Dagblaðið Vísir - DV - 24.05.2019, Blaðsíða 62

62 FÓKUS 24. maí 2019
B
jargfæri fjallar um unga
konu, Amöndu, sem ligg-
ur dauðvona á sjúkrabeði.
Í banalegunni situr dreng-
urinn David hjá henni og hjálpar
henni að segja sögu sína. Dreng-
urinn ýtir á Amöndu til að rifja
upp atburði sem kollvörpuðu til-
veru hennar og fjölskyldu henn-
ar, en Amanda virðist lítið muna
hvað olli því að hún bíður nú
dauða síns.
Bókin er fyrsta skáldsaga
hinnar spænsku Schweblin,
sem hefur áður skrifað smásög-
ur. Samkvæmt bókarkápu hefur
Bjargfæri verið þýdd á yfir tuttugu
tungumál og fengið góðar viðtök-
ur gagnrýnenda sem lesenda.
„Þetta skiptir ekki máli, við höf-
um nauman tíma,“ segir drengur-
inn ítrekað í sögunni sem er ekki
löng, en eigi að síður athyglisverð
og spennandi.
Orðið Bjargfæri er höfundi
mjög hugleikið og skýrir hann
orðið á eftirfarandi hátt: sú
mislanga fjarlægð sem aðskilur
foreldri og barn og hvort að for-
eldrið geti bjargað barninu innan
þeirrar fjarlægðar ef svo skelfilega
vill til að eitthvað hendi barnið.
„Af hverju reyna mæður alltaf að
sjá fyrir allt sem gæti gerst, vera
alltaf innan þessa bjargfæris,“
spyr drengurinn. Góðar viðtök-
ur bókarinnar eru verðskuldaðar
enda vekur hún hjá manni nett-
an óhug, ógnin er undirliggjandi
alla söguna og maður bíður eftir
útskýringu í bókarlok.
Sagan veltir fram þeirri hug-
leiðingu hvort taugin milli for-
eldris og barns geti slitnað. Hvað
gerum við og hvað getum við gert
þegar ógnin leynist alls staðar og
jafnvel oft svo nálægt okkur að við
sjáum hana ekki fyrr en eftir á,
jafnvel þegar það er orðið of seint.
Auðlesin, athyglisverð og
spennandi frumraun, sem skilur
eftir fleiri pælingar hjá manni en
hún svarar. n
V
anda og Alto hafa verið gift
í áratugi. Fyrir löngu síð-
an yfirgaf Alto Vöndu fyr-
ir yngri konu en tók síð-
an saman við hana aftur. Þau mál
hafa aldrei verið gerð upp og sam-
skiptin einkennast af biturleika.
Innbrot í íbúð hjónanna á með-
an þau eru fjarverandi í fríi neyð-
ir þau til uppgjörs við fortíðina því
svo mikið af gömlum munum og
minningaheimildum rótast upp
við innbrotið. Börn hjónanna, sem
nú eru orðin miðaldra, sköðuðust
andlega af skilnaðinum á sínum
tíma og bera þess enn merki. Þau
koma einnig mikið við sögu, sér-
staklega er á líður.
Þeir sem halda, eftir þessa lýs-
ingu, að hér sé á ferðinni niður-
drepandi saga, hafa rangt fyrir sér.
Bönd er bráðfyndin, hjartnæm og
afskaplega margslungin saga mið-
að við jafnstutt verk, eða 142 blað-
síður. Hún er ófyrirsjáanleg og
hrífandi og kemur lesendanum
nokkrum sinnum gjörsamlega í
opna skjöldu.
Sagan er svo listilega uppbyggð
að glöggur lesandi verður frá sér
numinn við það eitt. Þetta er flug-
beitt og sár saga, en um leið marg-
slungin, rétt eins og veruleikinn.
Fremur en að segja sögu hjóna-
bands þar sem ástin hefur verið
drepin með svikum og beiskju þá
segir höfundur okkur sögu sem
sýnir hvað ástin er margbrotin og
margvísleg. Því þetta er ekki ást-
laust hjónaband. Undir hrjúfleik-
anum ólga heitar tilfinningar.
Börn hjónanna, þetta mislukk-
aða miðaldra fólk, er síðan rúsín-
an í pylsuendanum. Þau eiga eftir
að koma lesandanum heldur bet-
ur á óvart.
Þetta er fágað verk, hlaðið sár-
um en fögrum sannleika um fjöl-
skylduböndin og ástarböndin.
Böndin sem halda okkum öllum
föstum með einum hætti eða öðr-
um – til bölvunar og blessunar.
Framúrskarandi lesning. Eigðu
gæðastund með þessari bók í
sumar.
Ritdómur um Bönd -
Sannleikurinn er sár en fagur
Ritdómur um Bjargfæri
- Hvað gerist þegar taugin milli
barns og foreldris slitnar?
Ágúst Borgþór Sverrisson
agustb@dv.is
Bækur
Bönd
Höfundur: Domenico Starnone
Útgefandi: Bókaklúbburinn Sólin
142 bls.
Ragna Gestsdóttir
ragna@dv.is
Bækur
Bönd
Höfundur: Samanta Schweblin
Jón Hallur Stefánsson íslenskaði
Útgefandi: Sæmundur
124 bls.
„Af hverju reyna
mæður alltaf að
sjá fyrir allt sem gæti
gerst, vera alltaf innan
bjargfæris