta-
félags Hafnarfjarðar fyrir börn og
unglinga.
„Þetta eru æfingar sem fara af
stað núna í apríl og verða fyrir
krakka sem fæddir eru 2001 til 2008,
eða 10 ára til 18 ára. Við förum með
krakkana í hjólatúra á utanvega-
slóðum, en við gerum líka tækniæf-
ingar á sléttu malbiki, til að und-
irbúa krakkana fyrir hindranir sem
þau eiga eftir að mæta á grýttum
stígum og bröttum, jafnvel sund-
urskornum. Við æfum okkur meðal
annars með því að hjóla í tröppum
og á köntum,“ segir Þórdís og bætir
við að tækniæfingar snúist fyrst og
fremst um að krakkarnir nái jafn-
vægi á hjólinu.
„Jafnvægið skiptir miklu máli í
fjallahjólamennsku, að krakkarnir
geti staðið á hjólinu og haldið jafn-
vægi á ósléttum hjólaleiðum. Æfing-
arnar eru til að þau öðlist þetta ör-
yggi sem kemur með því að geta
stjórnað hjólinu, að hafa fullkomið
vald á því. Svo þau geti brugðist við
hverskonar hindrunum þegar þau
hjóla úti í náttúrunni,“ segir Þórdís
og bætir við að krökkunum á æfing-
unum verði skipt í þrjá flokka, en sú
skipting fari ekki endilega eftir
aldri, heldur getu og reynslu.
Sumir hræddari en aðrir
Þegar Þórdís er spurð að því
hvort krakkarnir séu ekki ragir að
láta vaða á hjólunum við ut-
anvegaaðstæður, segir hún að allur
gangur sé á því.
„Sumir krakkar eru hræddari
en aðrir og sumir mættu vera aðeins
meira hræddir, þessir sem láta bara
vaða,“ segir hún og hlær. „Það er
ótrúlega gaman að hjálpa krökkum
sem eru ragir að komast yfir hræðsl-
una, en þá þarf að byrja smátt og
hjálpa þeim alveg í gegnum þetta, lið
fyrir lið. En það er mikill sigur fyrir
þau þegar þau ná svo loksins tökum
á þessu, það er ótrúlega gaman og
gefandi að verða vitni að því þegar
sjálfstraust þeirra eflist. Þetta snýst
nefnilega ekki aðeins um líkamlega
færni á hjólinu, heldur ekki síður um
andlegu hliðina, að þora og hafa
sjálfsöryggi og trú á getu sinni. Og
að komast yfir einhverja hindrun
sem þau héldu að þau kæmust ekki
yfir. Það eflir krakkana líka fé-
lagslega að koma á svona æfingar.“
Bætir líðan orkumikils sonar
Þórdís segir að fjallahjóla-
mennska sé einnig frábær leið fyrir
orkumikla krakka til að fá útrás.
„Þessu fylgir heilmikið adrena-
línkikk. Fjallahjólaæfingar hafa
reynst besta líkamlega útrásin fyrir
yngri son minn sem er ADHD og
gríðarlega orkumikill. Ég byrjaði að
taka hann með mér í þetta þegar
hann var sjö ára og það hefur gert
honum mjög gott að fá að vera svona
mikið úti og fara yfir hverskonar
hindranir og láta adrenalínið flæða
um æðarnar. Hann er miklu rólegri
út daginn eftir slíka hjólaferð úti í
náttúrunni. Þetta bætir mjög hans
líðan,“ segir Þórdís sem fer með syni
sínum nokkrum sinnum í viku á
fjallahjól á sumrin en yfir veturinn
þarf að leita annarra leiða.
„Þá reyni ég að taka hann með
mér á snjóbretti, því hann fær svip-
aða útrás þar. En hann er með
nagladekk á hjólinu sínu og ljós, svo
hann geti hjólað í snjó og klaka, þeg-
ar aðstæður bjóða upp á það.“
En ekki hentar öllum það sama,
eldri sonur Þórdísar hefur til dæmis
ekki áhuga á fjallahjólum þó
mamma hans og bróðir séu á fullu í
því sporti. „Ég keypti hjól fyrir hann
og reyndi að fá hann með mér í
þetta, en hann vill bara vera í körfu-
bolta og gengur vel þar.“
Ekki mikil slysahætta
Þegar Þórdís er spurð að því
hvort ekki sé mikil slysahætta af
fjallahjólamennsku, segir hún það
ekki vera meira en í öðrum íþróttum.
