Morgunblaðið - 02.07.2019, Blaðsíða 28

28 MENNING
MORGUNBLAÐIÐ ÞRIÐJUDAGUR 2. JÚLÍ 2019
SMÁRALIND
www.skornirthinir.is
Your Shoes
Útsöluverð
2.098
Verð áður 6.995
Stærðir 36-41
30-70%afsláttur
Útsalan er hafin
Einar Falur Ingólfsson
efi@mbl.is
Íslensku óperunni var boðið að vera
með fyrstu sýninguna á virtri óperu-
hátíð í Búdapest, Armel-hátíðinni,
en hún stendur í viku með mörgum
óperusýningum, bæði þar í borg og í
Vín. Hátíðin hefst í kvöld með sýn-
ingu Íslensku óperunnar í Mupa-
leikhúsinu í Búdapest á verðlauna-
óperu Daníels Bjarnasonar, Brot-
hers, en hún var frumflutt hér á
landi fyrir ári. Að sögn Steinunnar
Birnu Ragnarsdóttur óperustjóra
sem stödd er í Ungverjalandi ásamt
flytjendunum er uppfærslan sú
sama og sett var á svið hérlendis og
eru söngvararnir nær allir þeir sömu
og sungu hér en hljómsveitin er hins
vegar ungversk.
Með hlutverkin í óperunni fara
söngvararnir Oddur Arnþór Jóns-
son, Þóra Einarsdóttir, Marie Arnet,
Joel Annmo, Selma Buch Ørum Vill-
umsen, Jakob Zethner, Hanna Dóra
Sturludóttir og Ólafur Kjartan Sig-
urðarson. Auk þess leikur Kór Ís-
lensku óperunnar stórt hlutverk í
sýningunni. Hljómsveitarstjóri er
Bjarni Frímann Bjarnason og leik-
stjóri uppfærslunnar, rétt eins og
þegar hún var fyrst færð á svið í
Danmörku, er Kasper Holten.
Þess má geta að sýnt verður frá
sýningunni í kvöld á ARTE-
sjónvarpsstöðinni og má fylgjast
með henni á vefnum arte.tv/en/
Fá alþjóðlegan sýnileika
Hópurinn hélt af stað til Búdapest
á fimmtudag og segir Steinunn
Birna æfingar hafa gengið vonum
framar, þrátt fyrir þann mikla hita
sem hefur plagað íbúa meginlands
Evrópu undanfarna daga.
„Þetta er heitasti dagurinn til
þessa hér í Búdapest, 36 stig,“ sagði
Steinunn Birna í gær og kvaðst vona
að loftkælingin væri góð í óperuhús-
inu sem væri nýlegt og gott.
„Það er sérstöð upplifun að setja
upp óperu í hitabylgju. Það er alveg
ný reynsla fyrir Íslensku óperuna,“
sagði hún og hló.
Hún sagði hópinn hafa æft síðustu
daga í lítilli borg skammt frá Búda-
pest. „Það hefur gengið dásamlega í
æfingasal sem minnir okkur hrein-
lega á Gamla bíó, og okkur hefur lið-
ið eins og heima hjá okkur. Við æfð-
um fyrst með leikstjóranum og svo
kom Daníel í gær og þá hitti hljóm-
sveitin líka einsöngvarana og kórinn
og þetta fór allt að smella saman.
Allir eru ótrúlega vel innstilltir og
stemningin hefur verið ómót-
stæðilega góð – sem er eina leiðin til
að takast á við svona þrekvirki. Það
verður aldrei of oft sagt hvað þessi
ópera, Brothers, er mikið meistara-
verk. En eins og allir vita þá er ekki
á vísan að róa með það þegar ný
verk verða til. Það er eitthvað mjög
sérstakt í þessu verki, hver efnis-
tökin eru og hvað þetta form liggur
vel fyrir Daníel sem skapaði úr því
þetta ótrúlega áhrifaríka verk. Það
hittir beint inn í kjarnann.“
Og Steinunn Birna bætti við að
hún hlakkaði til að sjá viðbrögð ung-
verskra áhorfenda á sýningunni.
„Svo er það mikilvægt fyrir okkur
að sýningunni verður sjónvarpað á
ARTE-stöðinni. Þá var sýningin á
Brothers heima í fyrra tekin upp af
Ríkissjónvarpinu og sú upptaka
verður nú sýnd af Operavision, sem
streymir óperusýningum, í sex mán-
uði. Við þessi litla ópera frá litlu
landi erum með þessu að fá alþjóð-
legan sýnileika, athygli og viður-
kenningu á því að það sem við erum
að gera sé sambærilegt við það sem
er að gerast í hinum stóra óperu-
heimi. Það er mikils virði og mikil-
vægt líka fyrir framtíðarmöguleika
þessa verks Daníels. Það er mikil-
vægt að sem flestir sjái hana og njóti
og átti sig á því hvað hún er stór-
kostleg. Hingað á sýninguna koma
stjórnendur óperuhúsa sem eru að
hugsa um að setja hana upp. Við er-
um því eins og þátttakendur hér á
heimssviðinu, sem var einmitt eitt af
markmiðunum sem ég setti mér
þegar ég tók við þessu starfi. Að við
kæmumst á alþjóðlega óperukortið
og það er að ganga upp, sem er ótrú-
lega gefandi og gaman að upplifa.
