Morgunblaðið - 15.08.2019, Blaðsíða 37

1. RAFORKUVERÐ HÆKKAR MEÐ
ORKUPÖKKUNUM
Lágt raforkuverð hefur verið ein af undirstöðum góðra lífskjara
í landinu. Fyrri orkupakkar ESB juku kostnað í raforkukerfi
landsins með óþarfri uppskiptingu raforkufyrirtækja. Sá
kostnaður er nú borinn af fyrirtækjum og heimilum í landinu.
Með þriðja orkupakkanum hækkar flutningskostnaður
rafmagns.
2. SÆSTRENGUR HÆKKAR ORKUVERÐ
Verði sæstrengur lagður til ESB mun raforkuverð hækka
verulega hér eins og gerðist í Noregi. Áform eru um sæstreng
sem gæti flutt 20-40% af raforku sem framleidd er í landinu úr
landi en það er mun hærra hlutfall en í Noregi. Komi strengur
munu mörg innlend fyrirtæki gefast upp og störf munu flytjast úr
landi.
3. ÞAÐ MÁ SEGJA NEI TAKK
Ísland hefur enga tengingu við orkumarkað ESB og ætti því að
vera undanþegið orkupökkunum. Undanþágur aðildarríkja frá
óþarfri eða skaðlegri löggjöf EES eru mikilvægur hluti EES-
samningsins. Ísland hefur meðal annars fengið undanþágur
frá EES-reglum um jarðgas, járnbrautir og skipaskurði.
Undanþágurnar hafa ekki valdið vandamálum hingað til og
engin ástæða til að ætla að undanþága frá orkupakkanum geri
það. Segjum nei takk við orkupakkanum.
4. VIÐ ERUM MESTA RAFORKUÞJÓÐ
HEIMS
Engin þjóð framleiðir meiri raforku á íbúa en við og öll raforka
okkar er framleidd án mengunar. Við framleiðum tífalt meiri
raforku á íbúa en ESB. Við megum ekki missa forræði í
svo mikilvægum málaflokki úr landi til aðila sem hafa aðra
hagsmuni en fólk á Íslandi.
5. ORKULÖGGJÖF ESB VELDUR OKKUR
TJÓNI
Aðstæður í orkumálum ESB og Íslands eru gerólíkar og sú
löggjöf sem hentar aðstæðum í ESB getur valdið tjóni hér.
Hér er gnótt raforku en ESB býr við orkuskort. Hagsmunir ESB
og Íslands í orkumálum fara ekki saman og ESB lætur sína
hagsmuni að sjálfsögðu ganga fyrir.
6. ORKUPAKKAR MARKAÐSVÆÐA
ORKUKERFIÐ
Orkupakkarnir markaðsvæða raforkukerfi landsins sem hingað
til hefur nær alfarið verið í eigu ríkis og sveitarfélaga. Hagnaður
raforkufyrirtækja nemur tugum milljarða árlega og rennur allur til
samfélagslegra verkefna. Vilja Íslendingar breyta því?
7. NÁTTÚRVERND VÍKUR FYRIR
GRÓÐASÓKN
Orkupakkarnir hvetja til aukinnar fjárfestingar einkaaðila í
raforkuframleiðslu. Virkjunum einkaaðila skal veittur aðgangur
að flutningskerfi raforku sem er í ríkiseigu. Kalli einkavirkjanir
á aukna flutningsgetu skal sú fjárfesting borin af ríkinu og
neytendum.
8. EKKI HÆGT AÐ HAFNA SÆSTRENG
Raforka er vara samkvæmt EES-rétti og því er stjórnvöldum
óheimilt að hefta viðskipti með raforku milli landa. Með
þriðja orkupakkanum kæmi regluverk um flutning raforku yfir
landamæri. Tvö sæstrengsverkefni eru í startholunum og bíða
eftir samþykkt orkupakkans. Hafni stjórnvöld umsóknum um
sæstrengi gætu þessir aðilar krafist himinhárra skaðabóta úr
ríkissjóði.
9. ORKUÖRYGGI STEFNT Í HÆTTU
Orkupakkinn dregur úr orkuöryggi því með honum verður
auðlindastýring talin ólöglegt inngrip í frjálsan markað. Í ESB-
ríkjunum er brugðist við orkuskorti með því að brenna gasi en
hér er það ekki valkostur. Tæmist uppistöðulón hér er ekki
hægt að panta meiri rigningu. Bili sæstrengur tekur viðgerðin
marga mánuði. Hér þarf því allt aðra forðastýringu en í ESB.
10. ÁSTÆÐULAUST AÐ TAKA VIÐ
PAKKANUM
Hvers vegna ætti Ísland að skuldbinda sig til að innleiða reglur
orkumarkaðar sem það hefur engin áform um að tengjast? Sé
eitthvað talið gagnlegt í orkupökkum getum við ávallt innleitt
þá hluta að eigin frumkvæði og án nokkurra skuldbindinga
gagnvart EES.
TAKTU ÞÁTT!
Geymdu þetta þar sem fleiri geta lesið og kynntu fleirum rökin!
Taktu þátt í áskorun Orkan okkar á vefnum: www.orkanokkar.is/askorun
Nánari upplýsingar á www.orkanokkar.is
10 GÓÐAR ÁSTÆÐUR TIL AÐ SEGJA
NEI VIÐ ORKUPAKKANUM