Morgunblaðið - 09.08.2019, Síða 72

72 MENNING
MORGUNBLAÐIÐ FÖSTUDAGUR 9. ÁGÚST 2019
Til í mörgum
stærðum og ge
Nuddpottar
Fullkomnun í líkamlegri vellíðan
rðum
Vagnhöfða 11 | 110 Reykjavík | www.ofnasmidja.is | sími 577 5177
Segja má að 10. áratugur 20.aldarinnar hafi verið nokk-urs konar gullöld fyrirDisney-fyrirtækið, þar sem
teiknimyndir á borð við Aladdín,
Fríða og dýrið og Litla hafmeyjan
slógu í gegn. Engin þessara mynda
sló þó við Konungi ljónanna, sem
kom út árið 1994, og varð næstsölu-
hæsta kvikmynd þess árs og um leið
líklega vinsælasta teiknimynd í
fullri lengd sem gefin hefur verið út.
Disney hefur á síðustu árum ver-
ið að endurgera allar helstu stór-
myndir sínar úr fortíðinni í „lifandi
formi“, ef svo má að orði komast,
þar sem leikarar af holdi og blóði
koma í stað teiknaðra karaktera.
Endurgerðirnar hafa verið ágætar
sem slíkar og staðið sig þokkalega í
sýningum. Það hlaut þess vegna að
koma að því að ein helsta perlan í
safni Disney yrði endurgerð.
Að vísu er hér ekki um „alvöru“
leikara að ræða, enda hefði verið
býsna erfitt að fá ljón, antílópur,
vörtusvín og hýenur til að hegða sér
vel fyrir framan myndavélina. Þess
í stað hefur tölvutækninni verið
beitt til að glæða persónurnar lífi.
Og árangurinn lætur ekki á sér
standa, því að tölvuteikningarnar
eru það raunverulegar að áhorfand-
anum líður nánast eins og hann sé
að horfa á dýralífsmynd og það eina
sem vanti sé að Sir David Atten-
borough þylji upp söguþráð mynd-
arinnar.
Hann færi þó eflaust leikandi létt
með það, enda sést ekki að neinar
stórvægilegar breytingar hafi verið
gerðar á honum frá upphaflegu út-
gáfunni, þrátt fyrir að Jon Favreau,
leikstjóri myndarinnar, hafi lofað
því að myndirnar tvær yrðu ólíkar
að yfirbragði. Nýja myndin nær þó
einhvern veginn að verða um hálf-
tíma lengri en sú gamla, en helsta
breytingin sem hægt er að greina er
í laginu „Be prepared“ þar sem
hinn illi Skari ljóstrar upp um
áform sín, en það er mjög ólíkt því
sem var. Þá er hlutverk Nölu gert
nokkuð stærra en það var í upp-
haflegu myndinni, en söngkonan
Beyoncé Knowles stendur sig með
mikilli prýði í hlutverki hennar.
Leikaravalið að þessu sinni er
ágætt, en stenst kannski ekki alveg
samanburðinn. Það er þó enn þá
hughreystandi að heyra James Earl
Jones í hlutverki Mufasa, föður að-
alhetjunnar Simba, en hann er eini
leikarinn sem snýr aftur í endur-
gerðinni. Fyrir unnendur fyrri
myndarinnar getur það verið nokk-
uð skrítið að heyra aðrar raddir í
stað þeirra sem þeir kannast við úr
æsku sinni. Þannig þótti undirrit-
uðum til að mynda frekar skrítið að
heyra hinn stórfína Chiwetel Ejio-
for í hlutverki illmennisins Skara
eftir að Jeremy Irons hafði nánast
geirneglt það á sínum tíma, og John
Oliver sem hirðfuglinn Sasú nær
ekki alveg að fylla í þau fótspor sem
Rowan Atkinson skilur eftir sig.
Donald Glover stendur sig hins veg-
ar mjög vel sem Simbi, en það eru
eflaust þeir Tímon og Púmba sem
stela senunni, alveg eins og í fyrri
myndinni, þrátt fyrir að nýir leik-
arar hafi tekið við taumunum þar.
Seth Rogen er þannig séð sniðinn
að hlutverki Púmba og hann og
Billy Eichner, sem er íslenskum
áhorfendum lítt kunnugur, ná vel
saman sem hið fræga tvíeyki.
Tónlist myndarinnar er að sjálf-
sögðu stórkostleg enda er hún að
miklu leyti sú sama og átti sinn þátt
í að gera fyrri myndina jafnvinsæla
og raun ber vitni. Það er samt mjög
sérstakt að heyra sum lögin í nýjum
búningi með nýjum söngvurum.
Endurgerðin nú er því mikið
sjónarspil sem bæði gladdi og
grætti undirritaðan. Sjónræn feg-
urð myndarinnar hittir þannig al-
gjörlega í mark svo að áhorfandinn
fær nánast gæsahúð og söguþráð-
urinn stendur enn fyrir sínu.
