Morgunblaðið - 30.03.2019, Blaðsíða 49
MENNING 49
MORGUNBLAÐIÐ LAUGARDAGUR 30. MARS 2019
TÓNLIST
Arnar Eggert Thoroddsen
arnareggert@arnareggert.is
Sinmara hefur lengi vel verið á með-
al öflugustu svartþungarokkssveita
hérlendis. Hún hefur í sínum röðum
meðlimi úr Svarta-
dauða, Slidhr og
Almyrkva m.a. og
spannar saga
hennar yfir áratug.
Frá 2008 – 2013
starfaði hún undir
nafninu Chao, en nafninu var síðan
breytt í Sinmara (Chao gaf út stutt-
skífu árið 2012, Spiritus Sankti).
Fyrsta platan, Aphotic Womb, kom
svo út árið 2014 og þriggja laga
skífa, Within the Weaves of Infinity,
Horft í hroðann
Makt myrkranna Meðlimir Sinmara, flöktandi á milli vídda.
árið 2017. Þessarar plötu hér, Hvísl
stjarnanna, hefur verið beðið með
nokkurri eftirvæntingu, enda orð-
spor Sinmara dýpkað og eflst með
hverju ári.
Hvísl stjarnanna er gefin út af
þýska merkinu Ván Records (á
geisladiski, vínyl og sem streymi) og
mun sveitin troða upp á ýmsum tón-
leikum vegna hennar á næstu mán-
uðum. Platan, eins og svo margar ís-
lenskar svartþungarokksplötur, var
tekin upp af Íranum Stephen Lock-
hart í hljóðverinu Emissary, sem
hann rekur í Reykjavík.
Hvísl stjarnanna er sex laga og
sem fyrr rekur sveitin fagurfræðileg
áhrif einna helst til franska mis-
hljóma-rokksins sem Deathspell
Omega ruddu braut á sínum tíma. Á
þessari plötu er sveitin þó að fjar-
lægja sig nokkuð ákveðið frá þeim
hljóðheimi, og ofsinn sem sat í síð-
ustu plötu hefur vikið fyrir áferð-
arfegurri nálgun, ef mér leyfist að
nota slík lýsingarorð um þessa tón-
list! En platan er vissulega meló-
dískari, snarpari einhvern veginn og
lög öll styðjast við hefðbundnara
lagaform. Þó að brjálæðið sé þarna
vissulega. Það er eins og platan sitji
klofvega á milli offorsins í Misþyrm-
ingu og aðgengilegheitanna sem
Sólstafir hafa verið að reyna sig við
á síðustu verkum. Lögin öll eru
ábúðarfull, Guð hjálpi mér, og mikið
að gerast. Trommur í fullum gangi
allan tímann, sprengitaktar við og
við en líka flóknari mynstur og fyll-
ingar. Gítararnir dansa í kring, há-
værir bæði og lágværir og þræða
alls kyns hljómafléttur út og suður.
Hér er drama og epík, lögin renna í
einslags progggír en samt – eins og
ég segi – koma partar sem eru í
senn grípandi og aðlaðandi. Yfir öllu
hangir svo melankólían, þykkt teppi
vafið úr gotneskri ull og svei mér þá
ef Fields of The Nephilim fljúga
ekki þarna yfir einu sinni eða tvisv-
ar.
Lög eru bæði á ensku og íslensku
og gott – nánast sérkennilegt – að
heyra söngvarann öskra sig í gegn-
um texta á hinu ylhýra í lagi eins og
„Úr kaleik martraða“. Lagið er
ágætis dæmi um það sem er að finna
hér. Ógurleg keyrsla, þar sem lagið
er svo gott sem að hruni komið,
taktar og hljóðfæri veltast áfram í
glundroða og geðveiki en svo er
skyndilega hent í hæga kafla sem
einkennast af fegurð. Næmt gít-
arspil hvar gítarar kallast á í klingj-
andi samhljómi – frekar en mis-
hljómi.
Virknin í íslensku öfgarokki hefur
sjaldan verið með jafn miklum
ágætum. Svartþungarokkarar
standa þar vaktina með sóma og það
er pláss fyrir alla. Veri það svefn-
herbergislistamenn sem gefa út
„illa“ hljómandi kassettur með
tveimur óhljóðavænum langlokum
eða þá stóreflissveitir sem eru á
mála hjá alþjóðafyrirtækjum, túr-
andi um velli víða eins og Sinmara
hefur verið að gera (þess má geta að
fyrsti Bandaríkjatúrinn verður núna
í apríl).
Tónlistarhátíðir, tónleikar og
merkilega mikið af útgáfum sjá svo
til þess að fjörinu virðist seint ætla
að linna. Já, nú er það svart. Og er
það vel.
» Trommur í fullumgangi allan tímann,
sprengitaktar við og við
en líka flóknari mynstur
og fyllingar
Sinmara, ein af helstu
svartþungarokkssveit-
um íslenskum, gaf út
plötuna Hvísl stjarn-
anna fyrir stuttu.
