Morgunblaðið - 02.07.2019, Side 32

Frumsamin lög og
amerískir söngdansar
ÞRIÐJUDAGUR 2. JÚLÍ 183. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
KR-ingar eru komnir með fjögurra
stiga forskot á toppi Pepsi Max-
deildar karla í knattspyrnu eftir
2:0-sigur á Breiðabliki í toppslag
deildarinnar í gærkvöld. KR hefur
nú unnið sjö leiki í röð í deildinni.
Markalaust var í hinum leikjunum í
gær, meðal annars viðureign FH og
Grindavíkur, en FH vann bikarleik
þeirra 7:1 fyrir helgi. »26-27
Sjö sigrar í röð og KR
bætir í á toppnum
ÍÞRÓTTIR FÓLK Í FRÉTTUM
„Ég er ótrúlega ánægð fyrir hönd
Guðbjargar og myndi ekki vilja að
nein önnur tæki þetta Íslandsmet
af mér,“ segir hin 19 ára gamla
Tiana Ósk Whitworth sem sló 25
ára gamalt Íslandsmet í 100 metra
hlaupi á laugardaginn en Guðbjörg
Jóna Bjarnadóttir náði því af henni
aðeins tveimur tímum
síðar. Tiana segir að
þær ætli sér báðar
að ná langt á Evr-
ópumóti 19 ára og
yngri síðar í þess-
um mánuði. »2
Vildi ekki að nein önn-
ur tæki metið af mér
Steinþór Guðbjartsson
steinthor@mbl.is
Það getur reynst erfitt að rífa sig
upp en Hjálmar Waag Árnason og
Valgerður Guðmundsdóttir standa
frammi fyrir því eftir að hafa fest
rætur í Reykjanesbæ. „Það eru mikil
átök að pakka eftir að hafa búið á
sama stað í 37 ár,“ segir Hjálmar.
„Ekki er ákveðið hvar við setjumst
að þegar við verðum stór, en við
byrjum á því að flytja til Reykjavík-
ur og svo er sennilegt að við endum
aftur í Reykjanesbæ, þar sem við
eigum stóran vinahóp og mikið
tengslanet.“
Eftir að hafa útskrifað fjölmenn-
asta hópinn í sögu Keilis – mið-
stöðvar vísinda, fræða og atvinnulífs
á Ásbrú í Reykjanesbæ – um miðjan
júní síðastliðinn hætti Hjálmar störf-
um eins og að var stefnt. „Það var
síðasta formlega embættisverk mitt,
en ég sinni stöku verkefnum utan
hins daglega reksturs án viðveru til
áramóta,“ segir hann.
Hjálmar var 12 ár hjá Keili, sat á
Alþingi 12 árin þar á undan eftir að
hafa verið kennari við grunnskóla og
síðan Fjölbrautaskóla Suðurnesja,
þar sem hann var skólameistari í tíu
ár. „Það er erfitt að rífa sig frá Keili
því starfið hefur verið svo skemmti-
legt, en það er gott að hætta þegar
enn er einhver eftirspurn eftir
manni, betra en að bíða eftir banki í
bakið og heyra að tíminn sé kominn.“
Ánægjulegur endir
Tveimur dögum eftir skólaslitin
var Hjálmar sæmdur riddarakrossi
fyrir forystu á vettvangi skólastarfs
og menntunar. „Það er ekki leiðin-
legt að hætta formlegu starfi með
þeim hætti að fá svona glæsilega við-
urkenningu og fyrir það er ég mjög
þakklátur,“ segir hann.
En það er líf eftir vinnu og Hjálm-
ar hefur nóg að gera. Hann hefur
verið leiðsögumaður, meðal annars á
Snæfellsnesi og í Færeyjum, þangað
sem hann á ættir að rekja, og á von á
að framhald verði á. Hann var einn af
stofnendum Gönguhóps Suðurnesja í
vetur og undirbýr sig fyrir næstu
föstu ferð, sem verður á Leggjabrjót
í ágúst. „Markmiðið er að fara eina
fasta ferð í mánuði auk tilfallandi
ferða og ég held að það séu 780
manns á facebooksíðu gönguhóps-
ins,“ segir hann.
Hjálmar segir að nú gefist tími til
þess að sinna áhugamálum eins og að
ferðast, taka myndir, efla trommu-
leikinn og fleira, „að njóta lífsins“
eins og hann orðar það. Þar skipar
laxveiði mikilvægt hlutverk, en hann
landaði meðal annars 78 sentimetra
löngum laxi á dögunum. „Mér leiðist
vatnaveiði, finnst hún bara vera fyrir
letingja. Ég vil fá að ganga meðfram
á, lesa vatnið, spá og spekúlera. Þar
hleður maður batteríin.“ Og veitir
ekki af fyrir flutningana.
Laxveiði Hjálmar Waag Árnason er mikill útivistarmaður og landaði 78 sentimetra löngum laxi á dögunum.
Hættur í formlegri vinnu
og krækti í þann stóra
 Hjálmar Waag Árnason störfum hlaðinn eldri borgari
SAMSTARFSAÐILI
HVAR SEM ÞÚ ERT
Með Sumarhúsavörn+ stjórnar þú, stillir og fylgist með í appinu og getur
bætt við skynjurum, snjalltengjum og aukabúnaði eins og þér hentar.
Sólarhringsvakt Securitas og samstarf við Alarm.com tryggir þér fullkomið
sumarhúsakerfi og öruggar lausnir.
Hringdu í 580 7000 eða farðu á sumahusavorn.is
Kvartett saxófónleikarans Hauks
Gröndal kemur fram á djasskvöldi
Kex hostels í kvöld kl. 20.30 og
flytur djasstónlist úr ýmsum átt-
um, frumsamin lög og klassíska
ameríska söngdansa. Auk Hauks
eru í kvartettinum Gunnar Hilmars-
son á gítar, Þorgrímur Jónsson á
kontrabassa og Magnús Trygvason
Eliassen á trommur.