Enda eru okkar listamenn það góðir
að það er óþarfi að halda þeim bara
fyrir okkur.“
Heiður fyrir Íslensku óperuna
Steinunn Birna sagði að auðvitað
hefði falist nokkur vinna í því á æf-
ingum að tengja söngvarana og nýja
hljómsveit saman í flutningi óper-
unnar en það hefði gengið vel.
Þá sagði hún gaman að vera þátt-
takandi í þessari rótgrónu hátíð í
landi þar sem tónlistin býr að svo
mikilli og sterkri hefð. Þess má geta
að við lok hátíðarinnar um næstu
helgi verða veitt ýmis verðlaun, fyrir
bestu verk og flytjendur, sem bæði
dómnefnd og óperugestir velja.
„Þessi hátíð er mikill viðburður
hér, það fer ekki á milli mála, og eitt-
hvað sem heimamenn eru mjög
stoltir af. Það er mikill heiður fyrir
okkur að fá að opna þessa hátíð og
vera hér með öllum þessum óperu-
heimsborgurum,“ sagði Steinunn
Birna að lokum.
Sérstakt að sýna óperu í hitabylgju
 Íslenska óperan sýnir Brothers, óperu Daníels Bjarnasonar, á hátíð í Búdapest í kvöld  „Allir
eru ótrúlega vel innstilltir og stemningin hefur verið ómótstæðilega góð,“ segir Steinunn Birna
Ljósmynd/Steinunn Birna Ragnarsdóttir
Flytjendurnir Einsöngvararnir og Kór íslensku óperunnar æfðu síðustu
daga í borg skammt frá Búdapest, og svo bættist ungversk hljómsveit við.
Ljósmynd/Steinunn Birna Ragnarsdóttir
Æfing Frá æfingu á Brothers í Ungverjalandi um helgina. Sýning Íslensku
óperunnar í kvöld opnar rótgróna vikulanga óperuhátíð í Búdapest.
Ljósmynd/Jóhanna Ólafsdóttir
Verðlaunaópera Frá sýningu Íslensku óperunnar á Brothers á Listahátíð í
Reykjavík í fyrra. Leikmyndin í Ungverjalandi er nokkru minni en hér.
Búið er að ráða í öll hlutverk söng-
leikjarins We Will Rock You sem
verður frumsýndur í Háskólabíói 9.
ágúst en miðasala hefst á hann 5.
júlí á Tix.is. Greint var frá því í
Morgunblaðinu í byrjun júní að
Ragnhildur Gísladóttir og Björn
Jörundur Friðbjörnsson myndu
fara með tvö af aðalhlutverkum
verksins og nú hefur verið greint
frá því að Laddi og rapparinn Króli
hafi bæst við leikarahópinn en
Laddi mun fara með tvö hlutverk í
sýningunni.
Opnar áheyrnarprufur fyrir
söngleikinn voru haldnar 5.-7. júní
og tóku um 200 manns þátt í þeim.
Framhaldsprufur tóku svo við og
stóðu yfir í tvær vikur og skv. til-
kynningu mætti fjölbreyttur hópur
til leiks, „reyndir og lærðir leikarar
og söngvarar sem og áhugafólk“,
eins og segir þar. „Það var gríðar-
lega gaman að sjá hvað allir stóðu
sig vel. Erfitt var að velja úr þeim
flotta hópi sem mætti en þó var
ákveðið að gefa þeim Páli Sigurði,
Berglindi Höllu, Kötlu Njálsdóttur
og Kristni Óla, eða Króla, hlut-
verkin sem um ræðir,“ segir í til-
kynningunni og að 16 hafi að auki
verið valdir í kór og danshóp sýn-
ingarinnar. Æfingar á söngleiknum
hefjast 8. júlí og munu standa yfir
nær daglega fram að frumsýningu
9. ágúst. Leikstjóri sýningarinnar
er Vignir Rafn Valþórsson, tónlist-
arstjóri Karl Olgeirsson og dans-
höfundur Chantelle Carey.
Laddi, Króli, Ragga
og Björn í söngleik
 Ráðið í hlutverk We Will Rock You
Ragnhildur
Gísladóttir
Björn Jörundur
Friðbjörnsson
Þórhallur
Sigurðsson/Laddi
Kristinn Ó.
Haraldsson/Króli