Morgunblaðið - 02.07.2019, Qupperneq 25

ÍÞRÓTTIR 25
MORGUNBLAÐIÐ ÞRIÐJUDAGUR 2. JÚLÍ 2019
Smáratorgi 1, 201 Kóp., s. 588 6090, vl@verkfaeralagerinn.is
Verkfæralagerinn
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Kolibri trönur
í miklu úrvali, gæða-
vara á góðu verði
Kolibri penslar
Handgerðir þýskir penslar
í hæsta gæðaflokki
á afar hagstæðu verði
Ennþá meira úrval af
listavörum
WorkPlus
Strigar frá kr. 195
Íþróttafréttamenn í dag
eru jafn misjafnir og þeir eru
margir. Efnið sem fólk sendir frá
sér er mismunandi og að sjálf-
sögðu er lítið annað að gera en
að fagna öllum fjölbreytileik-
anum. Tíðarandinn í íþrótta-
blaðamennsku í dag virðist samt
sem áður snúast voðalega mikið
um það að vera fyndinn og snið-
ugur.
Eftir að hlaðvörp komu til sög-
unnar fá íþróttafréttamenn sér
vettvang til þess að reyta af sér
brandarana. Ég tala nú ekki um
Twitter. Það er eitt að koma vel
frá sér orði á blað en svo er það
allt annar handleggur að koma
því í fyrirsögn sem fær lesand-
ann til þess að lesa efnið sem þú
sendir frá þér.
Margir íþróttablaðamenn tala
hreinlega í fyrirsögnum í dag. Ég
hlustaði á hlaðvarp um daginn
þar sem ákveðinn leikmaður KR
var gagnrýndur fyrir það að vera
feitur og lélegur með Víkingum
síðasta sumar. Algjört bull. Gæ-
inn hafði verið einn mikilvægasti
leikmaður Víkinga undanfarin ár,
bæði í vörn og á miðsvæðinu.
Fyrir landsleikina við Albaníu
og Tyrkland birtist svo viðtal þar
sem var talað um að það væri
enginn að kaupa steikina sem
Hamrén væri að selja. Kjánalegt
viðtal. Hamrén hafði náð í úrslit í
öllum leikjum sem skipta máli og
þótt það hafi verið mikil pressa á
honum fyrir þessa tvo leiki talaði
viðmælandinn eins og Hamrén
væri það versta sem hefði komið
fyrir íslenska knattspyrnu.
Auðvitað á umræðan að vera
á léttu nótunum en þú þarft ekki
alltaf að troða inn misgóðum
Ladda-bröndurum endalaust.
Umræðan um Arnþór Inga og Er-
ik Hamrén fær mig oftast til
þess að leiða hugann að mál-
tækinu „bylur hæst í tómri
tunnu“.
BAKVÖRÐUR
Bjarni Helgason
bjarnih@mbl.is
tveir einstaklingar sett Íslandsmet í
sömu frjálsíþróttagrein á sama degi,
og hvað þá einstaklingar sem ekki
hafa náð tvítugsaldri.
„Erum mjög kappsamar
en á góðan hátt“
„Ég er ótrúlega ánægð fyrir hönd
Guðbjargar og myndi ekki vilja að
nein önnur myndi taka þetta Íslands-
met af mér. Það er skemmtilegt að
það sé þá æfingafélagi minn og við er-
um bestu vinkonur, sem ýtum hvor
annarri áfram. Við erum mjög kapp-
samar en á góðan hátt. Okkur langar
alltaf að bæta metið hjá hvor annarri
og það er bara gaman. Við vorum
báðar með þetta met í sigtinu, og það
var ótrúlega gaman að við skyldum
báðar hlaupa undir því og ná góðri
bætingu fyrir EM. Þessir tímar setja
okkur í toppstöðu fyrir það mót,“ seg-
ir Tiana, en þær Guðbjörg eru sem
stendur í 5. og 6. sæti yfir bestan ár-
angur Evrópubúa í 100 metra hlaupi
á árinu, í hópi þeirra sem fæddar eru
árið 2000 eða síðar. Það er einmitt sá
hópur sem gjaldgengur er á EM U20
ára í Borås í Svíþjóð sem hefst 18.