Árni Matthíasson
arnim@mbl.is
Músíktilraunir hefjast í Norðurljósasal Hörpu í kvöld eins og greint var frá í
Morgunblaðinu í gær, og þá keppa níu hljómsveitir um sæti í úrslitum. Á
morgun keppa svo níu hljómsveitir til, sem kynntar eru hér.
Undankeppnin verður haldin á fjórum kvöldum, í kvöld og síðan annað
kvöld, mánudagskvöld og þriðjudagskvöld. Úrslitin verða svo haldin á sama
stað laugardaginn 6. apríl.
Hljómsveitirnar sem keppa í kvöld eru Amaurosis, Bjartr, Blóðmör,
Fógeti, gugusar, Kisimja, Little Menace, Parasol og Þorvaldssynir. Keppnin
hefst kl. 19.30 öll undankvöldin.
Verðlaun á Músíktilraunum eru veitt fyrir 1., 2. og 3. sæti, en einnig eru
veitt verðlaun fyrir hljóðfæraslátt, söng og íslenska texta. Hljómsveit fólks-
ins er valin í símakosningu. Einnig eru veitt verðlaun fyrir Rafheila Músíktil-
rauna. Nýjung þetta ár er svonefndur Hitakassi, sem stendur þeim hljóm-
sveitum til boða sem komast í úrslit, en það er nýliðanámskeið í
hljómsveitaiðju haldið í samvinnu við Útón og Tónlistarborgina Reykjavík.
Meiri
Músíktilraunir
Músíktilraunir hefjast í kvöld og
verður fram haldið annað kvöld
Little Menace
Hafnfirðingarnir Ingi Rafn El-
ísson, 17 ára trommuleikari, Sig-
urður Már Gestsson, 17 ára gítar-
leikari, Arnar Már Víðisson, 16 ára
bassaleikari, og Jasper Matthew
Bunch, 18 ára söngvari, eru í rokk-
sveitinni Little Menace.
Gugusar
Gugusar skipa tvær fimmtán ára
stelpur úr Reykjavík, Guðlaug Sóley
Höskuldsdóttir og Aníta Núr Magn-
úsdóttir. Guðrún spilar á hljómborð
og syngur og Aníta á slagverk. Guð-
laug stofnaði sveitina og fékk Anítu
til liðs við sig við flutninginn. Hún
segir tónlistina ekki af einhverri
ákveðinni tónlistarstefnu, en segja
megi að hún sé elektró, alternative
og pínu popp í bland.
Kisimja
Félagarnir Þórhallur Tryggvason gítarleikari, Kristófer Andrésson söngvari, Guðmundur
Geir Hauksson bassaleikari og Árni Steinn Arnarson trommuleikari skipa hljómsveitina Kis-
imja. Þeir eru á aldrinum 18 til 21 árs og spila rokk.
Fógeti
Árni Dagur Arason / Day BoYo kallar sig
Fógeta. Hann er sextán ára Hafnfirðingur
sem byrjaði að rappa í nóvember í fyrra og
gaf þá út lagið „Pylsubarinn“.
Bjartr
Tónlistarmaðurinn Dagbjartur Daði Jóns-
son, sem kemur fram undir listamannsnafninu
Bjartr, tekur nú þátt í Músíktilraunum í þriðja
sinn, en hann komst í úrslit í tilraununum
2017. Dagbjartur er 21 árs Reykvíkingur sem
hefur verið að fást við tónlist af alvöru í um
þrjú ár, rappar og syngur.
Parasol
Liðsmenn Parasol eru úr Reykjavík og
Garðabæ. Þau heita Broddi Gunnarsson, sem
leikur á gítar, Tómas Árni Héðinsson sem
syngur, Emil Árnason, sem leikur á bassa, og
Alexandra Rós Norðkvist, sem leikur á
trommur. Þau eru öll 19 ára nema Árni sem er
18. Parasol hefur spilað saman í um tvær vik-
ur og samið lög sem eru öll mismunandi á sinn
hátt.
Blóðmör
Félagarnir Haukur Þór Valdi-
marsson, Matthías Stefánsson og
Ísak Þorsteinsson reka saman sveit-
ina Blóðmör. Haukur spilar á gítar
og syngur, Matthías á bassa og
syngur og Ísak á trommur. Þeir eru
16, 17 og 18 ára og spila rokk í
þyngri kantinum, en sækja sér inn-
blástur úr öllum hugsanlegum átt-
um.
Amaurosis
Suðurnesjasveitin Amaurosis er skipuð Má Gunnarssyni, 19 ára píanóleikara og söngvara,
Arnari Geir Halldórssyni, 17 ára gítarleikara, Kristbergi Jóhannssyni, 17 ára trommuleikara,
Guðjóni Steini Skúlasyni, 14 ára saxófónleikara, Bergi Daða Ágústssyni, 17 ára trompetleikara,
Hreiðari Mána Ragnarssyni, 19 ára básúnuleikara, og Auði Erlu Guðmundsdóttur, 19 ára bassa-
leikara. Þau segjast spila allt á milli himins og jarðar, lög eftir sig og aðra.