Morgunblaðið - 02.07.2019, Side 10

10 FRÉTTIRInnlent
MORGUNBLAÐIÐ ÞRIÐJUDAGUR 2. JÚLÍ 2019
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Égheyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“
Sigurður Bogi Sævarsson
sbs@mbl.is
Við Jökulsárlón á Breiðamerkur-
sandi verður á morgun, miðviku-
dag, formlega opnuð sýning á ljós-
myndum Ragnars Th. Sigurðs-
sonar af Vatnajökli og nágrenni
hans. Að frysta augnablikið er yf-
irskrift sýningarinnar sem holl-
vinasamtökin Vinir Vatnajökuls
standa fyrir, en þau eru tíu ára um
þessar mundir. Myndirnar eru á
stórum skiltum sem sett verða upp
á svæðinu.
Fræðslustígur opnaður
Við sama tilefni verður opnaður
fræðslustígur sem er á austur-
bakka Jökulsár, það er frá þjón-
ustubyggingum á svæðinu og það-
an niður í flæðarmál. Á þeirri leið
hafa verið sett upp skilti með
margvíslegum fróðleik um náttúru
og menningu þessa svæðis.
Unnið hefur verið að undirbún-
ingi og hönnun stígsins síðasta ár-
ið og hafa margir komið að málum,
að sögn Helgu Árnadóttur þjóð-
garðsvarðar á suðursvæði Vatna-
jökulsþjóðgarðs. Margt er í deigl-
unni á þeim slóðum um þessar
mundir og í dag, þriðjudag, stend-
ur svæðisráð suðursvæðis Vatna-
jökulsþjóðgarðs fyrir kynningar-
og hugarflugsfundi um framtíð
Breiðamerkursands og Jökuls-
árlóns. Fundurinn verður haldinn í
Mánagarði á Höfn í Hornafirði og
hefst kl. 18. Svæðisráð hefur síð-
ustu mánuði unnið að gerð stjórn-
unar- og verndaráætlunar fyrir
Breiðamerkursand og er fundurinn
liður í þeirri vinnu.
Breiðamerkursandur varð hluti
af Vatnajökulsþjóðgarði við friðlýs-
ingu svæðisins fyrir tveimur árum.
Undir er um 200 ferkílómetra
svæði af landi jarðarinnar Fells
sem ríkið keypti 2017. Öll náttúra
á þessu svæði er mjög mótuð af
ám og jöklum, sem nú hopa hratt.
Ljósmyndari Ragnar Th. við skiltin sem verða á Breiðamerkursandi.
Augnablik við Jökulsárlón
 Ljósmyndasýn-
ing og fræðslustíg-
ur verða opnuð Bergdís Ellertsdóttir, fastafulltrúiÍslands hjá Sameinuðu þjóðunum í
New York, mun taka við embætti
sendiherra í Bandaríkjunum 1.
ágúst, samkvæmt upplýsingum frá
utanríkisráðuneytinu. Þetta þýðir
að enginn íslenskur sendiherra
verður í Bandaríkjunum í einn
mánuð, en Geir H. Haarde lét af
störfum sendiherra þar í gær.
„Það eru nokkrar hrókeringar
hjá ráðuneytinu í sumar,“ sagði
Sveinn H. Guðmarsson, fjölmiðla-
fulltrúi utanríkisráðuneytisins, í
samtali við mbl.is.
Um sendiherraleysi í Bandaríkj-
unum í júlímánuði sagði hann að í
fjarveru sendiherra taki næstráð-
andi við hlutverki sendiherra þar
til nýr tekur til starfa. Þá sé að-
eins um fjórar vikur um há sumar
að ræða og ekki líklegt að hafi
áhrif á starfsemi sendiráðsins.
Jörundur Valtýsson, skrifstofu-
stjóri alþjóða og öryggisskrifstofu
utanríkisráðuneytisins, tekur við
hlutverki Bergdísar hjá Samein-
uðu þjóðunum í New York hinn
fyrsta ágúst. Á sama tíma verður
Helga Hauksdóttir skrifstofustjóri
laga- og stjórnsýsluskrifstofu ut-
anríkisráðuneytisins, sendiherra
Íslands í Danmörku og María Erla
Marelsdóttir, skrifstofustjóri þró-
unarsamvinnuskrifstofu ráðuneyt-
isins, verður sendiherra í Þýska-
landi.
Þá mun sendiherra Íslands í
Noregi, Hermann Ingólfsson, taka
við embætti fastafulltrúa Íslands
hjá NATO og Ingibjörg Davíðs-
dóttir tekur við fyrra starfi Her-
manns.
Benedikt Jónsson sendiherra
verður aðalræðismaður Íslands í
Færeyjum og Martin Eyjólfsson
og Anna Jóhannsdóttir sem gegnt
hafa störfum erlendis munu taka
til starfa í ráðuneytinu.
Hrókeringar í utan-
ríkisþjónustunni
Ljósmynd/Utanríkisráðuneytið
Bergdís Ellertsdóttir Hún verður
sendiherra í Bandaríkjunum.
