Dagblaðið Vísir - DV - 01.03.2019, Síða 4

4 1. mars 2019FRÉTTIR
YFIRHEYRSLAN
Hver myndi sakna álsins?
S
varthöfði fylgist grannt
með tíðindum úr þing­
heimi. Meira að segja
málum sem flestum er
sama um og komast ekki svo glatt
á forsíður dagblaðanna. Eitt slíkt
mál er frumvarp sjávarútvegs­
ráðherra um blátt bann við ála­
veiðum.
Er þetta gert vegna þrýstings
umhverfissinna og vísinda­
elítunnar úti í heimi og dansar
Hafró nú eftir þeirra músík.
Jafnvel þó að sú sama stofnun hafi
skömmu áður sagst lítið vita um
íslenska álinn.
Svarthöfði játar það fullum
fetum að vita lítið um íslenska
álastofninn og sennilega gera það
fæstir Íslendingar. Svarthöfða var
það ekki einu sinni ljóst að hér
væri yfirhöfuð veiddur áll. En
hann syndir víst endrum og eins
upp íslenskar ár, á eftir silungum
og löxum.
Hver leggur þessa skepnu sér
til munns? Skepnu sem virðist
ekki fylgja náttúrulögmálunum og
lítur út eins og óskilgetið afkvæmi
fisks og snáks? Iðandi, slímugt
og ljósfælið kvikindi. Samkvæmt
frumvarpinu er þeim stangveiði­
mönnum sem slysast til að veiða
ála gert skylt að sleppa þeim
aftur lausum. Svarthöfði myndi
missa meðvitund af forundran
og viðbjóði ef hann myndi fá ál á
öngulinn.
Aldrei nokkurn tímann hefur
Svarthöfði séð ál í íslenskri fisk­
búð, hvað þá í kæliborðum stór­
markaðanna eða matseðlum
veitingahúsanna. Aldrei hefur
nokkur gestgjafi boðið Svarthöfða
upp á ál. Ekki einu sinni á
þorrablótum þar sem flestallt
ógeð landsins er étið. Áll er ekki
einu sinni sinni notaður í hunda­
eða kattamat. Hver í fjandanum
er þá að veiða og éta allan þennan
ál þannig að stofninn sé að hruni
kominn? Væri það ekki bara land­
hreinsun ef stofninn hyrfi?
Svarthöfði viðurkennir að hafa
orðið svolítið pirraður og styggur
yfir þessu öllu saman. Ekki
endilega út af álnum sem slíkum
eða meintri ofveiði hans. Heldur
vegna þess að mál sem þetta
sé yfirleitt á borðum hinna háu
herra. Augsýnilega hefur her af
skriffinnum í ráðuneytinu samið
þetta frumvarp eingöngu til þess
að geta merkt við í kladdann.
Réttlætt sín ofurlaun með því að
sýna fram á dagsverk og þóst vera
rosalega gott fólk í leiðinni. Sannir
vinir íslenska álsins. En Svarthöfði
sér í gegnum þetta brugg. n
Svarthöfði
Það er
staðreynd að…
Fólk er að meðaltali einum sentimetra
hærra á morgnana en á kvöldin.
Hið íslenska Matador er þýðing á danskri
útgáfu af hinu ameríska Monopoly.
Rottur komu til Íslands á 18. öld en
þá var hér mergð af músum.
Aðeins er gert ráð fyrir að jarðgöng
geti staðið í hundrað ár.
Tungumálið Taki Taki, sem talað er í
Súrínam, inniheldur aðeins 340 orð.
„Augsýnilega
hefur her af
skriffinnum í ráðu-
neytinu samið þetta
frumvarp eingöngu
til þess að geta
merkt við í kladdann
Áll Viðbjóðslegur fiskur.
Hver er
hann
n Dalvíkingur sem
lærði sjómennsku og
bókmenntir.
n Bæjarstjóri saman­
lagt í 20 ár, á Dalvík,
Ísafirði og Akureyri.
n Kvæntur myndlistarkonunni
Guðbjörgu Ringsted.
n Heldur upp á Njáls sögu og lítur
upp til Snorra Sturlusonar.
n Tapaði formannsslag í Sjálf­
stæðisflokknum gegn Bjarna
Benediktssyni árið 2009.
