Morgunblaðið - 02.07.2019, Page 24

JÚNÍ
Sindri Sverrisson
sindris@mbl.is
Sveindís Jane Jónsdóttir er á sinni
fimmtu leiktíð með meistaraflokki
Keflavíkur. Fyrir tæpum þremur ár-
um var hún fengin á sínar fyrstu æf-
ingar með A-landsliði Íslands. Hún
er burðarás í liði Keflavíkur og hefur
skorað þrjú mörk í sex leikjum í úr-
valsdeildinni í fótbolta í sumar og átt
sinn þátt í því að nýliðarnir eru ekki í
fallsæti. Það kann því að koma ein-
hverjum á óvart að Sveindís er að-
eins nýorðin 18 ára.
Sveindís og Natasha Anasi, liðs-
félagi hennar í Keflavík, stóðu upp
úr í júnímánuði í Pepsi Max-
deildinni. Keflavík vann tvo frábæra
sigra í júní, 4:0 gegn KR á útivelli og
svo 5:0 gegn Stjörnunni á heimavelli,
en aðeins voru leiknar tvær umferðir
í mánuðinum. Auk þeirra er mark-
vörðurinn Aytac Sharifova frá Kas-
akstan í úrvalsliði mánaðarins hjá
Morgunblaðinu en hún kom til liðs
við Keflavík eftir að Íslandsmótið
hófst og hefur staðið sig mjög vel.
„Við höfum átt þetta inni. Við vor-
um alveg búnar að standa okkur vel í
þessum fimm tapleikjum en hlut-
irnir féllu ekki með okkur, ef svo er
hægt að segja. Síðan small þetta í
síðustu leikjum og vonandi heldur
það þannig áfram. Við fengum alveg
að heyra það að þetta yrði bara eins
og hjá karlaliði Keflavíkur í fyrra,
sem féll strax niður án þess að vinna
leik, en við nenntum ekki að vera
svona lið sem að bíður alltaf eftir
sigri. Við vorum staðráðnar í að
setja í næsta gír og gerðum það,“
segir Sveindís.
Bíð eftir öðru tækifæri
Það var snemma ljóst að miklir
hæfileikar byggju í Sveindísi en
sumarið 2016 skoraði hún 27 mörk í
19 leikjum fyrir Keflavík í 1. deild-
inni, 15 ára gömul. Þess vegna sá
Freyr Alexandersson þáverandi
landsliðsþjálfari ástæðu til þess að
kalla hana til æfinga um haustið, í
æfingahóp leikmanna sem spiluðu
með íslenskum félagsliðum: „Ég
man vel eftir því. Það var mjög
skemmtilegt, enda var ég nú ekkert
að stefna á A-landsliðið þá. Ég bíð
eftir öðru svona tækifæri, vonandi
bráðlega. Ég er enn gjaldgeng í
U19-landsliðinu en það væri ótrú-
lega skemmtilegur bónus að fá tæki-
færi alla vega til að æfa með A-
landsliðinu.“
Stefnir til Bandaríkjanna
Sveindís hefur alls skorað 45
mörk í 64 deildarleikjum fyrir Kefla-
vík, uppeldisfélagið sem hún hefur
alltaf spilað með, og hún hefur skor-
að 16 mörk í 31 leik fyrir yngri
landslið Íslands. Hún er ánægð með
frammistöðu sína og Keflavíkurliðs-
ins hingað til í sumar:
„Ég er nokkuð sátt en ég veit að
ég get betur og finnst ég bæta mig
með hverjum leiknum. Liðið okkar
hefur mjög lítið breyst síðustu þrjú
ár og þetta eru alveg frábærar stelp-
ur, liðsheildin geggjuð og ótrúlega
gaman að vera með þessu liði. Það er
bjartara yfir okkur núna eftir þessa
tvo sigra, en við getum ekki bara
verið ánægðar með þetta heldur
verðum við að halda áfram.“
Með frammistöðu sinni í 1. deild
vakti Sveindís vitaskuld áhuga nokk-
urra af bestu félögum landsins og
hún fór til reynslu hjá Kristianstad í
Svíþjóð haustið 2016. Hún hefur hins
vegar haldið tryggð við Keflavík.
„Ég fékk tilboð frá einhverjum en
ég var ákveðin í að vera áfram í
Keflavík, og sá ekki ástæðu til að
breyta til í vetur fyrst við vorum
komnar í efstu deild. Kannski prófa
ég eitthvað nýtt með tímanum en
mér líður vel í Keflavík. Ég ætla svo
alla vega út í háskólafótboltann í
Bandaríkjunum á næsta ári, ef það
gengur vel í skólanum í vetur. Ég er
búin að fá tölvupósta frá einhverjum
skólum en hef svo sem ekkert verið
að skoða þá alveg strax. Ég horfi
ekki til atvinnumennsku núna en það
er markmiðið síðar meir,“ segir
Sveindís.