„Fólk heldur að fjallahjóla-
mennska sé eitthvert brjálæði og að
fólk sé sífellt að slasa sig, en það er
alls ekki þannig. Það er mikilvægt að
vita hvað maður er að gera þegar
maður fer út í þetta, og að vita sín
mörk. Það er einmitt það sem við
kennum krökkunum á þessum æf-
ingum, að velja stíga sem henta, til
dæmis ef það er of stór hindrun, að
velja þá eitthvað minna og vinna sig
upp í hina stærri. Leiðbeiningin
skiptir miklu máli og auðvitað rétti
búnaðurinn, hjálmur og hlífar.“
Þau eru fjögur sem halda utan
um æfingarnar, Þórdís og Gunn-
hildur systir hennar og félagarnir
Helgi Berg og Bergþór Páll, en öll
hafa þau mikla reynslu af fjallahjóla-
mennsku, hér heima og í útlandinu.
„Við systurnar höfum verið í um
fjögur ár saman í fjallahjóla-
mennsku og allar þrjár dætur Gunn-
hildar eru með okkur í þessu. Ég get
sagt af eigin reynslu að þetta er
mjög fjölskylduvænt áhugamál.“
Geggjuð útrás fyrir krakkana
„Þetta snýst ekki aðeins um líkamlega færni á hjól-
inu, heldur líka um andlegu hliðina, að þora og hafa
sjálfsöryggi og trú á getu sinni,“ segir Þórdís sem mun
leiðbeina krökkum á fjallahjólaæfingum í vor.
Ljósmyndir/Þórdís Georgsdóttir
Stökk Tristan, yngri sonur Þórdísar, flýgur hér á fjallahjólinu sínu í einni af mörgum fjallahjólaferðum.
Burður Stundum þarf að bera hjólið sitt á bakinu til að komast á nýjan slóða.
Tristan vílar það ekki fyrir sér eins og sjá má hér.
Tröppufjör Tristan lætur hér vaða niður tröppur, enda
öruggur á sínu hjóli og sjóaður í íþróttinni.
Systur Þórdís t.h. og Gunnhildur gera við hjól í fjörugri
fjallahjólaferð. Þær hafa stundað sportið í 4 ár.
Kynningarfundur vegna fjalla-
hjólaæfinga sem byrja í apríl verð-
ur n.k þriðjudag 2. apríl kl 20 í
húsnæði Brettafélagsins á Flata-
hrauni 14 í Hafnarfirði. Æfingarnar
verða á miðvikudögum kl. 18 og
einhverja laugardaga kl. 12:30.
Ætlað fyrir krakka og unglinga
fædd 2001 - 2008.
AÐAL
FUNDUR
Félagið veitir ferða-
styrk til þeirra félags-
manna sem búa í meira
en 40 km fjarlægð frá
fundarstað.
Félags iðn- og
tæknigreina 2019
verður haldinn laugardaginn 6. apríl
kl. 11 að Stórhöfða 31, 1. hæð.
Dagskrá:
1. Skýrsla félagsstjórnar um starf félagsins á liðnu
starfsári.
2. Endurskoðaðir reikningar lagðir fram til umræðu
og afgreiðslu.
3. Ákvarðanir teknar um ávöxtun sjóða félagsins.
4. Kjöri stjórnar lýst.
5. Kosning trúnaðarráðs, kjörstjórnar, skoðunarmanna
reikninga, og uppstillinganefndar.
6. Kosning endurskoðenda.
7. Tillögur um fulltrúa á ársfundi lífeyrissjóða sem
FIT er aðili að.
8. Önnur mál.
Hádegismatur
í boði félagsins.
Stjórnin