SVAR: KRISTJÁN ÞÓR JÚLÍUSSON
Sanna Magdalena
tekin í yfirheyrslu
Hjúskaparstaða og börn?
Ég er einhleyp og á engin börn en í fram­
tíðinni langar mig rosalega til þess að ætt­
leiða barn. Það eru mörg börn í heiminum
sem eiga ekki foreldra eða fjölskyldu og ég
vona að einn daginn geti ég boðið upp á
gott og öruggt heimili fyrir barn eða jafnvel
börn. Þegar ég viðra þetta við fólk þá hef ég
stundum fengið spurninguna hvort ég vilji
ekki eignast mín „eigin börn“ en að mínu
mati eru það ekki blóðtengsl sem mynda
grunninn að fjölskyldu, heldur það að vera
til staðar.
Uppáhaldshljómsveit og af
hverju?
Ég verð að segja Destiny’s Child, af því að
þær hafa fylgt mér í gegnum svo mörg
æviskeið. Ég var níu ára þegar lagið Survivor
kom út og ég söng oftast hástöfum með
í hvert skipti sem ég heyrði lagið einhvers
staðar og hef haldið mikið upp á það síðan
þá. Svo minnir mig að fyrsti geisla diskurinn
sem ég hafi keypt hafi einmitt verið
diskurinn þeirra.
Er einhver matur sem þú borðar
alls ekki?
Dauð dýr og dýraafurðir. Ég hef verið græn­
metisæta í fimm ár en grænkeri (vegan) í
næstum því þrjú ár, vegna dýraverndunar­
og umhverfissjónarmiða.
Átrúnaðargoðið þitt?
Sólveig Anna Jónsdóttir. Mig langar að
verða eins og hún þegar ég verð stór.
Hver er fyrsta minningin þín?
Ég held það hafi verið þegar ég fór í
ljósmyndatöku, ég var rosafín og man að
ég var að ganga yfir hvíta pappírinn sem
var á gólfinu en það var svona stór rúlla af
pappír sem hékk frá loftinu og alveg niður
að gólfi til að búa til flottan bakgrunn fyrir
myndatökuna.
Mig minnir að ég hafi einmitt hugsað þegar
ég stóð fyrir utan þetta rými, já, þetta er
svona til sýnis, þau rúlla pappírnum niður
til að gera þetta flottara. Svoleiðis virkar
þetta. Mamma er hissa á að ég muni eftir
þessu, af því að ég var tveggja ára.

Erfiðasta sem þú hefur gert?
Að þurfa að horfa upp á óréttlæti
samfélagsins sem birtist í því að fólk lifir
í fátækt. Það er búið að vera sérstaklega
erfitt að þurfa að horfa upp á andlegar og
félagslegar afleiðingar fátæktar á sína eigin
móður og finnast maður svo varnarlaus
gagnvart stöðunni.
En mest gefandi?
Að fá að taka þátt í þessari öflugu
sósíalistahreyfingu sem ég er í, það er búið
að vera yndislegt að fá að kynnast öllu því
magnaða fólki sem starfar í Sósíalista­
flokknum og ég er heldur betur komin með
nóg af núverandi stöðu þar sem peningar
og auðsöfnun fárra, virðast oft skipta
meira máli en fólk og lífsgæði allra.
Trúir þú á geimverur?
Sko, ég hef mikið pælt í þessu og bara
er ekki alveg viss, hoppa á milli þess að
vera sannfærð um að það sé líf á öðrum
plánetum og úti í geimi, en hvers konar
verur er svo stóra spurningin.
Svo þarf ég stundum að stoppa mig af og
hugsa bara, nei, nú er ég búin að horfa á of
mikið af bíómyndum og er farin að ímynda
mér eitthvað mjög skrautlegt.
En ég á það til að ofhugsa hlutina og svo
er ég líka með ADHD þannig að stundum
er ég komin langt í einhverjar svaka djúpar
pælingar.
En guð?
Ég trúi því klárlega að það sé eitthvað
æðra en við og að það sé einhver stór
tilgangur með lífinu öllu saman.
Margir í fjölskyldunni minni eru trúaðir
og ég held mjög mikið upp á gospel­
tónlist, hún er svo gríðarlega öflug
og kraftmikil.

