Dagblaðið Vísir - DV - 24.05.2019, Blaðsíða 22

22 UMRÆÐA
Sandkorn
24. maí 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Fréttastjóri: Kristinn Haukur Guðnason Prentun: Landsprent Dreifing: Árvakur
Stundum er betra að flýta sér hægt
S
tundum er betra að flýta
sér hægt. Fyrir jólin 2017
boðaði lögreglan mjög
óvænt til blaðamanna­
fundar og greindi frá aðgerðum
í því sem átti að vera stærsta mál
skipulagðrar glæpastarfsemi í Ís­
landssögunni og með tengsl til
tveggja annarra landa. Allir stór­
bokkar lögreglunnar stilltu sér
upp, og nokkrir erlendir upp á
skrautið einnig. Voru þeir búnir að
handtaka Al Capone? Eða Pablo
Escobar? Þvílíkar hetjur.
Tilkynnt var um handtökur,
gæsluvarðhaldsúrskurði,
haldlagðar eignir, fíkniefni,
peningaþvætti, fjársvik og svo
mætti lengi telja. Upp var búið að
ræta umsvifamikla erlenda mafíu
sem hafði hreiðrað um sig á litla
Íslandi. Þetta var stór dagur fyrir
lögregluna.
Síðan þá hefur töluverður
vindur lekið úr blöðrunni og lög­
reglan hefur sjálfsagt viljað gleyma
umræddum blaðamannafundi.
En þar sem búið var að blása svo
kröftuglega í lúðrana var ekki aftur
snúið. Það yrði of mikil niður­
læging og auðvelt að rifja upp
fundinn og spyrja lögregluna út í
framgang málsins.
Fleiri voru dregnir inn í málið,
fólk með einhverja tengingu við
meinta höfuðpaura og makar
þeirra. Á einhverjum tímapunkti
höfðu 28 einstaklingar stöðu
grunaðs manns. Gengið var hart
fram, húsleit gerð, farbönn sett
á, bókhald fjarlægt, símahleranir
framkvæmdar og svo fram vegis.
Dómstólar hafa slegið á puttana á
lögreglunni fyrir harðar aðgerðir
hennar.
Eftir níu mánaða meðgöngu
vildi ráðuneytið framselja
aðalbokkann í málinu til Póllands,
þrátt fyrir að stærsti hluti brotanna
hafi átt að vera framkvæmdur hér
á landi. Þetta hefði verið auðveld
leið til að losna við stóran hluta
málsins. En dómstólar slógu aftur
á puttana og stöðvuðu framsalið.
Komið hefur í ljós að stór hluti
eignanna sem lagt var hald á voru
íbúðarhús með háum áhvílandi
lánum. Hvar fíkniefnin eru getur
enginn sagt til um. Verslanirnar
þar sem peningaþvotturinn átti að
hafa farið fram eru enn þá opnar
og enn hægt að kaupa ljómandi
góðar súrar gúrkur þar.
Málið er nú komið inn til
ákærusviðs lögreglunnar og þar
verður tekin ákvörðun um næstu
skref. Ekki er loku fyrir það skotið
að einhverjir verði ákærðir og
jafnvel dæmdir. Tíminn verður
að leiða það í ljós. En ljóst er að
málið gaf aldrei tilefni til hins
mikla trumbusláttar í byrjun. Þá
hefur fólk sætt rannsókn og verið
bendlað við málið lengi með
tilheyrandi kostnaði, óþægindum,
andlegu álagi og skömm. Einnig
læðist óneitanlega að manni sá
grunur að ekki hefði verið farið
eins að ef hinir meintu höfuð­
paurar væru ekki útlendingar. Þá
er ótalinn kostnaður lögreglunnar
sjálfrar vegna málsins. Stórt teymi
hefur unnið að málinu lengi
en málið kom fyrst inn á borð
lögreglunnar árið 2016. Auðvitað á
ekki að telja krónur eins og Jóakim
Aðalönd gerir þegar um alvarleg
sakamál er að ræða. En þegar öll
kurl verða komin til grafar er líklegt
að umfang rannsóknarinnar og
aðgerðir hafi ekki hæft efninu.
Sérstaklega er það blóðugt í ljósi
þess að allir vita að lögreglan er
fjársvelt, laun lág og aðbúnaður
hennar landinu ekki til sóma. n
Leiðari
Kristinn Haukur Guðnason
kristinn@dv.is
„Farsakennd hegðun“
Merkilegt er að sjá Sigmund
Davíð og flokksbræður hans
í Miðflokknum stilla sér upp
fyrir myndavélarnar og monta
sig af málþófi vegna þriðja
orkupakkans, skælbrosandi og
glaðhlakkalegir.
Sigmundur sjálfur hefur nú
áður kveinkað sér undan mál­
þófi, þegar hann sjálfur var
forsætisráðherra. Vorið 2014
kvartaði hann undan „þver­
móðsku stjórnarandstöðunn­
ar“ sem væru „lítil takmörk
sett“ þegar verið var að ræða
skuldaniðurfellingu, eða Leið­
réttinguna miklu eins og hún
var kölluð. „Nánast farsakennd
hegðun“ og „nýjar lægðir“ voru
orð sem hann notaði þá.
En hvað er farsakenndara en
að þykjast vera rokkstjörnur
fyrir það eitt að sólunda tíma
þingsins?
Tilgangslaus
Persónuvernd
Persónuvernd hefur nú
úrskurðað að hljóðupptaka
Báru Halldórsdóttur á Klaustur
Bar hafi verið ólögleg. Ekki að
það hafi skipt nokkurn mann
máli í sjálfu sér.
Tilgangsleysi málsóknar innar
gegn Báru kristallast í því að
henni er ekki gert að greiða
sekt fyrir brot sitt. Sjálf hefur
hún sagt að eftir litlu sé að
slægjast hvort sem er, enda sé
hún öryrki.
Úrskurðurinn er því aðeins upp
á formið. Til að réttlæta tilvist
Persónuverndar sem stofnunar
án þess að taka neina áhættu
með beinum aðgerðum. Það
má teljast afar hæpið er að
skattfé almennings sé vel nýtt
með þessu.
Spurning vikunnar Ætlar þú að ferðast innanlands í sumar?
„Jájá, eitthvert þar sem eru golfvellir.“
Eggert Snorri Guðmundsson
„Já, en það er
óákveðið hvert ég fer.“
Óskar Örn Bragason
„Já, til Akureyrar og
kannski á Austurlandið líka.“
Sólrún Jensdóttir
„Nei, ég fer til útlanda
á sunnudag og verð þar í allt sumar.“
Hildur Þórðardóttir
Gaman í sjóferð Ferðamenn
fóru á eldingarhraða á Þrumu II framhjá
Sólfarinu við Sæbraut.
MYND: HANNA/DV