Hæfileikarnir frá mömmu
sem stalst til að spila?
Foreldrar Sveindísar eru Eunice
Ama Quayson og Jón Sveinsson og
Sveindís segir mömmu sína hand-
vissa um að fótboltahæfileikana hafi
hún erft frá sér:
„Mamma mín er frá Gana og
amma mín hét Jane, svo ég heiti í
höfuðið á henni. Mamma kom hingað
árið 2000 og ég fæddist árið 2001.
Mömmu var ekki leyft að vera í fót-
bolta þegar hún var ung, einfaldlega
vegna þess að hún var stelpa, þannig
að hún stalst til þess að spila fót-
bolta. Hún segir að ég hafi þessa
hæfileika frá henni, þó að ég trúi því
nú ekki að hún hafi verið neitt svaka-
lega góð. Pabbi var ekki mikið í fót-
bolta,“ segir Sveindís lauflétt í
bragði, áður en hún snýr sér aftur að
garðyrkjustörfunum sem Morgun-
blaðið truflaði hana frá.
 Úrvalslið júnímánaðar er hér
fyrir ofan. Natasha Anasi, Cloé La-
casse og Elín Metta Jensen voru
einnig í úrvalsliði maímánaðar en
hinar átta eru í fyrsta skipti í úrvals-
liði mánaðar á þessu tímabili.
Mömmu bannað að æfa
en Sveindís sló ung í gegn
 Sveindís Jane Jónsdóttir er leikmaður júnímánaðar hjá Morgunblaðinu
Morgunblaðið/Hari
Öflug Sveindís Jane Jónsdóttir er aðeins 18 ára gömul en hefur þegar leikið í tæp fimm ár með meistaraflokki
Keflavíkur og skorað 45 mörk fyrir liðið í deildakeppninni, þrjú þeirra í úrvalsdeildinni í sumar.
3-4-3
Lið júnímánaðar hjá Morgunblaðinu
Pepsi Max-deild kvenna 2019
Aytac Sharifova
Kefl avík
Þórdís Hrönn
Sigfúsdóttir
Þór/KA
Cloé Lacasse
ÍBV
Selma Sól
Magnúsdóttir
Breiðabliki
Ásdís Karen
Halldórsdóttir
KR
Margrét Lára
Viðarsdóttir
Val
Sveindís Jane
Jónsdóttir
Kefl avík
Gígja Valgerður
Harðardóttir
HK/Víkingi
Natasha Anasi
Kefl avík
Elín Metta Jensen
Val
Anna María
Friðgeirsdóttir
Selfossi
Fjöldi sem leikmaður
fékk í mánuðinum
5
2
2 2
4
2
3 3
4
2
32
24 ÍÞRÓTTIR
MORGUNBLAÐIÐ ÞRIÐJUDAGUR 2. JÚLÍ 2019
OFNÆMI Í NEFI?
Cetirizin STADA filmhúðaðar töflur innihalda cetirizin tvíhýdróklóríð, 10 mg, og er lyfið notað til að draga úr einkennum í nefi og augum vegna
árstíðabundins eða stöðugs ofnæmiskvefs og til að draga úr einkennum langvinns ofsakláða af óþekktum orsökum. Lesið vandlega upplýsingar á
umbúðum og í fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir.
Sjá nánari upplýsingar um lyfið á www.serlyfjaskra.is.
OFNÆMI
Í AUGUM?
 Körfuknattleiksmaðurinn öflugi Ke-
vin Durant er á leið til Brooklyn Nets
eftir að hafa spilað með Golden State
Warriors í þrjú ár. Þetta var staðfest á
samfélagsmiðlum af fyrirtæki hans,
The Boardroom, en hann getur form-
lega gengið til liðs við Brooklyn á laug-
ardaginn kemur þegar þeir sem eru
með lausa samninga geta skipt um fé-
lag. Durant varð meistari með Golden
State 2017 og 2018 og var í bæði
skiptin valinn besti leikmaður úrslita-
keppninnar. Hann gerir fjögurra ára
samning sem er sagður 164 milljón
dollara virði.
 Handknattleiksmarkvörðurinn Sölvi
Ólafsson hefur framlengt samning
sinn við Selfyssinga til næstu tveggja
ára. Sölvi er 24 ára gamall og varð Ís-
landsmeistari með Selfyssingum í vor.
Hann lék með Aftureldingu 2015-2017
en annars með Selfossi allan sinn feril.
 Marcus Rashford er talinn vera orð-
inn launahæsti enski knattspyrnu-
maðurinn í úrvalsdeildinni á Englandi
eftir að hann skrifaði undir nýjan
samning við Manchester
United en hann gildir til
ársins 2023. The
Independent
segir að Ras-
hford
fái 250
þúsund
pund, tæpar 40
milljónir króna, á
viku. Hann hefur
verið í röðum félags-
ins frá sjö ára
aldri.
Eitt
ogannað