Fyrsta atvinnan?
Ég byrjaði að bera út þegar
ég var þrettán ára en fyrir
þann tíma var ég mikið að
reyna að finna staði sem
vildu ráða mann en oft kom
maður að lokuðum dyrum
vegna aldurstakmarks.
Mannkostir þínir?
Ég held að ég sé mjög öguð manneskja og
það hefur hjálpað mér að komast í gegnum
margt. Ég get líka verið mjög bjartsýn
og skelli mér í hlutina þó að allar ytri
aðstæður segi að það sé kannski ekki það
sniðugasta í stöðunni. Ég er ekki hrædd
við margt og hugsa oft, hvað er það versta
sem getur gerst í stöðunni og oftast er það
ekkert svo hræðilegt.
Lestir þínir?
Að ofhugsa hlutina, sem getur samt
stundum verið kostur.
Nammi, snakk eða ís?
Súkkulaði! Fellur það ekki annars undir
nammi? En annars er allt þetta gott, held
sérstaklega mikið upp á dökkt súkkulaði,
svart Doritos, sem er vegan, og svo er til
svo gríðarlega mikið úrval af alls konar
góðum veganísum. Ég elska líka súkkulað­
ikökur.
Stærsta stundin í lífinu?
Að sjá að 3.758 einstaklingar hefðu kosið
Sósíalistaflokk Íslands í borgarstjórnar­
kosningum og að þar með værum við inni.
Fyrsti bíllinn?
Ég er alveg hræðileg
með að muna heiti bílgerða en þetta var
mjög ódýr, mjög nettur og krúttlegur bíll.
Ég man alveg hvernig hann leit út, hann
var grár og mig minnir að þetta hafi
verið Peugeot.
Ég notaði bíla fyrst eftir að
ég fékk bílpróf þegar ég
var 17 ára en réð ekki við
kostnaðinn á skólaárum,
og svo menga bílar svo
mikið. Núna er það
bara strætólífið.
Átt þú gælu-
dýr?
Nei ég á engin
gæludýr og
þó að ég sé
grænkeri
(vegan) meðal
annars vegna dýraverndunarsjónarmiða,
þá er ég ekki það mikill dýravinur. Það er
kannski út af því að ég og mamma höfum
alltaf búið á stöðum þar sem ekki mátti
hafa gæludýr og ég held að við hefðum
ekkert fengið okkur þó að það hefði verið
leyfilegt. Einu sinni átti ég samt svona lítið
dót, sem var eins og pinkulítill skjár á lykla­
kippu með dýri sem maður átti reglulega
að gefa að borða í gegnum takkana á
skjánum.
Besta bók sem þú hefur lesið?
Nú fæ ég valkvíða, en ég las A Thousand
Splendid Suns á sínum tíma og hún var
mjög góð.
Leiðinlegasta húsverkið?
Ég reyni að temja mér þann hugsunar­
hátt að ekkert sé leiðinlegt, heldur bara
misskemmtilegt og það fer eftir stuði
hvað situr á hakanum en ég elda rosamikið
heima hjá mér og stundum finnst mér ég
bara alltaf vera með fullt af óhreinum
eldhúsáhöldum sem ég á eftir að ganga
frá. Og ég bý bara ein og vaskurinn er samt
fljótur að fyllast!
Hvert langar þig að ferðast?
Mig langar að ferðast til allra landa í
heiminum, en mig langar mjög mikið til
að fara til Tansaníu. Faðir minn er þaðan
og ég hef aldrei farið þangað en er alltaf
á leiðinni að fara að reyna að skella mér.
Ég veit mjög lítið um Tansaníu og kann
ekki svahílí, tungumálið sem er talað þar,
ég kann samt nokkur orð eins og hakuna
matata en það þýðir „engar áhyggjur“.
Besta ráð sem þú hefur fengið?
Ekki hætta að reyna þó að hlutirnir gangi
ekki upp við fyrstu tilraun. Ég hlusta mikið
á R&B­tónlist og gleymi aldrei þessari
grípandi setningu í laginu hennar Aaliyah
heitinnar: „If at first you don’t succeed,
dust yourself off, and try again“. Finnst það
mjög peppandi ráð.
Sanna
Magdalena
31230572