júlí, en það er það mót sem Tiana hef-
ur haft efst í huga á þessu ári. Eins og
fyrr segir æfa þær Guðbjörg saman
hjá ÍR og ýta hvor annarri áfram með
heilbrigðri samkeppni:
„Við erum mjög ólíkar og þess
vegna er það ótrúlega fyndið að við
skulum hlaupa á sama tímanum. Ég
er sterkari í startinu en Guðbjörg
sterkari í lokin. Þess vegna er það oft
þannig að ég tek fram úr í byrjun en
hún keyrir mig niður í lokin. Þess
vegna er hún líka sterkari en ég í 200
metra hlaupi. En þetta virkar vel fyr-
ir okkur og lætur mig vilja auka hrað-
aúthaldið en hana vilja starta hrað-
ar,“ segir Tiana. Ísland hefur ekki átt
mikið af framúrskarandi spretthlaup-
urum í gegnum tíðina en forvitnilegt
verður að sjá hve langt þær Guðbjörg
geta náð:
„Við setjum okkur engin takmörk.
Við höfum bætt okkur gríðarlega
mikið á síðustu árum og stefnan er
bara sett á að halda því áfram. Það er
draumur okkar beggja að komast á
Ólympíuleikana og það er alveg raun-
hæfur draumur.“
Í góðar hendur í Bandaríkjum
Tiana er fædd í Bretlandi en pabbi
hennar er Bretinn Mark Whitworth
og mamman Auður Árnadóttir. Tiana
hefur hins vegar búið á Íslandi nánast
allt sitt líf en bráðum kemur að því að
hún hleypi heimdraganum. Hún út-
skrifaðist úr Verslunarskóla Íslands í
vor og fer nú í haust til Bandaríkj-
anna, nánar tiltekið Kaliforníu, þar
sem hún mun hlaupa fyrir San Diego
State-háskólann. Tiana segir Krist-
ínu Birnu Ólafsdóttur-Johnson, þjálf-
ara hjá ÍR og áður hlaupakonu, hafa
gefið skólanum góð meðmæli en
Kristín Birna útskrifaðist sjálf þaðan.
„Ég vildi komast í betri æfingaað-
stæður og í þessa sterku samkeppni
sem er þarna úti. Þjálfarinn sem ég
mun æfa hjá er þekkt fyrir að þjálfa
mjög góðan hóp atvinnumanna, auk
þess að vera háskólaþjálfari, svo ég er
á leiðinni í mjög góðar hendur. Þetta
lofar allt saman mjög góðu,“ segir
Tiana. Næsta mót hennar er Meist-
aramót Íslands 13.-14. júlí í Reykja-
vík en EM U20 hefst svo 18. júlí.
Hlýddi kenn-
aranum og sló
Íslandsmetið
 Tiana Ósk Whitworth missti metið
til bestu vinkonunnar sama dag
Morgunblaðið/Skapti Hallgrímsson
Fljót Tiana Ósk Whitworth ÍR varð Íslandsmeistari í 100 metra hlaupi
á síðasta ári og hún náði Íslandsmetinu um tíma á laugardaginn.
FRJÁLSAR
Sindri Sverrisson
sindris@mbl.is
„Ég var alltaf á fullu í fimleikum. Við
tókum svo eitthvert hlaupapróf í
grunnskóla, þegar ég var 13 ára, þar
sem við hlupum 100 metra sprett.
Íþróttakennarinn minn sagði að ég
hefði bara slegið Íslandsmet og að ég
yrði að fara á frjálsíþróttaæfingu.“
Einhvern veginn svona hefst sagan af
því hvernig 25 ára Íslandsmet Sunnu
Gestsdóttur í 100 metra hlaupi féll
um helgina, á einstökum degi í ís-
lenskri frjálsíþróttasögu.
