Morgunblaðið - 15.08.2019, Blaðsíða 68

68 MENNING
MORGUNBLAÐIÐ FIMMTUDAGUR 15. ÁGÚST 2019
Myndlistarsýning Huldu Vilhjálms-
dóttur, Víðátta/Wilderness (Vernd-
um náttúru Íslands) verður opnuð í
Galleríi Gróttu í dag kl. 17. Á henni
vinnur Hulda með náttúruna þar
sem verndun náttúru Íslands er
meginviðfangsefnið, að því er fram
kemur á Facebook. Að vissu leyti er
sýningin tileinkuð föður Huldu, Vil-
hjálmi Ásmundssyni, sem opnaði
augu hennar fyrir sérkennum ís-
lenskrar náttúru og fegurð, segir
þar. „Pabbi hafði stórar hendur.
Þær unnu og þær leiddu mig.
Þær bentu mér á fjöllin. Þær
voru bæði stórar, sterkar og hlýjar.
Þegar hann var að hvíla sig í
hægindastólnum heima, þá setti
hann hendurnar
á hné sér, eins og
hann væri að
sýna heiminum
þær. Stundum
flettu þær bók.
Stórri bók um
löndin í heim-
inum. Það voru
myndir af dem-
öntum og gim-
steinum í bókinni
og hvar væri
hægt að finna þá.
Hann ferðaðist um heiminn í
hægindastólnum heima,“ skrifar
Hulda um föður sinn. Sýningin
stendur yfir til 22. september.
Verndun náttúrunnar viðfangsefnið
Hulda
Vilhjálmsdóttir
Ragnheiður Birgisdóttir
ragnheidurb@mbl.is
Sýning á verkum Emmu Heiðars-
dóttur, Jaðar, verður opnuð í D-sal
Listasafns Reykjavíkur í Hafnarhúsi
í kvöld kl. 20. Emma er 39. listamað-
urinn sem sýnir í sýningaröðinni í D-
sal þar sem listamönnum sem taldir
eru hafa mótandi áhrif á íslenska
myndlistarsenu er boðið að halda
fyrstu einkasýningu sína í opinberu
safni.
Á sýningunni setur Emma fram
vangaveltur um stund og stað mynd-
listar, eins og segir í tilkynningu.
„Hvar og hvenær hefst listupplifun,
hve lengi varir hún og hvert ferðast
hún með áhorfendum?“ er spurt og
bent á að listaverkið leiki, venju sam-
kvæmt, lykilhlutverk í öllu þessu ferli
sem og sýningarstaðurinn, þ.e. lista-
safnið. Emma snýr upp á þessa þætti
og fær sýningargesti til að staldra við
og íhuga reynslu sína og eru verk
hennar sögð teygja sig út fyrir sýn-
ingarrýmið en samt sem áður þarf
áhorfandinn að vera inni í sýning-
arrýminu til þess að skynja verkið.
Sýningarstjóri Jaðars er Markús
Þór Andrésson, deildarstjóri sýninga
og miðlunar hjá Listasafni Reykja-
víkur.
Hefur sérstakan áhuga á
rýmisinnsetningum
„Þetta eru allt ný verk sem eru
gerð fyrir þessa sýningu með rýmið í
huga, verk sem ég myndi flokka sem
„inngrip í rými“ og eru unnin í mis-
munandi miðla. Skúlptúrar, skrásett-
ur gjörningur og inngrip í rými,“ seg-
ir Emma um sýninguna.
Hún segist hafa unnið með þessum
hætti í nokkur ár og haft sérstakan
áhuga á rýmisinnsetningum. „Ég hef
oft fengið hugmyndir í tengslum við
þau rými sem ég sýni í,“ segir hún.
„Þessi sýning heitir Jaðar og út-
punktur sýningarinnar er að vinna
með þennan jaðar á milli rýmisins og
þess sem er fyrir utan.
Ég hef áhuga á einstaklingsmið-
aðri upplifun á list. Ég vil ekki segja
of mikið af því að þetta eru verk sem
koma svolítið á óvart þegar maður
kemur inn í rýmið. Ég hef áhuga á því
að upplifunin er hjá áhorfandanum og
hann tekur þátt í að skapa verkin,“
segir Emma og bætir við að henni
þyki mikill heiður að fá að sýna í
Listasafni Reykjavíkur. „Ég er rosa-
lega ánægð með að hafa fengið þetta
tækifæri.“
Emma er fædd árið 1990, nam
myndlist við Listaháskóla Íslands
2010-13 og stundaði framhaldsnám
við listaháskólann í Antwerpen,
þaðan sem hún útskrifaðist í fyrra.
Verk hennar byggjast á inngripi í þau
rými sem hún sýnir í auk sjálfstæðra
þrívíðra verka og myndbandsverka.
Emma verður með leiðsögn um
sýninguna eftir viku, fimmtudaginn
22. ágúst, kl. 20.
Morgunblaðið/Árni Sæberg
Inngrip í rými
 Emma Heiðarsdóttir opnar sýninguna Jaðar í D-sal
Heiður Emma á sýningu sinni,
Jaðar, í D-sal Hafnarhússins.