Helsta spurningin sem vaknar er
hins vegar sú hvort þörf hafi verið á
endurgerð af þessu tagi, sér-
staklega þegar breytingarnar eru
ekki stórvægilegri en raun ber
vitni? Þrátt fyrir hið glæsilega yfir-
borð sem hér er boðið upp á, vantar
eitthvað upp á til að endurgerðin
geti slegið fyrirrennara sinn af
stalli. Þá eru þau nýmæli sem boðið
er upp á ekki nægilega mörg til
þess að einhver ástæða sé til að
mæla með þessari mynd umfram
hinn upphaflega konung ljónanna.
The Lion King Hirðfuglinn Sasú (John Oliver) og ungi Simbi (JD McCrary) ræðast hér við í endurgerðinni.
Ætlar enn að verða kóngur klár
Sambíóin og Laugarásbíó
The Lion King bbbbn
Leikstjóri: Jon Favreau. Handrit: Jeff
Nathanson. Aðalhlutverk: Donald Glo-
ver, Seth Rogen, Chiwetel Ejiofor, Alfred
Woodard, Billy Eichner, John Kani, John
Oliver, Beyoncé Knowles-Carter og
James Earl Jones.
Bandaríkin, 2019. 118 mínútur.
STEFÁN GUNNAR
SVEINSSON
KVIKMYNDIR
Skrúður er heiti
sýningar sem
Lilý Erla Adams-
dóttir opnar í sal
SÍM hússins,
Hafnarstræti 16,
í dag, föstudag,
klukkan 17.
Í tilkynningu
segir að í óhlut-
bundnum verk-
um skapi Lilý
samtal milli lita og áferðar. „Hún
dregur fram heillandi heim þar
sem hæðir og lægðir takast á og
mynda kraftmikla hrynjandi á yf-
irborðinu. Hún skoðar yfirborð
hversdagsins og sækir innblástur
jafnt í marmarakökur sem og jök-
ulhlaup. Verkin á sýningunni eru
loðin málverk.“
Lilý lauk BA-prófi í myndlist við
LHÍ, diplómanámi í textíl við Mynd-
listaskólann í Reykjavík og MA-
gráðu í listrænum textíl við Sænska
textílskólann í Borås árið 2017.
Í listsköpun sinni hefur hún feng-
ist við textíl, málverk, skúlptúr,
ljóðlist og gjörninga. Hún hefur
sýnt og kennt textíl og myndlist
bæði hér heima og erlendis. Lilý er
deildarstjóri textíldeildar Mynd-
listaskólans í Reykjavík.
Skrúður Lilýjar
Erlu í SÍM-salnum
Hluti verks eftir
Lilý Erlu.
Systkinin Mikael
Máni Ásmunds-
son og Lilja
María Ásmunds-
dóttir skipa dúó-
ið Innri felu-
staður og koma
þau fram í menn-
ingarhúsinu
Mengi við Óðins-
götu í kvöld,
föstudag, kl. 21. Eru þetta loka-
tónleikar ferðalags sem þau hafa
verið í undanfarnar vikur þar sem
þau hafa troðið víða upp.
Dúóið notar fjölbreytta hljóð-
færaskipan til að ná fram mismun-
andi litum og áferðum, og grípa
systkinin í ýmis hljóðfæri. Auk þess
eru rafhlutar í ákveðnum köflum
verkanna, meðal annars unnir úr
umhverfishljóðum, heimagerðum
spiladósum og blandast saman við
hljóðheim hljóðfæranna.
Mikael Máni og
Lilja María í Mengi
Lilja og Mikael
Því var fagnað í Tel Aviv á miðviku-
dag að síðustu skjöl og handriti rit-
höfundarins Franz Kafka hafa ver-
ið afhent Landsbókasafni Ísraels til
varðveislu. Hundruð skjala af ýmsu
tagi, handrit, bréf, póstkort og dag-
bækur, voru afhent safninu að fyr-
irmælum dómstóla, bæði í Ísrael og
í Sviss, en stór hluti þessara gagna
hafði verið geymdur í bankahólfi í
Zürich áratugum saman.
Skjölin voru hluti af dánarbúi
bókmenntafræðingsins Max Brod,
sem var náinn vinur Kafka sem lést
úr tæringu aðeins fertugur að aldri
árið 1924. Kafka var þýskumælandi
íbúi Prag og er dánarstundin nálg-
aðist fól hann Brod að eyða öllum
sínum skrifum og gögnum. Brod
ákvað að hunsa fyrirmælin og stóð
fyrir útgáfu ýmissa handrita Kafka,
meðal annars á skáldsögunni Rétt-
arhöldunum, og varð Kafka einn
áhrifamesti höfundur tuttugustu
aldar.
Brod fól ritara sínum að koma
skjölum Kafka til ísraelsku þjóð-
arinnar en þau hafa síðan legið hjá
ritaranum og afkomendum hennar
og verið tekist á um þau í réttar-
sölum, með þeim endanlegu lyktum
að öll eru nú komin í safnið.
AFP
Verðmæti Sérfræðingur við Landsbókasafn Ísraels sýndi fréttamönnum
dæmi um handrit og dagbækur Kafka, meðal annars með ýmsum skissum.
Handrit Franz Kafka
loksins komin í safnið