Morgunblaðið - 02.07.2019, Síða 13

FRÉTTIR 13Erlent
MORGUNBLAÐIÐ ÞRIÐJUDAGUR 2. JÚLÍ 2019
Hólshraun 3, 220 Hafnarjörður · Símar 555 1810, 565 1810 · veislulist@veislulist.is · www.veislulist.is
SKÚTAN
Veitingar af öllum stærðum,
hvort sem er í sal eða
heimahúsi
Nánar á veislulist.is
Erfidrykkja
Stefán Gunnar Sveinsson
sgs@mbl.is
Fjöldamótmæli brutust út í Hong
Kong í gær, en þá voru 22 ár liðin frá
því að Bretar afhentu Kínverjum yf-
irráð yfir nýlendu sinni þar. Mótmæl-
in urðu róstusöm þegar á leið daginn
og gerðu mótmælendur áhlaup á bæði
stjórnarskrifstofur Hong Kong-hér-
aðs sem og þinghús þess.
Skrifuðu mótmælendur slagorð á
veggi þingsalarins með úðabrúsum,
auk þess sem þeir sveipuðu ræðupúlt
þingsins hinum gamla nýlendufána
Breta. Þá var skjaldarmerki Hong
Kong, sem tekið var upp við yfirtöku
Kínverja, skemmt með úðabrúsum,
auk þess sem mótmælendur reistu
borða yfir þingsalinn, þar sem stóð
„Hong Kong er ekki Kína“.
Lögreglan í Hong Kong varaði við
því að hún myndi beita „viðeigandi
afli“ til þess að fjarlægja mótmælend-
ur úr húsinu, og var táragasi og kylf-
um beitt til þess að dreifa mannfjöld-
anum. Munu flestir mótmælendur
hafa yfirgefið þinghúsið án mót-
spyrnu við svo búið.
Kröfðust afsagnar Lam
Mótmælin eru framhald óeirða sem
verið hafa undanfarnar vikur í hér-
aðinu eftir að umdeild löggjöf, sem
hefði heimilað framsal til kínverskra
yfirvalda, var lögð fyrir þingið. Hafði
öldur lægt nokkuð eftir að frumvarpið
var dregið til baka, en mikil spenna
hefur engu að síður ríkt í héraðinu.
Tugir þúsunda manna tóku þátt í
friðsamlegri fjöldagöngu fyrr um
daginn, þar sem þess var krafist að
Carrie Lam, héraðsstjóri Hong Kong,
segði af sér embætti vegna framsals-
málsins, en hún er talin of leiðitöm
stjórnvöldum í Peking. Þá mótmæltu
þeir einnig minnkandi frelsi Hong
Kong-búa, sem sagt var í trássi við
þau fyrirheit sem Kínverjar gáfu við
yfirtökuna árið 1997.
Þegar líða tók að kvöldi breyttist
yfirbragð mótmælanna, og hófu ungir
menn með öryggishjálma á höfði
áhlaup á helstu stjórnarbyggingar
Hong Kong líkt og fyrr sagði.
Styður friðsamleg mótmæli
Jeremy Hunt, utanríkisráðherra
Bretlands, sagði í gær að Bretar
styddu og myndu áfram styðja við
réttindi Hong Kong. Varaði hann hins
vegar mótmælendur við því að þeir
þyrftu að forðast beitingu ofbeldis.
Hins vegar væri nauðsynlegt að varð-
veita rétt Hong Kong-búa til friðsam-
legra mótmæla líkt og þeirra sem
hundruð þúsund íbúa héraðsins hefðu
efnt til fyrr um daginn.
Mótmælendur tóku yfir þinghúsið
 22 ár liðin frá yfirtöku Kínverja á Hong Kong  Bretar styðja við „frelsi til friðsamlegra mótmæla“
AFP
Óeirðir Mótmælendur skemmdu
merki Hong Kong í þingsalnum.
Japanskir hvalveiðimenn sjást hér hella hrísgrjónavíni
eða sake yfir nýveidda hrefnu, en hvalurinn var einn af
þeim fyrstu sem dregnir voru að landi í gær eftir að
Japanir hófu á ný hvalveiðar í ágóðaskyni.
Rúmlega þrír áratugir eru liðnir síðan Japanir
stunduðu síðast slíkar hvalveiðar, en þeir sögðu sig
formlega úr Alþjóðahvalveiðiráðinu á sunnudaginn.
Ráðgert er að þeir veiði 227 hvali, þar af 52 hrefnur.
AFP
Japanir hefja hvalveiðar á ný
Ríkisfjölmiðlar
Norður-Kóreu
hömpuðu Donald
Trump í gær fyr-
ir að hafa fundað
með Kim Jong-
un, leiðtoga
Norður-Kóreu, á
sunnudaginn í
landamæraþorp-
inu Panmunjom.