Kvikmyndin Hvítur, hvítur dagur
eftir leikstjórann Hlyn Pálmason
hefur verið valin til þátttöku á al-
þjóðlegu kvikmyndahátíðinni í
Toronto og verður sýnd í þeim
hluta er nefnist Contemporary
World Cinema. Hátíðin fer fram 5.-
15. september næstkomandi en
myndin verður frumsýnd hér á
landi 6. september.
Myndin hefur þegar hlotið nokk-
ur verðlaun. Aðalleikari hennar,
Ingvar E. Sigurðsson, hlaut verð-
laun sem besti leikarinn á Critics‘
Week á kvikmyndahátíðinni í
Cannes og einnig á kvikmyndahá-
tíðinni í Transylvaníu í Rúmeníu.
Þá var myndin einnig valin sú besta
á hátíð í Motovun
í Króatíu fyrir
skömmu.
Í myndinni
segir af lög-
reglustjóranum
Ingimundi, sem
Ingvar leikur,
sem hefur verið í
starfsleyfi frá
því að eiginkona
hans lést af slys-
förum. Þegar á líður fer hann að
gruna að eiginkona hans hafi átt í
ástarsambandi við annan mann.
Verður sá grunur að þráhyggju og
leiðir til gjörða sem hafa slæmar af-
leiðingar.
Hvítur, hvítur dagur sýnd í Toronto
Hlynur
Pálmason
www.gilbert.is
Sif N.A.R.T
TÍMALAUS GÆÐI
1000 METRA VATNSHELT
Franska listaparið Ari Allansson og
Camille Lacroix hafa verið að störf-
um í vinnustofu í Midpunkt-sýn-
ingarrýminu í Hamraborg í Kópa-
vogi í júlí og ágúst og er það fyrsta
vinnstofudvölin sem Midpunkt býð-
ur upp á. Þau sýna afrakstur vinnu
sinnar með hugmyndinni Space
Lab í dag og á morgun kl. 17-20.
Lacroix er frönsk hljóðlistakona
og leikmyndahönnuður sem býr og
starfar í París en Ari er íslenskur
kvikmyndagerðarmaður sem býr
líka og starfar í París. „Íslendingar
hafa löngum verið forvitnir um það
sem liggur fyrir utan landsteinana
og útþráin er landsmönnum í blóð
borin. Við erum fædd á eyju í
Norður-Atlantshafi og það er okk-
ur nauðsyn að geta ferðast yfir haf-
ið í allar höfuðáttirnar fjórar. Ís-
lenska geimferðastofnunin vill
bæta fimmtu áttinni við – beint upp
og út í geim,“ segir um sýninguna.
Space Lab er stjórnað af meðlimi
AA75 og meðlimi CL83 og er starf-
rækt í þeim tilgangi að rannsaka
eldflaugavísindi og geimferðir í öll-
um sínum víddum, segir enn frem-
ur og að rannsóknarvinnan fari
fram að mestu fyrir luktum dyrum
en áhugasömum gefist tækifæri til
að koma og kynna sér hvernig mið-
ar.
Sýna afrakstur vinnustofudvalar
Forvitnilegt Mynd tengd sýningunni.
Vinir & elskhugar er titill mál-
verkasýningar myndlistar- og
kraftlyftingakonunnar Dagmarar
Agnarsdóttur sem opnuð verður í
Menningarmiðstöðinni Gerðubergi
í dag kl. 17. Dagmar sýnir olíu-
málverk sem flest eru frá þessu ári
og því síðasta og er þetta fyrsta
einkasýning hennar í rúm þrjú ár.
Myndefni og innblástur sækir hún í
fólk og fyrirbæri, stöðu mannsins í
nútímanum og vangaveltur um
þann heim sem núlifandi kynslóðir
eftirláta afkomendum sínum.
Fyrirmyndirnar fólk og fyrirbæri
Listmálari Dagmar við trönurnar.
Árlegu námskeiði Alþjóðlegu tón-
listarakademíunnar í Hörpu
(HIMA) lýkur með hátíðartón-
leikum í Norðurljósasal í dag kl.
19.30. New Music for Strings
(NMFS) hefur í vikunni haldið sitt
annað námskeið í Reykjavík og á
fyrri hluta tónleikanna leikur
strengjasveit HIMA fjögur verk. Í
sveitinni leika nemendur og kenn-
arar úr eldri deild en fiðluleikarinn
Eugene Drucker, úr Emerson-
strengjakvartettinum, mun leiða
sveitina í gegnum efnisskrá þar
sem teflt er saman nýjum verkum,
íslenskum og erlendum, í bland við
meistaraverk fyrri ára.
Seinni hluti
tónleikanna er
ek. tónlistar-
sýning þar sem
hvert tónverk er
flutt á mismun-
andi stað í tón-
leikasalnum og
áhorfendum boð-
ið í ferðalag.
Verkin eru flutt
hvert á eftir öðru en áheyrendur
færa sig til rétt eins og þeir væru
staddir á myndlistarsýningu, segir í
tilkynningu. Frumflutt verður nýtt
íslenskt verk eftir Þráin Hjálm-
arsson fyrir sjö strengjaleikara og
söngrödd. Einnig verða flutt verk
eftir Chen Yi, Mari Kimura og Dav-
id Bruce. Hátíðartónleikarnir eru
ávöxtur samstarfs tónlistarhátíð-
anna HIMA og NMFS.
Lokatónleikar
HIMA og NMFS
Eugene Drucker