Morgunblaðið - 30.03.2019, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 30. MARS 2019
Baldur Arnarson
baldura@mbl.is
Þorvaldur Gissurarson, framkvæmdastjóri
ÞG Verks, segir sölu fyrirtækisins benda til
að fasteignamarkaðurinn sé að taka við sér
eftir ládeyðu á fyrstu vikum ársins. Mikil
eftirspurn sé eftir nýjum og hagkvæmum
íbúðum. Því beri ekki að draga of miklar
ályktanir af hægri sölu
dýrari íbúða.
„Fyrir þremur til fjór-
um vikum fannst okkur
sem það væri að hægja
snögglega á markaðnum.
Hins vegar hefur það alls
ekki reynst vera raunin.
Það hefur verið fínasta
sala hjá okkur í íbúðum
sem eru að koma til af-
hendingar. Síðasta vika
var sérstaklega góð. Við
seldum níu íbúðir í vikunni. Það verður að
teljast framúrskarandi söluvika. Rauði þráð-
urinn er að þegar verðið er á vissu bili virð-
ist vera mikil eftirspurn,“ segir Þorvaldur.
Um er að ræða fjölbýlishús á Selfossi og í
Bryggjuhverfinu í Reykjavík. Á Selfossi eru
íbúðirnar í þremur fjölbýlishúsum, Álalæk
13, 15 og 17. Allar íbúðirnar í Álalæk 17 eru
seldar en þær voru afhentar fyrir áramót.
Þá eru allar íbúðir nema tvær seldar í Ála-
læk 15 en þær voru afhentar um miðjan
mánuðinn. Sala á íbúðum í Álalæk 13 er
skemmra á veg komin en þær verða afhent-
ar í lok apríl.
Tvöfalt dýrari í miðborginni
Fermetraverðið er mun lægra en í ný-
byggingum í Reykjavík. Til dæmis kostar
fermetrinn í íbúðum 104 og 105 í Álalæk um
319 og 316 þúsund, en þær eru 122 fermet-
ar.
Til samanburðar er algengt fermetraverð
í íbúðum í miðborginni frá 650 þúsund. Hins
vegar er fermetraverð nýrra íbúða í út-
hverfum höfuðborgarsvæðisins töluvert
lægra.
ÞG Verk er jafnframt að ljúka fram-
kvæmdum við fjölbýlishús við Tangabryggju
13 í Bryggjuhverfinu. Þar er 51 af 63 íbúð-
um seld en nýbyggingin er með tveimur
stigahúsum. Fyrri áfangi var afhentur um
síðustu mánaðamót en sá seinni er til af-
hendingar um næstu mánaðamót.
„Það er óvenjugott að vera í þessari
stöðu. Það er ekki hægt að tala um dræma
sölu þegar þetta er raunveruleikinn,“ segir
Þorvaldur.
Hann segir aðspurður verðlagninguna
hafa sitt að segja um söluna. Ef verðið sé
sanngjarnt og íbúðir á verðbilinu 35-50
milljónir sé mikil og góð eftirspurn. Kaup-
máttur almennra kaupenda sé því góður í
sögulegu samhengi.
500 manns á biðlista í Urriðaholti
„Markaðurinn verður því að teljast góður.
Það er ekki hægt að halda öðru fram,“ segir
Þorvaldur. ÞG Verk muni setja nýjar íbúðir
við Vinastræti í Urriðaholti í sölu í sumar.
Fermetraverðið verði mun lægra en í mið-
borg Reykjavíkur. Um 500 manns hafi skráð
sig á biðlista eftir íbúðunum. Þá muni félag-
ið setja nýjar íbúðir í Vogabyggð í sölu í
október.
Fram kom í Morgunblaðinu í fyrrahaust
að meðalverð nýrra íbúða á Hafnartorgi
væri um 110 milljónir.
Þorvaldur segir aðspurður að lóðaverð,
efnisnotkun, sérsmíði og sérpantanir eigi
þátt í að íbúðirnar á Hafnartorgi séu dýrari.
Þá hafi smíði bílakjallarans reynst mjög
dýr.
„Kannski fórum við oft langt í lúxusnum.
Þar eru nánast allir hlutir sérsmíðaðir eða
sérpantaðir. Ég held að nánast ekki neitt af
því sem við erum að skila, hvort sem það
eru flísar, blöndunartæki, raftæki, gólfefni
eða búnaður, sé sömu hlutir og við setjum í
okkar hefðbundnu íbúðir,“ segir Þorvaldur.
Hafa tekið frá margar íbúðir
Á Hafnartorgi eru fimm stigahús með alls
um 70 íbúðum. Tvö við Geirsgötu og þrjú við
Tryggvagötu. Tvö vestustu húsin, annað við
Geirsgötu en hitt við Tryggvagötu, eru í
sölu en sölu íbúða í hinum húsunum hefur
verið frestað. Allar íbúðir í Geirsgötuhúsinu
eru seldar eða fráteknar og sömuleiðis allar
íbúðirnar nema tvær í Tryggvagötuhúsinu.
Þar með talið eru tvær þakíbúðir í Geirs-
götuhúsinu en hugmyndir voru um að selja
þær sem eina íbúð. Rætt var um að sú íbúð
gæti kostað 300-400 milljónir. Samtals 32
íbúðir eru í þessum tveimur húsum og hafa
fjárfestar þar af tekið frá tíu þeirra. Þor-
valdur segir aðspurður að ákveðið hafi verið
að hafa tvær íbúðir á efstu hæðinni. Sú
stærri er 232 fermetrar og áætlar Þorvaldur
að söluverðið sé um 250 milljónir króna.
Hann tekur fram að íbúðin hafi verið frátek-
in og ekki sé búið að ganga endanlega frá
kaupum.
Fasteignamarkaður ekki í frosti
 Framkvæmdastjóri ÞG Verks segir nýjar og hagkvæmar íbúðir seljast vel  Mikil sala á Selfossi
 Fjárfestar taka frá þakíbúð á Hafnartorgi á 250 milljónir  Veikari króna gæti laðað að fjárfesta
Morgunblaðið/Kristinn Magnússon
Við Geirsgötu Fjárfestar hafa tekið frá þakíbúð í íbúðarhúsinu sem er næst á myndinni.
Þorvaldur
Gissurarson
Verið velkomin í glæsilega sýningaríbúð
Guðbjörg Guðmundsdóttir
löggiltur fasteignasali
gudbjorg@manalind.is
sími: 899 5533
Thelma Víglundsdóttir,
löggiltur fasteignasali
thelma@manalind.is
sími: 860 4700
Sölusýning Breiðakur 2-4 Garðabæ
Nýjar þriggja og fjögurra herbergja íbúðir
Glæsilegt nýtt, átta íbúða, fjölbýli með lyftu í vinsælu hverfi í Garðabæ.
Íbúðir afhendast fullbúnar án gólfefna.
Stærðir frá 122- 138 fm verð frá 63.9 millj.
Öllum íbúðum fylgja rúmgóð stæði í lokaðri bílageymslu.
Íbúðirnar eru tilbúnar til afhendingar.
www.manalind.is Lágmúla 6 sími 511 1020
Laugardaginn 30. mars frá 14:00-15:00
Sunnudaginn 31. mars frá 14:00-15:00