ÍR-ingurinn Tiana Ósk Whitworth,
sem verður 19 ára á laugardaginn,
hlýddi ráðum íþróttakennara síns á
sínum tíma og sneri sér að frjálsum
íþróttum. „Ég mætti á mína fyrstu
æfingu, fannst þetta geggjað, hætti í
fimleikum og hef bara verið í frjálsum
síðan. Það koma rosalega margir í
frjálsar úr fimleikum, enda gefa fim-
leikarnir manni rosalega mikinn
styrk,“ segir Tiana. Síðastliðinn laug-
ardag bætti hún met Sunnu um 6/100
úr sekúndu með því að koma í mark á
11,57 sekúndum í undanrásum á
sterku unglingamóti í Mannheim í
Þýskalandi.
Eins ótrúlegt og það kann að
hljóma þá var Tiana ekki lengur Ís-
landsmethafi þegar hún lagðist á
koddann á laugardagskvöld. Liðs-
félagi hennar, Guðbjörg Jóna Bjarna-
dóttir, hafði þá slegið henni við í úr-
slitahlaupinu sama dag með því að
hlaupa á 11,56 sekúndum. Aðeins 1/
100 úr sekúndu á undan Tiönu sem
hljóp á nákvæmlega sama tíma í und-
anrásum og úrslitum, og fékk silf-
urverðlaun á mótinu. Aldrei fyrr hafa
Forráðamenn enska knattspyrnusambandsins eru æfir
yfir þeirri staðreynd að fulltrúar bandaríska landsliðs-
ins hafi fengið að valsa um hótel enska landsliðsins í
Lyon, fyrir leik liðanna í undanúrslitum HM í kvöld.
Málið er hálfótrúlegt og segir Phil Neville, þjálfari
Englands, að aldrei hefði nokkrum í röðum Englendinga
dottið í hug að fara inn í bækistöðvar andstæðinganna
fyrir leik. Hvað þá inn í einkarými á meðan enska liðið
var á æfingu. Hann taldi málið þó ekki koma til með að
hafa áhrif á úrslit leiksins.
Jill Ellis, landsliðsþjálfari Bandaríkjanna, segir málið
byggt á misskilningi og að fulltrúar bandaríska liðsins,
sem voru þó ekki klæddir einkennisfatnaði, hafi aðeins verið að skoða að-
stöðuna á hótelinu með það í huga að gista á því fyrir úrslitaleik HM á
sunnudag. „Ég hefði haldið að allir gerðu þetta. Maður verður að skipu-
leggja fram í tímann,“ sagði Ellis, og þvertók fyrir að málið lýsti einhvers
konar hroka af hálfu bandaríska liðsins. „Þetta snýst bara um að gera
áætlanir og undirbúa starfsliðið.“ sindris@mbl.is
Hótelheimsókn eða njósnir?
Jill
Ellis
Heimir Hallgrímsson hætti sem þjálfari karlaliðs ÍBV í
knattspyrnu að loknu keppnistímabilinu 2011 og á hálfu
áttunda ári frá þeim tíma hafa tólf þjálfarar stýrt liðinu.
Þeir gætu orðið þrettán fyrr en varir því sá tólfti, Pedro
Hipólito frá Portúgal, var rekinn seint í fyrrakvöld eftir
sjöunda ósigur ÍBV í fyrstu tíu leikjum sínum í Pepsi
Max-deild karla á þessu tímabili. Einn þeirra tólf sem
hafa verið við stjórnvölinn frá 2011, Ian Jeffs, stýrir lið-
inu fyrst í stað en hann var aðstoðarþjálfari Hipólito,
ásamt því að vera aðstoðarþjálfari kvennalandsliðsins.
Hipólito sagði við mbl.is í gær að hópur ÍBV væri
þunnskipaður og liðið hefði þurft fleiri gæðaleikmenn til
að vera samkeppnisfært í efstu deild. Hann hefði ekki átt von á að vera
rekinn því nú væri búið að opna fyrir félagaskiptin og þar hefðu legið
ákveðin tækifæri. Hipólito kvaðst hinsvegar virða ákvörðun ÍBV og vona
að sá sem tæki við gæti haldið liðinu í deildinni. vs@mbl.is
Kemur sá þrettándi til Eyja?
Pedro
Hipólito