Þá sögðu kín-
versk stjórnvöld að fundurinn gæfi
sögulegt tækifæri til að ná sáttum á
Kóreuskaganum.
Demókratar á Bandaríkjaþingi
gagnrýndu Trump hins vegar harð-
lega, meðal annars fyrir að hafa
boðið Kim til Washingtonborgar,
og sökuðu hann um að hafa gefið
einræðisherranum um of undir fót-
inn. Öldungadeildarþingmennirnir
Elizabeth Warren og Kamala Harr-
is, sem báðar sækjast eftir útnefn-
ingu demókrata til forseta-
framboðs, voru þar á meðal, og
sögðu þær Trump eingöngu hafa
sóst eftir góðu ljósmyndatækifæri á
kostnað mannréttinda. Repúblik-
anar hrósuðu hins vegar Trump
fyrir að hafa sýnt forystu með hin-
um óvænta fundi sínum með Kim.
Trump hampað fyrir
Panmunjom-fundinn
Donald
Trump
NORÐUR-KÓREA
Javad Zarif, utanríkisráðherra Írans,
tilkynnti í gær að Íranar ættu nú
meira en 300 kílógrömm af auðguðu
úrani, en það er hámarkið sem þeim
var sett samkvæmt kjarnorkusam-
komulagi landsins við alþjóðasam-
félagið árið 2015. Alþjóðakjarnorku-
málastofnunin staðfesti yfirlýsingu
Zarifs síðar um daginn.
Íranar tilkynntu um miðjan júní að
þeir hygðust fara yfir mörkin nema
Bandaríkjastjórn hætti við refsi-
aðgerðir sínar gegn landinu og fylgdi
samkomulaginu. Þá hótuðu Íranar í
maí síðastliðnum að þeir myndu
ganga enn lengra nema þau stórveldi
sem enn standa að samkomulaginu,
Bretland, Frakkland, Þýskaland,
Kína og Rússland, veittu Írönum
virka aðstoð við að fara framhjá refsi-
aðgerðum Bandaríkjanna.
Evrópusambandið tilkynnti á neyð-
arfundi sem haldinn var með Írönum
og öðrum aðilum samkomulagsins á
föstudaginn að það hefði sett á fót sér-
staka leið, INSTEX, til þess að hjálpa
Írönum að komast fram hjá refsiað-
gerðunum, og að þegar væri byrjað
að veita fé í gegnum hana. Zarif sagði
hins vegar í yfirlýsingu sinni í gær, að
leið Evrópusambandsins væri ekki
nógu öflug, og því myndu Íranar
standa við hótanir sínar.
Hóta að auðga úranið meira
Meðal þess sem Íranar hafa hótað
er að þeir muni byrja að auðga úran
upp að hærra hlutfalli en þau 3,67%
sem Íransstjórn er heimilað sam-
kvæmt samkomulaginu. Hlutfallið
sem notað er í kjarnorkuoddum er um
90%.
Bretar, Frakkar og Þjóðverjar
hafa hvatt Írana til þess að standa
áfram við sinn hluta samkomulagsins,
þrátt fyrir að Bandaríkjastjórn hafi
dregið sig úr því. Þá hafa Evrópuríkin
þrjú varað Írana við afleiðingum þess
að rjúfa skilmála þess um magn auðg-
aðs úrans.
Íranar komnir yfir
leyfilegt magn
 Bandaríkja-
stjórn hótar „há-
marksþrýstingi“
AFP
Íran Aðildarríki samkomulagsins
funduðu í Vín á föstudaginn.
Donald Tusk, forseti leiðtogaráðs
Evrópusambandsins, frestaði um
hádegisbilið í gær leiðtogafundi
sambandsins, en þeir höfðu þá setið
á rökstólum í um 18 klukkutíma án
þess að ná samkomulagi um það
hverjir eigi að taka við nokkrum
helstu embættum sambandsins.
Leiðtogarnir munu aftur hefja fund í
dag. Angela Merkel Þýskalands-
kanslari sagðist vona að hægt yrði
með „góðum vilja“ að ná málamiðlun
um það hverjir ættu að skipa emb-
ættin, en málamiðlunartillaga henn-
ar og Emmanuels Macron Frakk-
landsforseta, um að Frans
Timmermans, jafnaðarmaður frá
Hollandi, yrði næsti forseti fram-
kvæmdastjórnarinnar, mætti mikilli
andstöðu frá leiðtogum Póllands og
Ungverjalands, sem þótti tillagan
halla um of á hægriblokkina EPP,
sem fékk flest atkvæði í Evrópu-
þingskosningunum síðast án þess þó
að ná meirihluta.
Engin sátt
um Timm-
ermans
 Ungverjar og Pól-
verjar á móti honum