Teitur Gissurarson
teitur@mbl.is
Engum börnum hefur á þessu ári
verið vísað frá neyðarvistun Stuðla,
meðferðarstöðvar ríkisins fyrir ung-
linga, en dæmi voru um að ungir fíkl-
ar hefðu í fyrra
ekki fengið inni í
neyðarvistun á
heimilinu vegna
plássleysis. Fé-
lagsmálaráðu-
neytið, þá vel-
ferðarráðuneytið,
brást við með
þeim hætti að Ás-
mundur Einar
Daðason, félags-
og barnamálaráð-
herra, gaf út þau tilmæli að engum
börnum skyldi vísað frá.
Í samtali við Morgunblaðið segir
Funi Sigurðsson, forstöðumaður
Stuðla, að breytingarnar sem nú hafi
verið gerðar séu fyrst og fremst að
hagrætt hafi verið inni í húsnæði
Stuðla og heimild fengist til að bjóða
upp á fleiri pláss en áður var. Til að
anna eftirspurn hafi einhverjum
skrifstofuplássum verið breytt í her-
bergi og starfsmenn því stundum „á
vergangi“.
„Það er bara eins og það er“
„Það var þannig að lokaða deildin
var bara skilgreind fyrir fimm
manns,“ segir Funi og segir að nú sé
ekkert hámark skilgreint í opinber-
um reglum, og því hafi á einum tíma-
punkti verið tekið á móti átta manns
í ár. Aðspurður segir hann að það
sem af er ári sé ekki fjölgun á börn-
um sem vísað er á Stuðla en „sveiflur
séu í þessu, eins og alltaf er“. Nefnir
hann í þessu dæmi að á þessu ári hafi
einu sinni verið tekið á móti átta
börnum, eins og áður segir, en einnig
hafi það farið niður í „eitt til ekkert
barn“.
Spurður nánar um þær aðgerðir
sem ráðist hafi verið í svarar Funi:
„Það er tvíþætt. Annars vegar höf-
um við hagrætt inni í húsinu. Við höf-
um getað búið til herbergi úr skrif-
stofum og starfsfólk er þar af
leiðandi á vergangi hér og þar. Það
er bara eins og það er. Hins vegar
höfum við aðeins bætt í fjölda starfs-
manna, sem veldur því að við ráðum
betur við þessar sveiflur.“
Hann segir að með nýsamþykktri
framkvæmdaáætlun á sviði barna-
verndar sé von á fjármagni til fram-
kvæmda. „Við erum að bíða eftir því
að breytingar verði gerðar á hús-
næðinu og mér skilst að þær séu á
næsta leiti. Þegar það verður komið
breytist mjög mikið. Það verður al-
veg frábært.“
Spurður um hvers kyns vanda
börnin sem tekið er á móti glími við
segir Funi: „Þetta eru meira og
minna börn með vímuefnavanda sem
koma inn á lokuðu deildina. Það
kemur alveg fyrir að það komi inn
börn sem ekki eru með neysluvanda,
þá vegna ofbeldis, óupplýstra af-
brota eða einhvers slíks, en mest eru
það börn með neysluvanda.“
Engum börnum vísað frá í ár
 Til að anna eftirspurn hefur skrifstofum á Stuðlum verið breytt í herbergi
Morgunblaðið/Kristinn Magnússon
Meðferðarheimilið Eitt sinn var tekið á móti átta börnum.Funi Sigurðsson
Ásmundur Einar Daðason, félags-
og barnamálaráðherra, gerði ný-
verið samning við Gísla H. Hall-
dórsson, bæjarstjóra Árborgar, um
móttöku flóttafólks frá Sýrlandi.
Samningurinn felur í sér mót-
töku, aðstoð og þjónustu við fimm
flóttamenn á tímabilinu 2019-2021.
Fólkið kom til landsins í maí síðast-
liðnum, ásamt 42 öðrum flótta-
mönnum sem settust að á Hvamms-
tanga og á Blönduósi. Fólkið er
hingað komið fyrir tilstuðlan ís-
lenskra stjórnvalda og Flótta-
mannastofnunar Sameinuðu þjóð-
anna. Þetta er í annað sinn sem
Árborg tekur á móti flóttafólki í
samstarfi við íslensk stjórnvöld og
hefur myndast mikil þekking og
reynsla hjá sveitarfélaginu við mót-
töku flóttafólks, að því er fram
kemur á vefsíðu félagsmálaráðu-
neytisins.
Íslensk stjórnvöld hafa á und-
anförnum árum aukið verulega við
móttöku flóttafólks í samstarfi við
Flóttamannastofnun SÞ, sveit-
arfélög og Rauða krossinn á Ís-
landi. Í ár verður í heildina tekið á
móti 75 manns, annars vegar flótta-
fólki frá Líbanon sem kemur frá
Sýrlandi og hins vegar frá Kenía
sem kemur víðs vegar frá Afríku.
Árborg tekur á móti
sýrlensku flóttafólki